طلبات نوتة أ / عادل صموئيل الجزء الثانى - الصفحة 68

**عاصم المنشاوى** · #1 29/01/2019, 11h07

أستاذنا الكبير...عادل بك
لو ليك مزاج ياجميل فى اغنية قديمة للست ام كلثوم....من ابداع السنباطى مع شوية لزم موسيقية بتوقيع ريشة عود السنباطى ...من سنة 1943...اياميها كان صوت أم كلثوم شغال أدليب...بتألق التحدى لأى مطرب تيجى بعدها...كان نفسى أنزلها لحضرتك لكن للأسف داخل م الموبايل..... https://www.sama3y.net/forum/attachm...5&d=1310779200

**عاصم المنشاوى** · #2 29/01/2019, 11h16

https://www.sama3y.net/forum/attachm...5&d=1310779200

أستاذنا الكبير/عادل بك

اغنية غنى الربيع...للست ام كلثوم...سنة 1943...أيام ماكان صوت أم كلثوم بيعمل أدليب للتاريخ بطعم التحدى لأى مطربة ح تيجى بعدها...وريشة عود تبدع أحلى لزم سنباطية...لو ليك مزاج ياباشا
تدونها لو تكرمت

**عادل صموئيل** · #3 29/01/2019, 14h01

احبائى
اقدم لكم من العيار التقيل جدا اغنية محمد عبد املطلب

يابايعنى ونا شارى

الاغنية دى كان صعب جدا جدا انها تتدون وماحدش يقدر يدونها ... اصعب حاجة فيها طريقة غنا عبد المطلب كان زى ما تقول مشعشع اوى او متسلطن اكتر م اللازم ف بيعمل تصدير طول ماهوماشى .. يعنى التصدير بمعناه ان المطرب بيتسلطن وبيظهر عبقريته ف بيمد فى حرف بحيث ان الجملة او الكلمة بتقفل على الظلع الرابع من المازورة وهو بيطولها وبيقفل على الدوم ..مع المطربين القديرين بتبقى عبقرية .. لكن مع المتفزلكين زى اصالة مش بيعرفوا يحبكوها ف بيقع فى الوحدة ... مشكلة عبد المطلب فى اللحن ده انه ماشى بيصدر طول الكوبليه وده شىء صعب جدا جدا فى التدوين ان لم يكن مستحيل عامل زى واحد مش ماشى على الارض يعنى بيتفاعل مع السلالم والحفر والمطبات ولكن طاير فى الهوا مالوش دعوة بخطوط الموازير ... احنا فى التدوين اخطر حاجة عندنا حاجتين ... البيتش يعنى الدرجة اللى الغنا بيقول منها وخط المازورة يعنى الدوم يعنى عندك 4 اضلاع فى المازورة .. انت فين فى اى ضلع منهم ,,, وعشان مدون يكتب لحن بيتقال بالطريقة دى لازم يتوافر فيه حاجة غير انه شاطر ... انه يقدر يتخيل اللجن الااسى ايه .. لأن احنا لما بنكتب بنكتب اللحن الاساسى مش اللى المطرب بيتفزلك ويقوله ... لن اللى بيقوله مايتكتبش اصلا يعنى بيطول فى حاجات ويقصر فى حاجات ويختزل حاجات عشان يبقى ماشى صح ... بس الحمد لله مع الخبرة بنقدر نحساللحن الاساسى كان ايه ... اقول لكم حاجة تضحك ... الطريقة اللى قال بيها عبد المطلب اللحن وهى التصدير طول ماهو ماشى ... دى بتحسب لعبد المطلب عبقرية ... لكن لو مطرب صغير قلده ومشى بالطريقة دى حاينضرب بالنعال يعنى ..لأن عبدالمطلب وهو خارج الوحدة عارف بيقول ايه بالظبط لكن اى حد مش مخضرم حا يضيع
اتمنى ان تستفيدوا باللحن هو لحن جميل
مع اطيب تحياتى

**amsel** · #4 13/01/2019, 15h42

الى الاستاز العبقرى عادل صموئيل لقد استمعت واستمتعت بهزا العزف لاغنية من بعيد ياحبيبى بسلم وغيرها من المعزوفات الساحرة لشخصك المحبوب ان هزا العزف لغة عالمية لتبادل العواطف وتعطى لدينا المجال لنهرب من الحياة من ناحية وان نفهم الحياة بشكل اعمق من ناحية اخرى. العزف منفردا ...موسيقيون عرب اظهروا أروع ما فى الموسيقة والاستاذ عادل صموئيل فردا منهم نشكر حضرتك على هزا الا عجاز الباهر

**muhannadkharita** · #5 04/02/2019, 18h45

أرجو من من لديه نوتة طبيب جراح ان يضيفها مع جزيل الشكر

**Omda32** · #6 10/02/2019, 18h27

سيدي الكريم عادل صموئيل.
أبحث عن بعض النوتات الموسيقية للفنان اللبناني ذو الإحساس المرهف و الصوت الجميل ألا وهو : معين شريف . و على سبيل الذكر مثلا : شو بيشبهك تشرين أو ليش تخون . و كذلك طلب نوته أخرى للفنان كاظم الساهر : إنسى العالم كله .
مع كامل الشكر و التقدير و كل التشجيع .

**محمد الكعيبي** · #7 14/02/2019, 09h15

أرجوك أستاذ أريد نوتة "دز جوابي لجربة" لرضى القلعي.

**احمد علي البدري** · #8 15/02/2019, 06h57

شـكـرا جـزيلا مستر عادل على كل جهود حضرتك لأخراج هذا الكم من التراث الفنى لتبقى لأجيال قادمة ) ، طلب صغير اذ امكن لو ينفع حضرتك تعطي بعض الشروحات مع كل نوتة زي رأي حضرتك فيها او ذكرياتها معاك ....

**عادل صموئيل** · #9 15/02/2019, 21h19

احبائى
اقدم لكم من العبار التقيل جدا اغنية من اصعب اغانى ام كلثوم واروعها

النوم يداعب عيون حبيبى

مع اطيب تحياتى

**Tony al** · #10 16/02/2019, 01h47

[QUOTE=عادل صموئيل;746768][CENTER][SIZE="5"][COLOR="Blue"]احبائى
اقدم لكم من العبار التقيل جدا اغنية من اصعب اغانى ام كلثوم واروعها

[COLOR="Red"]النوم يداعب عيون حبيبى
شكرا يا أطيب أنسان