طلبات نوتة أ / عادل صموئيل الجزء الثانى

[عادل الغامدي]

السلام عليكم ورحمة الله وبركاتة

الاخ عادل صموئيل
لديه بعض الاقتراحات البسيطه اتمنى قبولها بكل سعه قلب
المنتدى فيه ملايين الكنوز والبرامج والنوتات
لاكن هناك مشكله بسيطه هيه حفظ هذي الكنوز
على الجميع المحافظه عليها ومن ضمن هذي الكنوز القيمه هي النوتات الموسيقيه
والتي تعتبر كنز غالي جدا

بحكم قلت المدونين للنوتات اتمنى من اي شخص لديه خبره في جمع وتزين قواعد بيانات ان يجمع
جميع النوتات على حسب المدون لها سواء كان انت او غيرك
ووضعها في مجلد واحد على شكل كتاب
مثلاً الموضوع هذا تعدينا فيه الــ400 صفحه وهذا متعب لتتبع كل ماهو جديد

الشي الثاني
نحنو في الخليج ينقصنا %90 من النوتات الخليجيه لكثير من الفنانين
وانا شخص اقول بانه شي متعب بان جميعنا نطلب منك جميع النوتات لان هذا شي مرهق لك
فهل هناك طريقه لتقسيم معين يفيدنا في طل النوتات الموسيقيه او على الاقل طريقه في ترتيب طلب النوتات


اسف على الاطاله

لديه ملاحضه
انا شخص احاول التعلم للنوته وللعزف وانا شخص جديد جدا على الموسيقى
ولاكن احتاج انا ارى النوته واقرا النوته واسمع عزفها وبعدها تسهل عليها عزفها هذي الطريقه سهله لديه ولاكن تواجهني مشكله اني ارجع لكتابه النوته في برنامج sibelius حتى اسمع العزف واقوم بالترديد خلف العزف لتسهل عليه
هل هناك طريقه تسهل عليه نقل النوته لاي برنامج ليعزفها ليسهل عليه الامر


الاخ العزيز
اهلا بك فى المنتدى
بالنسبة لجمع النوت ... موضوع النوت فى المنتدى .. فيه نوعين من النوت .. انت لو شفت تحت القسم حاقصد الموضعات غير المثبتة توجد فيها نوت قديمة لكل المطربين بس تنقصها عدة حاجات يعنى اولا مكتوبة بالقلم وخط اليد ممكن ناس كتير ماتعرفش تقراه ... ومنها نوت متصورة لكن بطريقة رديئة بتشوه النوتة ويمكن تطم حروفها .. ومعظمها مكتوبة بطرقة صعبة جدا على الهواة او تقول بإحترافية عاليةما يعرفش يعزفها غير المحترفين ... ونوت فيها اخطاء احينا بتكون فادحة لذلك كتير تلاقى اعضاء بيطلبوا منى اعيد تدوينها تانى والاخطاء اما بتيجى من ان المدون مش على درجة عالية من الكفاءة فى التدوين واحيانا المدون بيكتبها من الذاكرة بدون ان يراجع الملف الصوتى ..
اما فى القسم المثبت وهو اللى بنتكلم منه الحين فيه مدونين جدد وبيستعملوا الكمبيوتر ومنهم شباب بيتعلم الطريقة السهلة فى التدوين يعنى انت ممكن تكتب اللحن اسهل بدون ان ينقصه شىء ... هنا الاخ العزيز هيثم الصالحى عامل فهرس مهم جدا لكل مدون مننا مقسمه الى كل مطرب على حدة وبالأبجدية يعنى تدخل افهرس انت عايز نوتة لمين تبحث عن اسم المطرب وتشوف النوت الموجودة ... وانا احبذ ان الفهارس دى تكون لكل مدون على حدة لن لو خلطناهم على بعض ... حاتضيع قيمتهم لأن كل مدون لو نوعية معينة من الاغانى ... يعنى انا عزفت فى معظم اغانى الزمن الجميل مع المطربين الاصليين لذلك تلاقى تخصصى محدد فى كذا وعندك الاخ العزيز نزيه محمد بيعرف يدون النوعية الحديثة من الاغانى واللى انا ما افهمش فيها .. وهكذا ... الطريقة اللى انت بتعملها جيدة جدا لأن مش معاك مدرس موسيقى .. يعنى انت لو سألأتنى كنت حقول لك اتعلم كتابة النوتة على احد برامج الكتابة واسمع منها جملة جملة شوف بتتقال ازاى بعدين اعزفها بس طبعا لازم تكون تجيد قراءة النغمات الموسيقية والعلامات الايقاعية وشيئا ف شيئا بكثرة التدريب ممكن تقرأ النوتة مباشرة وتخلى الكتابة دى للجمل الصعبة اوى
مع اطيب تحياتى عادل صموئيل

