الليلة الأولى
تلف أيام و تيجى شهور
و إنت ف وسطهم بَنٌّور
تلالى بْنٌور
يا شهر الرحمة و اللمة
تجيب الخالة و العمة
و تجمع مسلمين الكون
قلوبهم ع الآذان أُمة
بتتنافس على الإحسان
و تملا قلوبهم الصافية
بنور إيمان
يفيض على صاحب الذِّمة
و نتسابق على الخيرات
و يعلى الذكر و الهمة
و نتشوَّق لأيامك
يا سعده و بخته من صامك
و جاهد نفسه بقيامك
و غالب شهوته بإيمان
و صلى و ع الحبيب سمى
يا شهر منوَّره القرآن
بترتيله مع التواشيح
يا ليلة القدر نورك بان
مع إبتهلاتنا و التسابيح
يا رب يا خالق الإنسان
تزيل الهم و التباريح
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
رمضانيات
العرض الشجري