عايز واسطه

[سعدالشرقاوى]

المشاركة الأصلية كتبت بواسطة علاء طه ياسين

أخي وشقيقي

سعد الشرقاوي

ها قد عادت العصافير مرة أخري تزقزق علي أغصان التوتة ..
عودا حميدا يا أبو مدحت ..
وتألق كالمعتاد منك ..
والكوسة والرشوة والواسطة والمحسوبية أمراض انتشرت ..
ونحن لنا الله ..

علاء

هوّ احنا يعنى ياعم علاء رجعنا من غير واسطه؟

[غازي الضبع]

أذكر أنني حينما ذهبت كي أستخرج رخصة القيادة منذ عدة سنوات
قال لي أحد أصدقائي : لازم تشوف لك واسطة ..
هناك يابني .. مابيعترفوش بحاجة اسمها سواقة .. أد ما بيعترفوا بالكارت المتدبس على الورق
قلت : أوكيه ..
ذهبت إلى حلاق منطقتي ،، وهو أكبر واسطة في حيينا
( بجد مش هزار )
قاللي : خـُد الكارت ده ،، روح المرور ،، امتحن ،، اسقط ،، خش اتصور ،، استلم رخصتك ،، وتـَنــّك راجع

أخذت الكارت ، وذهبت ، وانا مطمئن
فوجدت اسمي في لجنة الاختبار رقم 48 وكنت آخر واحد في الكشف
فجلست أشاهد الـ 47 مختبر اللي قبلي
وكان منهم أطفال صغار ( تحت السن القانوني ) للقيادة
ووجدت أن منهم من طلع على الرصيف وهو بيختبر
ومنهم من أطاح بكل الأقماع المرورية الموضوعة للاختبار
والطامة الكبرى .. كانت هذه الفتاة التي صدمت ضابط المرور الذي كان يقوم باختبارها
وأخيراً جاء دوري ..
فدخلت باطمئنان شديد ( وفي بطني بطيخة صيفي )
وامتحنت .. والحمد لله ..
اجتزت الاختبار بمهارة لدرجة أن صفق لي من كان يشاهدني من الخارج ..
فلم أ ُخـرج الكارت
وذهبت للتصوير ،، كي استخرج الرخصة
وكانت المفاجأة الكبرى
أن اسمي كان أيضاً رقم 48 في كشف المقبولين !!!

[abuzahda]

ذهبت إلى حلاق منطقتي ،، وهو أكبر واسطة في حيينا
( بجد مش هزار )
قاللي : خـُد الكارت ده ،، روح المرور ،، امتحن ،، اسقط ،، خش اتصور ،، استلم رخصتك ،، وتـَنــّك راجع

أخذت الكارت ، وذهبت ، وانا مطمئن

أنا لما رجعت ، بالرخصة ، يومها ، صحابي قالوا لي : مبروك
إنت صحابك قالولك إيه ، يا ابو فارس ..... ؟

..............

الله ينعم عليك

[Tarek Elemary]

العزيز غازى
الحلاق عندك كان تاجر فى الوكالة (الحضرة) عندى و ذهبت لمرور محرم بك و كان قائد المرور عزمنى فى مكتبه و رسبت فى الإشارات و لم أمتحن قيادة و إتصورت و خرجت بالرخصة فى نفس اليوم

شهادة كوسة تدين المجتمع كله الذى تطاله الواسطة و المحسوبية

[غازي الضبع]

أن تكون الواسطة من الحلاق .. عادي
أن يدخل الاختبار أطفال صغار .. بتحصل
أن يطيحوا بالعلامات ، ويصدموا ضابط الاختبارات .. مش مشكلة
لكن إني أجد أسمائهم جميعاً معي في كشف المقبولين ،، وقبل مني .. حيث وجدت نفسي برقم 48 مثل الرقم الذي اختبرت به .. وهذا معناه .. أن الـ 47 اللي قبلي ، بما فيهم الأطفال ، ومن أطاحوا بالأقماع ، ومن صدمت الضابط ..
هي دي الكوســـــــــــة


عفوا سيدي سعد الشرقاوي
نسيت أهنئك على أحدث ابداعاتك ( عايز واسطة )
تحياتي لك يا صاحب الموضوعات الصائبة

[Tarek Elemary]

معك حق يا صديقى
ما هو أنا كنت واحد من 47 اللى قبلك دول

[ام مدحت]