[عادل صموئيل]

احبائى

من اغانى صباح القديمة

قالوا لى الحب بينباع

فيه ملحوظة ... الاغنية دى فى وسطها موال انا ماكتبتوش لأن الموال والتقاسيم مش بتتكب .. ثانيا وضع المواويل بيبقى حركة بيعملها الملحن عشان يطول الاغنية يعنى بدل ما تبقى 3 دقائق تبقى خمس دقائق .. والموال مش بيبقى لو قيمة فنية فى الاغنية يعنى بيبقى حلو لما المطرب يغنيها فى الحفلات بس طبعا لما يكون مطرب قدير متخصص فى الموال زى محمد عبد المطلب او فريد الاطرش طبعا
مع اطيب تحياتى

[ABU BARAA]

الاستاذ عادل
شكرا لكم علي هذا المجهود العظيم
وهذه اول مشاركه لي
وارجوا من سيادتكم نوته لو كنت يوم انساك
وشكرا
ابو براء

[ابراهيم محمد خل]

السلام عليكم
لو سمحتم ممكن نوتة اهلا بهالطلة للشحرورة صباح
وميل يا غزيل لنجاح سلام

[عاشقة العود]

انا الي شايفتوه بالفترة اﻷخيرة من تدوينات لمطربين ومطربات فاشلون وساقطات غير مﻻئمة لعنوان هذا المنتدى للفن الطربي اﻷصيل. يعني حسب رأي أختكم عاشقة العود ﻻزم نسميه منتدى سماعي للفن العام بكل أشكاله.
انا أسفه كثير على هيك إنتقاد بس أكيد في فنانين راح يقدرو التعقيب..مع خالص إحترامي للجميع

[حمدي محمد أحمد]

المشاركة الأصلية كتبت بواسطة عاشقة العود

انا الي شايفتوه بالفترة اﻷخيرة من تدوينات لمطربين ومطربات فاشلون وساقطات غير مﻻئمة لعنوان هذا المنتدى للفن الطربي اﻷصيل. يعني حسب رأي أختكم عاشقة العود ﻻزم نسميه منتدى سماعي للفن العام بكل أشكاله.
انا أسفه كثير على هيك إنتقاد بس أكيد في فنانين راح يقدرو التعقيب..مع خالص إحترامي للجميع

شكرا عاشقه العود علي أهتمامك بالمنتدي الغالي واسمحي لي ابداء الرأي

وهو عدم الموافقه علي تغير الاسم لان

ربما كان المطرب أو المطربه كما تفضلتي بوصفهم ولكن التدوين الموسيقي بعيد تماما عن هذا الوصف

لان الموسيقي التي نعذفها ونتمتع بها خاصه بالملحن ولولا انها تحتوي علي جمل بها ابداع وقيمه فنيه لما أقدم علي تدوينها عمالقه المنتدي

ارجو ان تتقبلي رايي بكل ود

[عادل صموئيل]

المشاركة الأصلية كتبت بواسطة عاشقة العود

انا الي شايفتوه بالفترة اï»·خيرة من تدوينات لمطربين ومطربات فاشلون وساقطات غير مï»»ئمة لعنوان هذا المنتدى للفن الطربي اï»·صيل. يعني حسب رأي أختكم عاشقة العود ï»»زم نسميه منتدى سماعي للفن العام بكل أشكاله.
انا أسفه كثير على هيك إنتقاد بس أكيد في فنانين راح يقدرو التعقيب..مع خالص إحترامي للجميع

