طلبات نوتة أ / عادل صموئيل الجزء الثانى

[BasmaSakas]

شُكراً كتيير .

[احمد علي البدري]

شكرا استاذ " Armendo " على نوتة سماح , وشكر خاص لاستاذ عادل على نوتة "ان كان ع القلب ،وامى لشادية" وياريت نوتة أنا من تراب او اي اغنية دينية لحليم ..ولو فى حد من الاعضاء يملك اي واحدة منهم، ياريت يتواضع معانا ويرفعها ..وجزاه الله خيراً مُقدما.

[sayed_lv]

السلام عليكم و رحمة الله و بركاته

توزيع
فيها حاجه حلوه
لـ عمر خيرت

وطبعا شكراا جدا للاستاذ عادل صموئيل على النوتة الموسيقيه لهذا العمل و معلش التوزيع مش قد المقام بس هى اصلا توزيعها صعب و خدت منى حوالى 9 ساعات .. ارجو ان تنال اعجابكم
تحياتى

[عاصم المنشاوى]

الفنان الطبيب الدكتور الجراح /وسام أكرم
انا متأسف ...انه سقط سهوا منّى ان أشكرك على تحيتك الرقيقة ...أنا آسف يادكتور ...دى أعراض الزهايمر ههههه...سؤال بقى مش ناوى تبطل كسل ...وتنزل لنا كام نوتة حلوين كده على ذوقك؟

[وسام اكرم]

الاخ العزيز عاصم المحترم
الاحبة و الاصدقاء في منتدى سماعي
اشكرك جدا على ردك الكريم و السريع. بصراحة حصلت لي مشكلة مع سيرفر المنتدى لم استطيع فهمه حتى الان. منذ بداية هذا العام كلما ادخل الى المنتدى و تظهر الرسالة( اهلا و سهلا بك ياوسام اكرم) يتضح بعدها اني لم ادخل الى المنتدى. و كذالك عندما احاول تحميل اي ملف مثل نوتة ( غريب يازمان) يسجل المنتدى ان لم ادخل الى المنتدى, و بعد 10 محاولات تفشل العمليه كلها. بعد فترة اكتشفت بالصدفة ان هذه الضاهرة تحدث فقط في البيت, و لكن لاتحدث عندما ادخل الى المنتدى من حاسبة الكلية. اي بمعنى اخر سيرفر مكتب ( الطارق) و هوا الذي مشترك فيه لديه مشكلة مع سيرفر المنتدى. المهم ان هذه المشكلة حلت من تلقاء نفسها,, و عسى المانع ان يكون خير انشاء الله. دعائي لك و لكل الاحبة و الاصدقاء و على راسهم استاذي الحبيب عادل صموئيل بكل خير انشاء الله.....
المخلص
وسام
الاخ العزيز د . وسام
حمد لله ع السلامة ووحشتنا جدا
موضوع السيرفرات ده بيبقى ساعات عفريت فى الجهاز طالما بتدخل من جهاز تانى ويشتغل
انا انصحك انو يكون عندك متصفح تانى زى فاير فوكس مثلا
انا عندى دايما الاتنين يعنى انترنت اكسبلورر وفاير فوكس ..يعنى ساعات كتيرالاقى لو عايز انزل نوتة الانتر نت اكسبلورر مش بيبقبل ينزلها اما الفاير فوكس بينزلها ... وفيه حاجة اهم واخطر .. المتصفح انتر نت اكسبلورر احيانا بيلقط فايرس صغير او حاجة فى برنامج او شىء بتكون حملته ولقيته مالوش لازمة وحذفته .. هنا الانتر نت اكسبلورر حساس اوى ممكن ينقص منو ملف ينقص احد الخواص ومالوش حل غير انك تشيل الويندوز ,, اما المتصفح الخارجى اللى زى الفاير فوكس من اهم مميزاته انو لو حسيت ان فيه شىء مش مضبوط تحذفه وتنزلو تانى ويشتغل 100% طبعا الكلام للجميع يعنى كلنا بنتعلم من بعض
مع اطيب تحياتى عادل صموئيل

[حازم سلطان حسن]

ممكن نوتة ليالي الشرق للاستاذ محمد عبد الوهاب
شكراً

[abdellahjaber]

الشكر للأخ العزي عادل

[عزت شحاته]

