طلبات نوتة أ / عادل صموئيل الجزء الثانى

[salhi_haithem]

المشاركة الأصلية كتبت بواسطة عاصم المنشاوى

استاذنا /عادل بك

كويس ان نوتة "ليالى الشرق" أستفزت حضرتك ...وتكتبهالنا ...وان كنت أقترح على حضرتك ...ان ننحى جانبا -قليلا- الوطنيات المصرية....فالمنتدى ملك لكل العرب ...وليس لنا نحن فقط...اتمنى من حضرتك تدوين -مثلا- "العيون السود"...لبليغ ووردة ...وأعتقد الكثيرون طلبها...من الأشقاء العرب وبذلك -كما عودتنا دائما - نرضى جميع الأطراف ...شكرا لسعة صدركم ...

الدكتور /منذر عبود

دائما مانفرح عند رؤياك ورؤية كل الأخوة -بسبب مانسمع من أخبار تثير القلق عليكم ...فأرجو أن تطلّوا علينا من وقت لآخر...انت والدكتور /وسام اكرم ....والباقى ..أنا عارف فى بيات شتوى بسبب شهر رمضان المعظم...كل سنة وحضراتكم بخير

السلام عليكم ورحمة الله وبركاته
اخي عاصم و اللهي اختيار موفق لاغنية جميلة جدا و تصور معايا هذه التحفة تخرج من اصابع النجم الماسي الاستاذ عادل
ستكون قنبلة في حد ذاتها
و قد سبق و طلها اخي سليمان و طلبها اخي وائل و طلبتها و ضمت اخت صوتها الينا و اليوم اظيف صوتك لنا و انا عارف انه صوتك هو عبارة عن صدى جميل في صفحتنا
ولو تعمل معروف وتعطينا بسطة صغيرة عن الاغنية و تاريخها حيث يقولون انها اول اغنية من الحان بليغ غنتها وردة عند رجوعها الى مصر في اول السبعينات
اخوك هيثم

[السهيل اليماني]

شكرا لكم

[سامح اسعد]

الاستاذ الكبير عادل المبدع شكرا جزيلا عمل رائع يستحق الثناء.
طريقة كتابة النوتة رائه واسلوب سلس شكرا واتمنى التقدم

[abdellahjaber]

نوتة صباح فخري - في الروض انا شفت الجميل et merci

[fairouz]

هذه اول مشاركة لي في بيت الموسيقي الراقي(و هو هذا المنتدي)
و الاستاذ عادل صموئيل يقدم لنا العديد و العديد من النوت الموسيقية الجميلة
و لو سمحتم انا عايزة نوتة حتى اخر العمر لعمر خورشيد بس
تكون نوتة حرفية لان انا لا استطيع قرأة النوتة الموسيقية و ارجو
ارجو ان اجد طلبي هنا
و لو ممكن تتكتب في المنتدي عادي من غير ارفاق ملفات يكون افضل
لان انا عندي مشكلة في الجهاز و لا يستطيع العمل مع الملفات المرفقة
و لو حد يقدر يساعدنى و يقولي ازاي اجعل الجهاز يتعامل مع ارفاق الملفات
بشكل صحيح ياريت يقول لي
و لو منفعش يتكتب النوتة عادي و لازم ارفاق ملفات للاسف مش هقدر اقرأها
و لا يمكننى قرأة اي شيئ في المنتدي الذي اود منذ وقت طويل الاشتراك فيه
و انا اسفة للاطالة

[الألآتى]

المشاركة الأصلية كتبت بواسطة fairouz

بس تكون نوتة حرفية لان انا لا استطيع قرأة النوتة الموسيقية و ارجو

للأسف ياإبنتنا .. لا أحد سيجيب طلبك بخصوص النوتة الحرفية .. فنحن هنا نحاول أن نعلم بالطريقة الصحيحة ..

ولقد لاحظت أن هذه مشاركتك الأولى فى المنتدى .. فمن أين عرفتى أن هناك مشكلة فى التحميل ؟

لابد من المشاركة .. ويجب أن تبلغ مشاركاتك عشر مشاركات .. لتحصلى على بعض الصلاحيات مثل الرفع والتحميل

أهلاً بك فى منتدى سماعى للطرب العربى الأصيل

[عادل صموئيل]

الابنة العزيزة فيروز
اولا اهلا بكى فى المنتدى
طبعا واضح انكى تلميذة فى مدرسة لأنى كنت مدرس موسيقى ثم موجه وموجه اول وعارف الطريقة الفاشلة اللى المدرسين بيعلموا بيها الطلبة الموسيقى فى المدارس ... يعنى المدرس كل همه ان الطالب يشترك معاه فى المسابقة ويعزف بأى طريقة والطالب يقعد طول العام الدراسى يتمرن او يحفظ فى مقطوعة المسابقة وبعد المسابة المدرس ما يعرفش الطالب ...
اما عن النوتة الحرفية هى حاجة غلط جدا جدا وما يعرفش يكتبها غير اللى ما يعرفش يقرا او يكتب نوتة
واقول لك ببساطة ليه
الموسيقى عبارة عن حاجتين اساسيتين نغمات وزمن
يعنى النغمة بتستغرق زمن اد ايه والنوتة الموسيقية بتبقى النغمة مكتوبة بالزمن بتاعها اللى بتستغرقه اما النوتة الحرفية بيبقى مكتوب حروف لكن مش مكتوب معاها زمنها
يعنى انا لو المدرس بتاعك وكتبت لك فى المدرسة النوتة الحرفية وانتى رحتى البيت ومسكتى الورقة وحبيتى تسترجعى اللى قلناه حتلاقى حروف لكن زمنها ايه ؟ ومن هنا حاتحفظى غلط
كمان انتى على الجيتار بتلاحظى ان فيه سلمين يعنى نغمة مى مثلا فيه نغمة غليظة ونغمة حاجة فى النوتة الحرفية بيكتبوا ( مى ) طيب هى انهى فيهم ؟
الحل عندك انك تحاولى تتعلمى نوتة صح ابتدى وهنا فى المنتدى دروس كتير يعنى ابتدى واحنا تحت امرك اسألى وحنجاوب
طبعا بالنسبة للتحميل والرفع من المنتدى زى ما قال الاخ العزيز محمد الآلاتى لازم يكون عندك عشر مشاركات يعنى تدخلى فى اى اقسام تعجبك واعملى ردود
مع اطيب تحياتى