الاخت العزيزة عاشقة العود
انا حاولت اتكلم فى الموضوع ده كتير ولكن برضو فيه ناس بتطلب الاغانى دى مع انى شرحت كتير ان الاغانى الحديثة دى مافيهاش ميلودى اصلا وبتعمد على الزحمة فى التوزيع لإخفاء رداءة الجملة اللحنية اصلا
منتدى سماعى للطرب العربى الاصيل بيتميز دون عن غيره من المنتديات بالحفاظ على الطرب الاصيل .. يعنى المفروض من اى عضو قبل ما يطلب نوتة انو الاول يشوف فى المواضيع الاخرى بالمنتدى نوعية المطربين اللى بيتعامل معاهم المنتدى وهم من بداية تواجد اسطوانات فى مطلع القرن العشرين وحتى نهاية عصر الفن الجميل وبداية عصر الفن اللى مش جميل احنا مالناش دعوة بيها ... واحيانا كل 1000 لحن بيتصادف وجود اغنية حلوة احنا طبعا مش متعصبين للقديم ولكن متعصبين للفن ... يعنى انا يؤلمنى لما يدخل عضو وهو بيتعامل مع عبد الوهاب زيه زى تامر حسنى او محمد منير مثلا .. انا طبعا مش بدون الحاجات دى ولا بعرف اسمعها اصلا
مع اطيب تحياتى

[عادل صموئيل]

احبائى
من اشهر اغانى فيروز

سألونى الناس

مع اطيب تحياتى

[برهان عواد]

أستاذ عادل تحية واستفسار،
بعد السلام و السؤال عن الصحة،
أستاذ، عند سماعك لأغنية تريد تدوينها شخصيا،
هل يؤثر صوت الجماهير في المسرح سلبيا في فهم دقة العزف،
طبعا، الجميع يعرف أن العزف في استديو يعطي أفضل النتائج
للتدوين السماعي،
و لكن أحيانا تفاعلية الجمهور و السلطنة التي
تحصل للمطرب، للفرقة، للجمهور تزيد من جمالية الأغنية وتكسبها رونق
أخر، فتبدو في معظم الحالات أجمل من تسجيل الاستديو،
أعرف أن حضرتك تنبه دائما الى ضرورة رفع الأغنية كاملة،
لتمسك المازورة الأولى لتضبط عليها الإيقاع،
ولكن، هل يوجد أي مشكلة في رفع أغنية من المسرح اذا كانت بإحساس أجمل
أم أن حضرتك تفضل رفع الأغنية بتسجيلين( إن أمكن) و تختار بينهما.
الرجاء من القراء إدرك أن كلامي عن تفاعلية الجمهور
لا أعني بها ( حالات الجنون و الصراخ) التي تشاهد و تسمع في حفلات المؤدين و المغنين هذه الأيام، و إنما السلطنة و الطرب التي كانت تشاهد في الحفلات أيام زمان.
شكرا.
اخى العزيز
اسئلة جميلة ويسعدنى الرد عليها ...
هو اخطر مشكلة بتقابلنى ان حد لما بيسجل اغنية ( يعنى زمان ايام اجهزة التسجيل الكاسيت ) انو بيسمع الاغنية فى الراديو ويضغط على الزر ويسجلها بعد مايكون فات منها جزء ... ودى مع الاسف بتحصل كتير وفى المواقع على النت فيه اغانى كتير كده لكن افضلها طبعا المسجل من الشريط الاصلى اذا كان تسجيل استوديو او حفلة
اما عن الحفلات يعنى ام كلثوم مثلا ما تتسمع إلا من حفلات لأن تفاعل الجمهور معها بيعطى احلى اداء ... لأن فى الاستديو المطرب بيكون مقيد بوقت محدد يعنى ما يقدرش يعيد كتير داخل الكوبليه ده بيخليه زى الحصان المحبوس فى مكان ما يقدرش يطلع طاقته , وكون انى كاتب من الحفلات ده من اعمال الفرقة الماسية فقط لأن الفرقة الماسية كان فيها مميزات خطيرة مش جودة العزف ولا كل المميزات اللى انتم عارفينها بالمقارنة بالفرق الاخرى .. كان احمد فؤاد حسن بيحرص ان كل مازورة من اللحن مهما كان حجمه انها تكون مسموعة وبأعلى جودة يعنى افرض مثلا ان الجمهور عمل تصفيق حاد جدا وامتد شوية ... كان بيحرص على اعادة الجزء بحيث يبقى موجود على الشريط واضح جدا ... وفى المونتاج يبقى فيه خامة جيدة يقصوا منها ... رؤساء الفرق الاخرى مش بياخدوا بالهم او يركزوا على هذا الموضوع .. يعنى احينا الاسقاع مش بيدخل صح او يكون ناسى الايقاع ويحصل تداخلات وعدم انضباط لمدة نصف الجملة لحد ما يصلحوا نفسهم .. ورئيس الفرقة مش بيركز وبيكمل عادى لكن الحاجت دى ماتفوتش كانت على احمد فؤاد حسن وكان عادة بيتعمل مرجعات كبيرة يعنى المرجع الكبير بداخله عدة مرجعات بحيث يخلى الفرقة تعيد الجزء سواء موسيقى او غناء بحيث يبقى متاكد ان كل جزء من اللحن موجود وسليم .. وده اللى بيخليك لما تسمع اى حفلة للفرقة الماسية من المستحيل انكك تجد غلطة من اى نوع او جملة يكون الجمهور مغلوش عليها ... كمان حاجة مهمة .. المطرب نفسه لما يكون الجمهور عامل صوت عالى والمطرب حايدخل يغنى ... بينتظرهم لحد ما يهدوا خالص ويغنى بحيث ان اول دخوله يبقى نقى جدا ... يعنى المطرب زمان كان مايعرفش يغنى إلا لما الجمهور يخلص تصفيق ويسكت اما اليوم اللى بيغنى بيعتمد على اثارة الجمهور لأن لو الجمهور سكت وركز فى السمع حايكتشف ان اللى بيغنى ده مالوش علاقة اساسا بالغناء .. بس التدوين من الحفلات بيحتاج اولا احترافية اكتر ثانيا خبرة بالمطرب نفسه ودى ميزة طبعا عندى لأنى عايشتهم وحافظهم بمعنى ان اهم شىء لو مطرب غنى جملة كذا مرة اولا بيقول اللحن الاساسى مرتين بعدين اذا كان عايز يجود حاجة من عنده بيقولها بعد 3 او 4 مرات ... انا طبعا او نحن كلنا بندون اللحن الاساسى ... زمان حتى المطرب الكبير نفسه لو حس انو قال جزء وممكن يقوله احسن من كده كان هو بنفسه يعيد الجزء ... لأن التسجيل كان زمان امانة يعنى لازم يؤدى اللحن 100% ... فيه كمان عنصر مهم جدا جدا .. مهندس الصوت بتاع الحفلة كان المطرب بيتعامل او بيطلب من الاذاعة مهندس معين بيحرص على وضع الميكروفونات بحيث انها تطلع صوت الجمهور لكن بطريقة ماتخليه يغلوش على اللى على المسرح مع اطيب تحياتى عادل صموئيل

