السلام على كل الجهود
لدي سؤال هو حول معرفة ملحن وكاتب كلمات ماظل صبر ام انها من الفلكلو ر العراقي كذلك الحال لاغنية الحلم علما بان هناك اغنية جميلة باسم ايامنا الحلوة مفقوده في المنتدى وشكرا
السلام عليكم : تحياتي للاخوان جميعا
هناك اغنية للمطرب الكبير حسين نعمة يقول فيها ( بشر شموع الروح يابن ادام ) من يملكها من الاخوة رجاء حار ان يرفعها وله جزيل الشكر
بسم الله الرحمن الرحيم
أعزّائی سلام عليکم ؛
فی هذه الصفحة نرید أن نکتب کلمات أغان غناها الفنّان العراقی الکبیر حسین نعمة ؛
و نبدأ بکلمات أغنیة " عالیانی " الّتی غناها الفنان المرحوم داخل حسن لکن مع ابتکارات وابداعات الفنان حسین نعمة ...
هلي ما لبّسوا خادم سملهم
و بچبود العدي بايت سملهم
ان چان اهلك نجم اهلي سملهم
چثير امن النجم علّا و غاب
هلي وياكم يلذّ العيش و يطيب
او نسايمكم تداوي الجرح و يطيب
هلي منكم تعلّمت الوفا و الطيب
هلي يا اهل المضايف و الدلال
روح الله لا ويّاك يالعفت الوجوه
هم تعتني و تگول ظلّ النا مشروه
عالياني الياني الياني
عاللي راح و خلّاني
لاسهر الليل ابطوله
ولّع گلبي و ايماني
لا اريدك و لا اريد حچيك يا چذّاب
ولفي و عذّبني ما تسوي العتاب
البيدي و البالگاع و العلي متوني
ما انكر وداد اهواي لو گطّعوني
كون الرفاعي ايشيل للناصرية
الشطرة يا خيّون عمّت عليّه
بيّن عليّ الكبر و الحيل راح الحيل
بالغربة ضاع العمر و مساهر اويا الليل
لا هلي و لا صحبتي
ظلّيت انا بغربتي
حگّي امن اصب دمعتي
و اصرخ و اصيح الويل
البارحة بالحلم چنّي لهلي ردّيت
ما بين ناس اگعدت چن سولفت و بچيت
ريت الحلم ما گضي
ريت آنه ما فزّيت
ضاع العمر غربة
كل من مشي بدربه
حگّي امن اون عالمضي
و اصرخ و اصيح الويل
بيّن عليّ الكبر و اشتاگت اعيوني
وين الاحبهم چنت و چانوا يحبّوني
من كثر صبّة دمع ما اظن يعرفوني
من كثر صبّة دمع مو راحن اعيوني
دنيا و علي صعبة
كل من مشي بدربه
حگّي امن اون عالمضي
و اصرخ و اصيح الويل
***************************************
احميّد
ارد اشتكي لاهل الهوي حالتي
و اشكي الهم بما جرت قصّتي
ولفي هجرني و بس تهل دمعتي
فوگ الوجن و هوّ السلب راحتي
خل يرضي كل مغرم علي حچايتي
احميّد يا مصايب الله
يا گلبي بمن بعد امّن يا خايب يا گلبي
نسوني بعيد الدرب چنهم لگوا غيري و نسوني
گللي حبيبي آنه لك و انت لي
گتله ابتعد لا يشوفنا عاذلي
ايروح من وكته و يخبّر هلي
هم تنحرم من شوفتي و تبتلي
تتندّم و ما توصل الغايتي
احميّد يا مصايب الله
گللي لون بين السما و الارض
گتله اصعد لك و من هو اليعترض
گللي اذا حبل الوصل ينگرض
گتله اعگده وحگّ الفرض
خمسة لعباده و اوصل الغايتي
احميّد يا مصايب الله
گللي اذا صرت آنه طير و طرت
گتله اصعد لك بجوف السما لو صرت
گللي اذا سمچة اصير و غرت
گتله اغور اوياك لو ابحرت
گللي صدگ هذا الحچي بداعتي
احميّد يا مصايب الله
***************************************
زمان اللي عرفنا
ضيّعنا الغدر تهنا فرحنا راح ودّعنا
انتهي كل شي معانا چان بسّ الحب يربطنا
نحبّه اسنين و يحبنا
ضعنا و الهوي وحده يرجّعنا
زمان اللي عرفنا كان عنود و سلّط الحرمان
اخذنا للفرح مرّة و عشر مرّات للاحزان
ضيّعنا بدروب الليل ضوّگنا الالم و الويل
يا روحي تعال نذوب ، و نكتب للفرح مكتوب
يمكن هالفرح يطرح يمكن هالحزن يسرح
يمكن هالزمان ايتوب ، يمكن هالزمان ايتوب