[إيمان.]

الاستاذ عادل ..
الاخوة الاعضاء..
السلام عليكم جميعا وشكر وعرفان كبيرين للاستاذ عادل على التحف الموسيقية التي يغنينا بها ..
بارك الله بك وأمدك بطول العمر ..
اما الاخت فيروز فأنا انصحها أن تتعلم النوتة الموسيقية على يد استاذ موسيقي فهي تعيش في مصر (ام الدنيا) ومن السهل جدا ان تجد استاذ او معلمة تدرسها النوتة الموسيقية وكيفية قرائتها ..
تحياتي لكم جميعا.

[شاهين]

السلام عليكم استاذنا الكبير
شكرا جزيلا على التحفة الفنية الجميلة محمد يا رسول الله
بالفعل هناك انس يريدون ان يغلقوا الضغينة بين المسلمين و المسيحين لكن هيهات لهم ان يصلوا الى مبتغاهم
متمنيات ان تنعم بلدكم مصر بالسكينة و الطمانينة و ان يزيد من امثالكم الذين يقدرون معنى التسامح و الاخاء

[guest]

المشاركة الأصلية كتبت بواسطة fairouz

هذه اول مشاركة لي في بيت الموسيقي الراقي(و هو هذا المنتدي)
و الاستاذ عادل صموئيل يقدم لنا العديد و العديد من النوت الموسيقية الجميلة
و لو سمحتم انا عايزة نوتة حتى اخر العمر لعمر خورشيد بس
تكون نوتة حرفية لان انا لا استطيع قرأة النوتة الموسيقية و ارجو
ارجو ان اجد طلبي هنا
و لو ممكن تتكتب في المنتدي عادي من غير ارفاق ملفات يكون افضل
لان انا عندي مشكلة في الجهاز و لا يستطيع العمل مع الملفات المرفقة
و لو حد يقدر يساعدنى و يقولي ازاي اجعل الجهاز يتعامل مع ارفاق الملفات
بشكل صحيح ياريت يقول لي
و لو منفعش يتكتب النوتة عادي و لازم ارفاق ملفات للاسف مش هقدر اقرأها
و لا يمكننى قرأة اي شيئ في المنتدي الذي اود منذ وقت طويل الاشتراك فيه
و انا اسفة للاطالة

بعد اذن استاذ عادل

هارفق النوتة من تدويني , عشان كنت مدونها زمان من كتر حبي للموسيقي و الفيلم
و يصعب عليا تكون عندي و ابخل بيها
الموسيقي دي سهلة بس جميلة , اقصد عزفها مش صعب لأي حد

الاستاذة فيروز

1.النوتة مرفقة ل حضرتك بشكلين PDF , و علي شكل صورة و معاها كمان MP3 للتدوين عشان تسمعيها مع النوتة و تلعبيها
ممكن توضحي ايه المشكلة ؟ هل قصدك مثلا معندكيش برنامج Adobe Reader لقراءة ملفات ال PDF ؟
و عشان كدة ارفقتها صورة ربما تكون هي دي المشكلة , و لكن الاسهل ليكي تنزيل البرنامج Adobe Reader من النت و من غير فلوس , و دا احسن ليكي .. عشان الغالبية من النوت و حتي الكتب في سماعي PDF

2.النوتة بتاعتي مدونة ب طريقتين , التدوين الموسيقي العادي و تدوين Tabs مخصوص لألة الجيتار
انا مش بحب طريقة ال Tabs
الاحسن تتقني النوتة ب شكلها العادي يعني المدرج الموسيقي و الازمنة زي ما استاذ عادل و استاذ محمد قاموا بالتوضيح قبل كدة
كتابتها حرفيا حتي و ان نفع , مرة ها تمشي معاكي عشان بتحبي العمل مثلا و اللي بعديها لأ
افتكر مرة قريت موضوع عن تعريب النوتة و كتابتها بالحروف و حاجات تخريف كدة و جدل ملوش لازمة , رجاء قراءة الموضوع حتي يصلك اللي اقصده و تستفيدي من كلام محمد بيك الالاتي الموجود في الموضوع دة

http://www.sama3y.net/forum/showthread.php?t=69906

و قراءة النوتة دي حاجة سهلة خالص بس واحدة واحدة و من غير ما تحسي هتلاقي نفسك بتتقدمي للأمام , هتلاقي مثلا دروس كتيرة هنا
http://www.sama3y.net/forum/forumdisplay.php?f=75

و علي مختلف المستويات , منهم دروس استاذ محمد الالاتي علي سبيل المثال
http://www.sama3y.net/forum/showthread.php?t=2537

و بالتوفيق