صرخة أجير

[سعدالشرقاوى]

المشاركة الأصلية كتبت بواسطة abuzahda

(صرخة أجير)
سعدالشرقاوى
عاملالى سـاهيه وسـايبه الحــبل فى شـنافــى
وكعوبى رسمت شقوق فى الأرض وانا حافى
شايل ونافـك ألم ولا كانش عـــمره خفـــيف
عامل هناك تجويف بيحــــزّ فى كـــــــتافى
,,,,,
شامم عرق طميها والأرض محــروته
مكتوب تاريخ عمرها فى السّاقيه والتوته
شقــيان انا والبقر طول عمرى متعــلـّق
بقــــدم مفلــّق وعايش طافح الكـــوته
,,,,,
ظلمتى ليه قســـمتى يابلـــــدنا ياحرّه
وسقيتى أخويا العسل وانا حظىّ فى المرّه
ابنك لوحده وانا اللىّ غريب فى وسطيكم
وتقيل عليــــكم كأنىّ خلــــفة الضـّرّه
,,,,,,
مليونه لعـبه ف ايديه وجنيهى معادينى
مش قادر احصل عليه الا بطلوع عينى
سكــّنتى جارى قصور وانا بالعيال مقهور
وحفرتى بنـّا بحور طاب مين يعدّينى
,,,,,,,
أهو ساق عليكى الهبل ملـّكتيه الفدادين
وأنا التزمت الأدب بيّعتينى القيراطين
وروحت أخدم جنابه مالتقيت مطرح
لو قلت أطفح باقيت عيلتى هياكلوا منين
,,,,,,
فى الاعداديّه فشل ابنه اللىّ أصبح بيه
وانا ابنى جاب لامتياز ماسألتى مرّه عليه
سفــّرته برّه نشر علمه فى حبل غسيل
وحجز عليه الكفيل بالأمر يخدم فيه
,,,,,,
ولحدّ امته المرض هايعيش على التسكين
مفعول علاجه انتهى بروشـتـّة للمساكين
طاب مانتى عارفه انّ عمر الضـّرب ما يعلـّم
والطير بيرقص اذا اتألــّم من السـّـكــين
,,,,,,
من يوم ما مات الضمير فيكى ياست الناس
والعدل أصبح ضرير مشطوب من الكرّاس
سلــّمتى ليه السـّيادة لكلّ ندل عـــويل
وهان عليكى الأصيل تحت القدم ينداس
,,,,,,
يابلدنا عيدى القسوم ياللىّ ترابك خير
وماتـتهميش مظلوم خايف من التزوير
خللىّ المكافأة تساوى تعبى و شقايــه
يايكون عزايا انىّ مصرى عند أهله أجير
,,,,,,
مانا طبعى دغرى ونفسى ف كلمه واجعانى
ماقدرش اشيلها على نفسى اللىّ واخدانى
يظهرلى فيكى انّ حبىّ من طرف واحد
ياتصارحى نفسك تقولى انّ انتى كارهانى

,,,,,,,

حلوة يا عمّي سعد ....
أحلى من توت الربيع

التدوير ، عامل موسيقى داخل المربعة
( ولو انك كسّلت في الأخيرة !)

و الملف الصوتي إهداء لـضيوفك الكرام ، عشاق فنك الواضح الصريح

[/QUOTE]

اخى الكبير
والذى تعلمت ننه كل جميل
ابو وجد
الشاعر المبدع
والاديب الرائع
الفيلسوف
الاستاذ/سيد ابو زهده
عرفناك امينا على الكلمة
لاتدخر توجيها ولايبخس جمالا
وألفناك شاعر تعشق الشعر وتـتـنفسه
وستظل مائدة علومكم عامرة لنا
نقتبس منها كل غال وثمين
وصلتنى بلهفة وفرحة ملاحظتكم
وهى محل تقدير واحترام
ورغم مراجعتى للعمل اكثر من مرّة
فلم اتداركها
الا بتوجيهاتكم
متعكم الله بالصحة والسعادة
ولاحرمنا منكم ابدا
واسعد قلوبكم باولادكم
وجعل صفاء نفوسكم
فى ميزان حسناتكم
آمين

[Tarek Elemary]

صرختك على قد ما أخدت معاها زفير محبوس فى الضلوع بتئن بيه النفس لكنها آلمتنى بدل ما تريحنى
منهم لله السادة اللى خلُّوا السادة عبيد و منك لله إنت كمان قلِّبت المواجع و حسستنا بالذنب
الذنب ليه بقى ده موضوع كبير؟
مرة سمعت فى قصة من الأثر (إن كانت صحيحة) أن نفيسة العلوم السيدة نفيسة رضى الله عنها و عن آل بيتها حتى جدها رضى الله عنه و صلى عليه و ملائكته أنها سألت حاكم مصر الظالم فى ذلك العصر سؤال قصير جداً حيث قالت له : لِمَ؟ فأجابها بإجابة مماثلة فى القصر فقال : كَما
فحار الناس فى التفسير حتى سألوها فقالت:
سألته لِمَ ظلمك للناس؟ فأجاب : كما (يقصد ... كما تكونوا يولى عليكم)
و هذا هو الذنب يا صديقى .... لو الناس تستحق خيراً من هؤلاء السادة الظلمة المتجبرين لتم تغييرهم فى يوم و ليلة و هو على الله أهون
باقوللك أيه ...... منك لله و خلاص
التقصير منا .... و الذنب ذنبنا ..... و العيب علينا ..... و الحل فى إيدينا
تحياتى أيها المبدع

[سعدالشرقاوى]

المشاركة الأصلية كتبت بواسطة Tarek Elemary

صرختك على قد ما أخدت معاها زفير محبوس فى الضلوع بتئن بيه النفس لكنها آلمتنى بدل ما تريحنى

منهم لله السادة اللى خلُّوا السادة عبيد و منك لله إنت كمان قلِّبت المواجع و حسستنا بالذنب
الذنب ليه بقى ده موضوع كبير؟
مرة سمعت فى قصة من الأثر (إن كانت صحيحة) أن نفيسة العلوم السيدة نفيسة رضى الله عنها و عن آل بيتها حتى جدها رضى الله عنه و صلى عليه و ملائكته أنها سألت حاكم مصر الظالم فى ذلك العصر سؤال قصير جداً حيث قالت له : لِمَ؟ فأجابها بإجابة مماثلة فى القصر فقال : كَما
فحار الناس فى التفسير حتى سألوها فقالت:
سألته لِمَ ظلمك للناس؟ فأجاب : كما (يقصد ... كما تكونوا يولى عليكم)
و هذا هو الذنب يا صديقى .... لو الناس تستحق خيراً من هؤلاء السادة الظلمة المتجبرين لتم تغييرهم فى يوم و ليلة و هو على الله أهون
باقوللك أيه ...... منك لله و خلاص
التقصير منا .... و الذنب ذنبنا ..... و العيب علينا ..... و الحل فى إيدينا

تحياتى أيها المبدع

الاخ الاستاذ
طارق العمرى
افضت علينا سيدى بكل هادف ومفيد
وعلى راى المثل
جبت البحر فى خطوه
واكملت المنقوص
ورسمت خطة الخلوص
لكم كل تحية
وكل عام وانتم بخير