لله يا محسنين

**محمد محمدالعقاد** · #1 13/05/2009, 18h45

لله يا محسنين

شعر : محمد العقاد

لله يا محسنين .. يا محسنين لله

حنوا على المسكين

اللي الزمن سواه

سواه على الجنبين

لله يا محسنين

يخلف عليك بالحلال .. ياللي تجود بالمال

عاجز وعندى عيال .. غير الأسى والدين

لله يا محسنين

شحات ومش شغلتى .. لكن بقت صنعتي

بالعافية أشوف سكتي .. والعافية أجيبها منين

لله يا محسنين

من عطفه أخش زقاق .. ومن رواق لرواق

يا رب يا رزاق .. إعطف علي المساكين

لله يا محسنين

محتاج لترقية .. وعلاوة شهرية

مش خمسة % .. ولا عشرة ولا عشرين

لله يا محسنين

لا رسوب ولا إصلاح .. نافعين ولا منحة

طول ما الديون سبحة

ومعلقة ف طوقي

الصبر أجيبه منين

لله يا محسنين

**unicorn** · #2 13/05/2009, 19h23

جميلة يا استاذ محمد ,
و قايلة حال الموظفين ببلاغة شديدة ,
بارك الله فيك

**علاء قدرى** · #3 13/05/2009, 19h39

الاخ الفاضل /الشاعر محمد العقاد
(خير الكلام ما قل و دل)
و هاانت اوجزت الحال .بقليل الكلام
فى انتظار ابداعك القادم
تقبل تحياتى

**سعيد السيد** · #4 14/05/2009, 21h58

روعة روعة يا عقاد
أخوك سعيد ينتظر المزيد
والله فكرتنى برمضان حماد
وإبن الحسينى (إمام)

**سعيد السيد** · #5 14/05/2009, 22h02

روعة روعة يا عقاد
عبرت عن كل الموظفين المساكين
أخوك سعيد ينتظر المزيد
والتقدم للأمام
والله فكرتنى برمضان حماد
وإبن الحسينى إمام