طلبات نوتة

[وائل علوي]

[QUOTE=armendo;585098]

اخى العزيز وائل علوى..حمدا لله على السلامه وانت كمان وحشتنا لأنك من ركائز الصفحه كما هو الحال بالنسبة لأخوتى الأعزاء هيثم ووسام وفؤاد العلمى الذين طالت غيبتهم بعد ان كانوا يملأون الصفحه بالنشاط والحركه وارجو ان يطمئنونى عليهم.
مع ارق تحياتى
ارمندو

اخي الطيب ارمندو كلك ذوق
وتفضل نوتة تخنوه على بال ما يكتبها استاذ عادل
مع اطيب تحياتي
وائل

[عادل صموئيل]

احبائى
اقدم لكم من روائع بليغ حمدى
ومن كلاسيكيات ام كلثوم

ظلمنا الحب

اتمنى ان تسعدوا بها

اقدمها للاخ العزيز نور الصباح

مع اطيب تحياتى

[عادل صموئيل]

احبائى

اقدم للأخ العزيز محمد عطية

المال والبنون

هى مش من النوعية اللى انا بحبها ولكن حسيت انو محتاجها اوى
اما مش بحبها عشان كذا سبب
اول سبب انها بتعتمد على صولو الكمنجة .. والكمنجة بالذات احلى حاجة فيها صوتها .. يعنى انا مثلابتفادى جميع المشاكل اللى تخلى صوت الكمنجة يبقى وحش وبدفع دم قلبى احيانا لو لقيت فنى يخلى صوت الكمنجة احلى يعنى يعمل لى احلى فرسة ممكنة ويضبط العمود ويراجع على صندوقخها الرنان يعنى يكون الغراء فاكك من مللى لايرى بالعين المجردة ولكن بيؤثر على صوت الكمنجة اما الاخ العزيز ياسر عبد الرحمن بيعزف من منطقة وحشة فى الكمنجة .. يعنى المفروض انت لما تتعلم كمندة فى الول من اهم مشاكلها انك مش بتضبط مسار القوس .. يعنى من آخر المراية والى الفرسة المفروض انك تحاول تخلى الوس يكون فى منتصف المنطقة عشان لو القوس نزل تحت شوية او طلع فوق شوية الكمنجة بتزيق .. وده من اهم الحاجات اللى بقولها لكل اللى عايز يتعلم كمنجة انك لازم تبدأ مع مدرس لأنو طول الوقت حياخد بالو من كذا حاجة ومنها انحراف القوس عن مساره
ويقعد الاول يقوللك بالذوق ولما تطلع روحه حايشخط فيكلحد ما ايدك تتعود ع المسار من اول القوس لآخره طاله نازل .. وهنا الاخ ياسر عبد الرحمن بيعزف فى اقصى منطقة يطلع منها صوت الكمنجة تحسو بيبح فرخة مش بيعزف كمنجة هم بيعتبروا الفزلكة دى تطور .. وبعدين طول الوقت بيعزف بنفس المكان يعنى تخيلوا انى ولا مرة سمعت صوت الكمنجة الطبيعى .. والكارثة ان فيه بعد كده عازفينمتخلفين بيحسوا ان دى موضة وبيبقى الكل بيعمل كده زى ما تلاحظوا واخيرا حايضيع من المستمع صوت الكمنجة الطبيعى .. والكمنجة بتحتاج رقة فى العزف .. يعنى مش معقول يكون معاك بنت حلوة رقيقة وتشدها من شعرها تؤلمها وتخليها تتوجع
المشكلة التانية التوزيع اللى بيضيع اللحن الاساسى
المشكلة التالتة انت لو سمعت مقدمة لعبد الوهاب مثلا دايما طول الوقت المستمع العادى ماشى مع الجملة يعنى مستوعب أيه اللى اتقال ومن ثم لو بيعزف حايعزف اللى استوعبه ..لكن اللحن اللى من النوعية دى او نوعية الإخراج ده بعد مايسمع الخناقة دى تلاقيه مش مستوعب حاجة يعنى زى قطار ماشى بسرعة واسألك شفت ايه ؟ تقول هو انا لحقت اشوف حاجة ؟
يعنى انت لو رجعت لزمان وشفت التوزيع اولا تلاقى ماكانش بنوزع اللحن كله ولكن بنوزع جملة واحدة منه كل كذا خمسين لحن لن الجمل الموسيقية حلوة مش ناقصة حاجة
مع اطيب تحياتى

[عادل صموئيل]