المشاركة الأصلية كتبت بواسطة غازي الضبع

أن تكون الواسطة من الحلاق .. عادي
أن يدخل الاختبار أطفال صغار .. بتحصل
أن يطيحوا بالعلامات ، ويصدموا ضابط الاختبارات .. مش مشكلة
لكن إني أجد أسمائهم جميعاً معي في كشف المقبولين ،، وقبل مني .. حيث وجدت نفسي برقم 48 مثل الرقم الذي اختبرت به .. وهذا معناه .. أن الـ 47 اللي قبلي ، بما فيهم الأطفال ، ومن أطاحوا بالأقماع ، ومن صدمت الضابط ..
هي دي الكوســـــــــــة


عفوا سيدي سعد الشرقاوي
نسيت أهنئك على أحدث ابداعاتك ( عايز واسطة )
تحياتي لك يا صاحب الموضوعات الصائبة

الاستاذ الغالى
غازى الضبع
وحشتنا جدا ياريس يارب تكون بخير
ونطمئن عليك من غير واسطة
كل عام وانتم بخير

[ahmedazmy_2009]

انا بشكر حضرتك على الموضوع الرائع ده وبجد يسلم قلمك اللي حرك فينا المواجع
وشر البالية ما يضحك هقول نكته سمعتها عن موضوع الرشوه
بيقولك وزير مالية مصر كان قاعد مع وزير مالية امريكا
فوزير مصر سأل الوزير الامريكي انتوا بتدوا الموظف عندكوا كام في الشهر
قالوا بنديلوا 3000 الف دولار قالوا وهو بيصرف كام قالوا بيصرف لزوم معيشته حوالي 1500 دولار قالوا والباقي بيعمل بيه ايه قالوا احنا بلد ديمقراطي
مبنسألش الموظف بيعمل ايه بالباقي
قالوا وانتوا بقا بتدوا الموظف كام قالوا بنديلوا 300 جنية قالوا وبيحتاج كام لزوم معيشته
قالوا بيحتاج 1300 جنية قالوا وبيجيب الباقي منين
قالوا احنا بلد ديمقراطي مبنسألوش بيجيب الباقي منين

[سعدالشرقاوى]

المشاركة الأصلية كتبت بواسطة ahmedazmy_2009

انا بشكر حضرتك على الموضوع الرائع ده وبجد يسلم قلمك اللي حرك فينا المواجع

وشر البالية ما يضحك هقول نكته سمعتها عن موضوع الرشوه
بيقولك وزير مالية مصر كان قاعد مع وزير مالية امريكا
فوزير مصر سأل الوزير الامريكي انتوا بتدوا الموظف عندكوا كام في الشهر
قالوا بنديلوا 3000 الف دولار قالوا وهو بيصرف كام قالوا بيصرف لزوم معيشته حوالي 1500 دولار قالوا والباقي بيعمل بيه ايه قالوا احنا بلد ديمقراطي
مبنسألش الموظف بيعمل ايه بالباقي
قالوا وانتوا بقا بتدوا الموظف كام قالوا بنديلوا 300 جنية قالوا وبيحتاج كام لزوم معيشته
قالوا بيحتاج 1300 جنية قالوا وبيجيب الباقي منين

قالوا احنا بلد ديمقراطي مبنسألوش بيجيب الباقي منين

الاخ الاستاذ/احمد عزمى
حلوه
بس محتاجه يعنى حبّة واسطه
والزّاى ح اقدر أغامر وأضحك عليها
وأنا ماعنديش واسطه

[ناصر دويدار]

الله يا عم سعد
سعد سعد يحيا سعد من غير واسطة
زجلك دخل القلب الموضوع بسيط لغته بسيطة جميلة
فيها معانى بتحاكى الواقع وبتتكلم عن أفة موجودة فى حياتنا
هى الواسطة ومعالجة لذيذة وساخرة فى بعض السطور من الواسطة
لمّا الحقّ يتوه فى الباطل
والمقتول يتحوّل قاتل
لمّا الايد تتمدّ لعاطل
يبقى ياويل اللى مالوش واسطه
بس عايز أسألك بينى وبينك من غير ما حد يسمع السؤال وهقولهولك فى ودنك اهو
أنا عندى ليك واسطة جااااامدة هتطلعك فوق فوق فوق فوق
إيه رأيك توافق ولا توافق؟
يا عزيزى كلنا بنحب الواسطة بس لما تكون لنا تقبل خالص تحياتى ومحبتى وأحترامى
أخوك
ناصر دويدار