الورد .. وأعمال أخرى

[عفاف سليمان]

المشاركة الأصلية كتبت بواسطة ممدوح محفوظ

الى يفرَّق سَاد و الى إنعزَل ما سَاد

احقاد و نار بتغلى فى قلوب حسَّاد

دمى ميتك يا نيل و لحم كتافى من ارضك

احمد و جرجس حبايب و العدو موساد ...ء

اخى الكريم الباشمهندس
(((ممدوح محفوظ)))
كلمات قصيره جدا
لكن قالت المفيد
والله يفعل ما يريد
فيكيدون كيدا واكيد كيدا
والله خير الكائدين
اللهم اجعل كيدهم فى نحورهم
ولا تسلط علينا من لا يخافك ولا يرحمنا
انك بنا سميع عليم
وهتفضل مصر بحب ابناؤها
مسلميها واقباطها
فى يد واحده
لا يفرقهم حاسد ولا حاقد
وهنفضل فى كل صباح جديد
نسمع اغنيات الصبح الندى
واحنا رايحين على شغلنا
مسلمين ومسيحيين

التى تبعث الفرح ع الصبح الجديد
بنوره وندى الزرع الاخضر
برائحته الجميله
زرع الشراقى

ازدان فوق عيدانك واخضر يا زرع الشراقى
دا صباحك منور يا اخضر والخير فى اللى ساقى
يا صغير يا زرع اديه انا ساقى التقاوى غناوى
وهتفرج برمش عنينيه من كتر اشتياقى يا عينى من كتير اشتياقى
ازدان فوق عيدانك واخضر يا زرع الشراقى
...دوار الحنان خبيته من خوفى عليه بكفوفى
والعود الجميل حبيته لليوم التلاقى يا عينى
لليوم التلاقى دا صباحك منور يا اخضر والخير فى اللى ساقى
يا زرع الصباح يا منور
محبوبى هواه مطلوبى
وانا جمبك لحد ما تكبر على عهدك وباقى يا عينى على عهد وباقى
دا صباحك منور يا اخضر والخير فى اللى ساقى
ازدان فوق عيدانك واخضر يا زرع الشراقى
دا صباحك منور يا اخضر والخير فى اللى ساقى
ارق تحياتى
اختك عفاف

[ممدوح محفوظ]

أُختى العزيزه عفاف
لكى كل شكرى و مودتى
ممدوح محفوظ

[ام مدحت]

الشاعر الاستاذ/ممدوح محفوظ
بين رباعياتكم عشنا وسعدنا
بما خط قلمكم
بارك الله لكم
تحياتى وتقديرى

[ممدوح محفوظ]

المشاركة الأصلية كتبت بواسطة ام مدحت

الشاعر الاستاذ/ممدوح محفوظ

بين رباعياتكم عشنا وسعدنا
بما خط قلمكم
بارك الله لكم

تحياتى وتقديرى

الاخت ام مدحت
اشكرك على كلماتك الرقيقه

[ممدوح محفوظ]

جامد فِ إيدى يا قلَم إيه الى صابك


قال لى القلم حاسب لتفتح للرخيص بابك


دى الكلمه إما تداوى و تبنى بالاراده جبال

ى إما تشعل حرايق تخسر فيها احبابك ....ء

[ممدوح محفوظ]

(إستشهاد جنود حرس الحدود فى سيناء )

نحِبك و نشتمك و نحَدِفك بالطوب

و الى يقول اكرهك و الى يقول محبوب

دَ الغدر كلمه و رصاصه و القدر مكتوب

العِزَه ليك يا شهيد ... أما الى غدر مطلوب

ممدوح محفوظ ...ء