استاذى الجميل / عادل صموئيل
الاساتذة والاخوة الاعضاء
كل سنة وانتم طيبين ورمضان كريم
وحشتووووووووووووووونى جدا قوى خالص
عزلت مكان الاقامة لمكان جديد اخدت وقت فى تركيب النت
لقاء الاحلام قصدى لقاء الاوبرا . بجد بالنسبه لى حلم جميل واتحقق
وانا مروح انا ومينا اللى حضر اللقاء وكان سعيد برضه . بص عليه لقانى سرحان وبضحك بيقولى فيه حاجه . قلتله اللى حصل ده يتحط فى سفر حياة الواحد يحكيه ويتحاكى بيه . حصل اتصال تليفونى مع الفتى الذهبى سيد محمود او ابو السيد زى ما بحب اناديه بهنيه على نجاحه فى الثانويه وحصوله على مجموع 91ونص ( زى فيولا بنتى برضه جابت 91 وربنا معاهم الاتنين السنه اللى جايه ).بسأل سيد ايه اخبار باقى القعده لانى استأذنت بدرى حبه عشان المواصلات قالى كانت جميلة . قلت له عن انطباعات الباشا الكبير . قال كان سعيد وهوه ركب معاه المترو وهمه مروحين وعبر له عن سعادته وقال بالحرف الواحد (من زمان ما قابلتش حد بيفهم )
من الاخر يا جماعه انا سعيد شوفت الباشا ( كه وش ف وش )وشوفت الاخوة والاحباب واتكلمنا ف فن وذكريات الباشا وكلامه وطريقته . وناس بتشوف بعض لاول مره وكانهم اصحاب قوى . هوه فيه كده ؟ هوه ده عادى؟
الصور يا عم احمد حاضر هنزلها ف اقرب وقت
استاذ اشرف - استاذ عاصم الف الف الف شكر
اخى العزيز
انا كمان سعدت بكم اوى اوى لأنى بجد زى ماقلت من مدة ماقبلتش حد بيفهم فى الموسيقى يعنى حتى لماكنت فى الوظيفة قبل ما اخرج للمعاش كان اللى بتعامل معاهم مع انهم مدرسين موسيقى بس تحس انهم مدرسين تدبير منزلى
واتمنى ان تكون رحلتكم كانت سهلى ومريحة لأنكم طبعا مشيتم فى وقت واعتقد انكم مش حاجزين فى قطار
واككر الشكر طبعا للأخ العزيز اشرف والاخ العزيز عاصم
على فكرة انا نوتة ليلاى الشرق شفتها ماعجبتنيش يعنى اولا مكتوبة صعبة جدا ممكن اى حد يخاف يقراها
واللن ده انا عزيز عليا اولا لأنى بحب اعزفه كتير وثانيا لأنه كان اول معزوفة ليا هنا فى المنتدى نزلتها
وانا حبتدى ادونه تانى على مزاجى فوراً
والف مبروك لكل اللى نجحوا فى الثانوية العامة وربنا يكرمهم فى الصراع المحموم على الكليات الحلوة
مع اطيب تحياتى عادل صموئيل

[armendo]

صديقى العزيز الأستاذ عزت شحاته..الف مبروك على الشقه الجديده وان شاء الله تكون فأل خير عليك وعلى العائله الكريمه كما اننى قد سعدت بالتعرف عليك انت وباقى الأخوه الأعزاء وبالطبع استاذنا الأستاذ عادل والى لقاء ارجو ان يكون قريبا ان شاء الله.
مع ارق تحياتى
ارمندو

[عاصم المنشاوى]

استاذنا /عادل بك

كويس ان نوتة "ليالى الشرق" أستفزت حضرتك ...وتكتبهالنا ...وان كنت أقترح على حضرتك ...ان ننحى جانبا -قليلا- الوطنيات المصرية....فالمنتدى ملك لكل العرب ...وليس لنا نحن فقط...اتمنى من حضرتك تدوين -مثلا- "العيون السود"...لبليغ ووردة ...وأعتقد الكثيرون طلبها...من الأشقاء العرب وبذلك -كما عودتنا دائما - نرضى جميع الأطراف ...شكرا لسعة صدركم ...

الدكتور /منذر عبود

دائما مانفرح عند رؤياك ورؤية كل الأخوة -بسبب مانسمع من أخبار تثير القلق عليكم ...فأرجو أن تطلّوا علينا من وقت لآخر...انت والدكتور /وسام اكرم ....والباقى ..أنا عارف فى بيات شتوى بسبب شهر رمضان المعظم...كل سنة وحضراتكم بخير