اقتباس:
المشاركة الأصلية كتبت بواسطة عادل صموئيل
احبائى
اقدم لكم من روائع عبد الوهاب القيدمة
اغنية من العيار التقيل جدا جدا مع ان حجمها صغير
سهرت منه الليالى
الاغنية دى طلبها الاخ العزيز حليم من المغرب ... ولو تسمحوا لى اتكلم عنها شوية ( من وجهة نظرى طبعا )
انا احترمت الاختيار لأن الاغنية دى من اصعب اغانى عبد الوهاب وانا بخبرتى عمرى ما سمعت حد لا بيغنيها ولابيعزفها وما اعتقدش ان حد من اللى بيقلدوا عبد الوهاب يتجرأ ويغنيها لنها من النوع اللى تتسمع فقط يعنى عندنا مصطلح فى مصر بيقول شغل المعلم لنفسه يعنى العملاق بيعمل اغنى كتير ممكن حد يغنيها لكن كل فترة بيعمل حاجة فلتة كده يقول انا كبير اوى ... من نكهة الاغنية وطعم الفرقة انا احس انها اتسجلت فى الفترة من 1938 الى 1942 فى الحدود دى والملحوظ ان عبد الوهاب استعمل فيها الاكورديون بشكل اساسى يعنى مش بليغ حمدى اول من استعمله ولكن بليغ حمدى اول من ادخله فرقة السيدة ام كلثوم .. وعبد الوهاب تقريبا استعمل او كان اول ملحن يستعمل كل الآلات الموسيقية الغربية فى الاغانى المصرية .. مشكلة صعوبة الاغنية دى انهم فى الوقت ده ماكانوش بيستعملوا النوتة الموسيقية كان الملحن ولو هو كمان المطرب بيقعد مع الفرقة عدد كبير من البروفات لحد ما يحفظوا اللحن ثم يسجلوه .. ولما كان التسجيل زمان على اقراص الشمع كان لازم ان المطرب يسجل الاغنية كلها مرة واحدة او يسجل وجه الاسطوانة الاول مدته 4 دقائق ثم يسجل وجه الاسطوانة الثانى وهو نصف الاغنية الثانى وبالطبع لو حد غلط بيعيدوا التسجيل من الاول تانى لحد ما يطلع احسن حاجة .. الحركة دى ومع عبد الوهاب بالذات يعنى ممكن يكون يوم التسجيل غنى الاغنية دى مش اقل من خمسين مرة .. وطالما هو الملحن كل ما بيعيد اكتر بيعمل تجويد اكتر وممكن واكيد بتطلع حاجات تكون الفرقة مش هى دى اللى حفظتها ولكن كمحترفين بيتابعوا المطرب وبالتأكيد مع عبقرية عبد الوهاب بتطلع عبقريات اداء بيبقى من الصعب حد غيره يقولها
المشكلة اننا باديين نهاوند بعدين قلب عجم او ماجير .. ولما دخلنا فى الكوبليه حصلت الحاجة اللى انا مش بحب اتكلم فيها يعنى دخل مقام شرقى مش عادى .. وحصل قدامى كتير وكمان هنا ف المنتدى ان ناس من الشاطرين بيختلفوا ويتخانقوا على المقام كل واحد بقول حاجة .. انا مش بدخل فى الخنافة دى وبحول الموضوع للخ العزيز محمد الآلاتى
بس انا عادل صموئيل بشتغل ازاى ودى تهم كل المدونين الجدد .. اى مقام غريب او مش بياتى صريح مثلا انا بشوف كنت فى مقام ايه وعلامات التحويل الجديدة ايه يعنى بسمع بكتب اللى انا سامعه مش المقام اللى انا حاسه ودى خطيرة جدا جدا لأنى لو حاسس مقام وكان احساسى غلط حاكتب غلط وبالذات زى ماقلت المقامات الغريبة او المش متداولة بتبقى قابلة للشك وكمان ان البرنامج اللى بكتب بيه غربى يعنى المى نصف بيمول وانا بكتبها هو بيغنيها بيمول يعنى مخى بيبوظ ... وعبد الوهاب لو طريقى خبيثة فى الدخول للمقامات دى يعنى لما القانون دخل انا حسيت انو بيعمل سىنصف بيمول مع ال لا بيمول بتاعتنا الاصلية .. بس الحاجات اللى بيعملها عبد الوهاب خلتنى مش مستريح ومسكت الكمنجة ( وللعلم انا مش بمسك الكمنجة واشك فى اللى بكتبه إلا مثلا مرة كل كذا سنة لن غلط جدا استعين بآلة موسيقية وانا بدون لأن دى تدمر اذنى الموسيقية وتخلى المدون مش ممكن يعرف يكتب صح من غير ما يجس اللى بيكتبو على آلة ودى بالنسبة لواحد محترف مثلى كارثة ) بس اضطريت افضل ما اكتب غلط اكتشفت ان عبد الوهاب الخبيث عامل السى ناتوريل وال لا هى اللى نصف بيمول .... بس انا بالطبع افتخر انى كتبت اللحن الصعب ده لن من المستحيل ان حد يقدر يكتبو .. بس الذ حاجة انا حاسس انى عملتها انى لما كتبته فكيت الطلاسم بتاعتو يعنى اعتقد حا يبقى سهل اوى معاكم والاخ العزيز حليم ان شاء الله يعزفه بدون مشاكل المضحك انى كتبت الكوبليه الاول النهاوند فى نصف ساعة والكوبليه الثانى فى يوم ونصف
مع اطيب تحياتى |
يا أحلى صباح يا أستاذ عادل
لك ألف شكر على هذه الهدية الرائعة و هذا الشرح المهم لخطورة الكوبليه الثاني والذي سيعرف لا محالة نقاشا
كبيرا من طرف المختصين من أعضاء المنتدى
أطلب الله أن يحفظك و يديم عليك نعمه و يمتعك بموفور الصحة و العافية
شكرًا شكرًا شكرًا و جازاك الله خيرا يا راجل يا كريم
حليم
رد: طلبات نوتة أ / عادل صموئيل الجزء الثانى
العرض المتطور