ليش نضيع و فرحنا اهناك ينطرنا
تعال نبيع بياع اسنين ضيّعنا
ورا ليل الوهم دنيانا فرحانة
و عيش بغير فرحة مغيرة الوانه
ليش نضيع و هوانا خضرا اغصانه
***************************************
اهنايه من چنّا و چنت
عجب للحين عنده عيون يارن
و لا بطّل دمعهن دوم يارن
يعين الله دليلي حمل يارن
الدهر و اطبگ جفا احبابي عليّه
اهنايه من چنّا و چنت جينا و وگفنا ببابك
ولف الجهل ما يننسي اشمالك نسيت احبابك
اهناية من چنّا و چنت روحين لاكن فد جسم
فرگاك ذوّب مهجتي ظلّيت بس امشي رشم
تدري بنحوني شوصّلت عجزان من شيل الهدم
يالصوّبت گلبي بسهم لزمة انتشد بصوابك
اهناية من چنّا و چنت اثنين ثالث ما نحب
فرگاك مو هيّن علي يا صاحبي كلّش صعب
ما چنت اظن بخوّتك يومين عنّي تستغيب
بذّات ما عندك وفا يحرم عليّ عتابك
***************************************
يتبع إن شاء الله تعالی
و حق عقد الولاية ونّباهه
جميع اعضاي صارت ونّباهه
يا حادي اظعون ولفي ونّباهه
نريد اوياه نترافگ سويّه
اهواي اهواي اهواي
عليش ما ينشد عليّ اهواي
بالله يا مجري الماي ذبني عليهم
ما تنفع الحسرات رحنا من ايديهم
يا محمّد الخلگ عازتها عازة
و الما وراه احباب وحش الجنازة
اهنايه من خلّيت گلبي انعجن بيك
آنه بحلاة النوم آنه اگعد و احاچيك
للگلب صار الشوف مو شوف العين
من حسّك آنه ارتاح يالصوتك افنون
***************************************
اشلون بيّ
ما ركّب الله خالا فوق وجنته
الّا لتحسين خدّيه و تعذيبي
غرامك عوّد ابروحي بهاخال
او چبدتي سهم للعاذل بهاخال
ابوجنته ركّب الباري بهاخال
الحسن خدّه و لتعذيب اليّه
كون الگلب يهواي ينطر و اراويك
چا گتلي عفية اعليك دمّ و لحم بيك
احزن حزن معدان و ارچي العصابة
ويّا ام حجل و فروخ صارت اطلابة
ما لچ فخر يا عين بس دم تهلّين
من فارگيت اهواي حسبالي تعمين
الدهر بسّ اوياي وگفاته ضدّي
خلّاني چالناعور اترس و ابدّي
***************************************
غريبة الروح
غريبة الروح
لا طيفك يمر بيها
و لا ديرة التلفّيها
غدت وي ليل هجرانك ترد و تروح
و عذّبها الجفا و تاهت حمامة دوح
تحن مثل العطش للماي
تحن و يلفها لمكابر و يطويها
و انت و لا يجي ببالك
تمر مرّة تغرب بيها
و لا طيفك يواعيها
و هيسك جرح بجروحي
يمرمرني و تحن روحي
تزيد بجروح محنّتهم
غريبة الروح
چم اهلال هلّن و انت ما هلّيت
چثير اعياد مرّن و انت ما مرّيت
اسنين الصبر حنّن و انت ما حنّيت
ترف ما حسّبت بيّ
و آنه و غربتي و شوگي
نسولف بيك لياليّ
انگول ايمر انگول ايحن
او تظلّ اعيوننا اربيّة
يالما مش الك جيّة
تزيد بجروح محنّتهم
غريبة الروح
***************************************
گوم انثر الهيل
گوم انثر الهيل
سچّة وليفك لو خطر
يتلالي بعيونه السهر
و ينوّر الليل
گوم انثر الهيل
غرّگ ارموشك بالكحل
يا اسمر يا بو عيون الشهل
و اشتل سواليفك شتل
گوم انثر الهيل
بچفوف كل طارش يمر
بجروف موجات الفجر
گوم انثر الهيل
ارگص علي امتون الجرف
رگص البيادر يا ترف
بلچن يمر بيك الولف
گوم انثر الهيل
گت هذا بدروبه الگمر
بعيونه تذكار و صور
بلمعة اسهيل
گوم انثر الهيل
ايها الاخوة الاعزاء في منتدى سماعي الجميل .. هناك اغاني نادرة للفنان حسين نعمة اتمنى الحصول عليهن هما .. أغنية :ياللي ابعد ......... والثانية .......... اغنية : غرب ياماطور .. شكرا للجميع