بالورقه والقلم ~ المايسترو الالاتي - دينا و حبيبه محمودسعد

[Hisham Khala]

المشاركة الأصلية كتبت بواسطة محمودسعد

بالورقه والقلم ،،
خدتيني ميت الم ،،
انا شوفت فيكي مرمطه وعرفت مين اللي اتظلم
ليه اللي جايلك اجنبي ؟
عارفه عليه تطبطبي
وتركبي الوش الخشب
علي اللي منك تقلبي
عارفه سواد العسل ؟
اهو دا اللي حالك ليه وصل
ازاي قوليلي مكمله ؟
وكل دا فيكي حصل
يابلد معانده نفسها
وكل حاجه وعكسها
ازاي وانا صبري انتهي ؟
لسه بشوف فيكي امل ،،،،،،،
التوزيع (الشاق؟) للفنان العبقري محمد الالاتي
الغناء دينا محمود سعد
والصغنونه حبيبه محمود سعد

جميلة قوي يا محمود
الاختين صوتهما يشبه لبعض مع فرق السن بيفرق شوية في الاداء.

الموسيقي جميلة ، يا تري مين الملحن؟ (معلهش انا مش عايش في مصر و مش عارف ايه الجديد في الاغاني)
يا تري ازاي الآلاتي ركبها بالشكل ده؟ عفريت من الجان في الموسيقي!

الجيتار حقيقي و الكمانجه حقيقية و البيانو بيعزف كوردات في المقدمة الموسيقية.*
مع الغناء فيه اختلاف في تكنيك العزف و خاصة البيانو و الكمانجة الثانية ميدي ، و الكمانجة اللي بتقول بياتي اثناء الغناء كمانجة حقيقية علي الوتر صول.
الايقاع رتم بوكس
المحصلة انتاج جميل
تسلموا جميعا