[ملحن مصري]

المشاركة الأصلية كتبت بواسطة عاشقة العود

انا الي شايفتوه بالفترة اﻷخيرة من تدوينات لمطربين ومطربات فاشلون وساقطات غير مﻻئمة لعنوان هذا المنتدى للفن الطربي اﻷصيل. يعني حسب رأي أختكم عاشقة العود ﻻزم نسميه منتدى سماعي للفن العام بكل أشكاله.
انا أسفه كثير على هيك إنتقاد بس أكيد في فنانين راح يقدرو التعقيب..مع خالص إحترامي للجميع

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ


أضم صوتي إلي صوتك ا / عاشقة العود

ليس الخطأ يتحمله من يطلب فقط

بل أن المدون عليه جزء كبير من الخطأ

حيث أن الهدف الأساسي هو الحفاظ علي تراثنا الموسيقي العربي والمصري ولا أعلم سبب تغاضي إدارة المنتدي عن هذا الأمر الخطير

أرجو من السادة القائمين علي هذا المنتدي المحترم والراقي أن ينظروا في هذا الأمر حيث أن النتائج المترتبة عليه كارثيه بمعني الكلمه

والسؤال الأخير لإدارة المنتدي

ما هي القيمة الفنيه التي تحملها المسماه بالأغاني الحديثة ؟؟؟؟؟؟؟؟؟؟


مع تحياتي

تامر عامر

ملحن مصري