احبائى
اقدم لكم نوتة

السلام الملكى السعودى

بناء على طلب الاخت العزيزة ايمان
انتى طلبتى بيبدأ من الدو ولكن فى التسجيل هو من سلم فا عموما انا عمال نسختين واحدة من فاماجور وواحدة من دو ماجور وانتى اختارى اللى تعجبك
طبعا السلام بيبقى عادة موزع والتوزيع بيبقى مقسم على الآلات يعنى مفيش آلة واحدة بيبقى تعزف اللحن الااسى كلو .. انا هنا حاولت انى اخلى آلة واحدة ممكن تعزفه .. وطبعا عازف الاورج الشاطر بيملا الفراغات
مع اطيب تحياتى

[نور الصباح]

[QUOTE=زينة الغريبي;586160]شكرا لاستاذنا الغالي عادل صموئيل على ابداعه و نشاطه و اليوم جأت لي طلب صغيرة اغنية قصيرة 3 دق اغنية شادية و عبدالمنعم مدبولي - حبك جننا ياسمك إي من المسرحية الرائعة ريا و سكينة

sssssssssssssssssssssssssssssssss
الأخت الفاضــــــــــلة والفنانة الكبــــــــــــــــيرة
زيــــــــــــــــــــــــــــــــــــــــــــــــ ــــــــــة الغريــــــــــــــــــــــــــــــبى
سلام الله عليكم ورحمته وبركاته
وبعــــــــــــــــــــــــــــــــــــــــد :
يســــــــــــــعدنى ويســــــــــــــــــعد الأســــــــــــــتاذ
نزيـــــــــــــــــــــــــــــــه محمـــــــــــــــــــــــــــــــــــــــــــد
وذلك بعـــــد إذن أســـــــــتاذنا الكبـــــــــــــــــير الفنان
(عـــــــــــــــــــــــــــــــــــــــــــادل صموئــــــــــــــــــــــــــــــــــيل )
أن يقدم لجنابكم النوتة الموسيقية للدويتو
حبك جننا يا اسمك إيـــــــه
بين الفنانة الكبيرة شــــــــــــــــادية
والفنان القديـــــــر عبد المنعم مدبولى
من تدوينــــــــه الخاص
وشكررررررررررررررررررررررررا
أخوكم
نوررررررررررررررررررالصبااااااااااااااااااااح
ssssssssssssssssssssssssssssssss

[عادل صموئيل]

احبائى
اشكركم وكل عام وانتم بخير
وللعلم الفنان ده عامل زى قسم الشرطة مش بيقفل ابدأ
اقدم لكم رائعة فايزة احمد

يالاسمرانى

مع اطيب تحياتى

[عادل صموئيل]

احبائى
كل عام وانتم بخير واشكركم كلكم
اقدم لكم
علمونا فى مدرستنا
اقدمها للخ العزيز اللى طلبها يعنى طبعا لما قال انو محتاجها عشان حفلة يوم الخميس ما اقدرش اتأخر
طبعا اهديها لجميه احبائى مدرسين الموسيقى فى المنتدى
واقدم معها الملف الصوتى

مع اطيب تحياتى

[عادل صموئيل]

احبائى
اقدم لكم من روائع تراث عبد الحليم حافظ

فى يوم فى شهر فى سنة

اتمنى ان تحوز رضاكم
الاغنية دى اهم ما فيها ان معظمها ادليب .. والادليب بيحتاج احساس اكتر وتشغيل الاذن اكتر مش بيعتمد على النوتة فقط ,, ولكن بيحتاج انك تكن حافظ اللحن 100% .. والنوتة بتبقى استرشادية فقط .. لأن عنر الادليب ما ممكن يتكتتب محدد 100% ولو اتكتب محدد جدا جدا حايطلع دمه تقيل فى العزف لنو حيكون من غير احساس
فى الاغنية دى اهم مافيها لما تسمع عبد الحليم وقوته وعظمته واحساسه وكل ما يخطر على بالك من الشروط التى تتواجد فى كلمة مطرب حسب المواصفات القياسية .. والادليب ده من اهم انواع الفن اللى اتحرمنا منها مع وجود الناس اللى بيغنوا دلوقتى ,,, الادليب بإختصار هو تصور بيضعه الملحن .. والمطرب العبقرى بيشرب التصور ده وبيضيف من عنده شىء .. بس اخطر ما فى الموضوع انه بيضيف اليه شىء يحليه ويقويه مش يفسده .. يعنى من اهم السمات الاساسية اللى بتحصل فى الدليب ان المطرب لما بيتسلطن بيخرج عن اللحن شوية .. وبالذات فى الحفلات .. ومن هنا المطرب الفاشل او اللى مش فاهم بيعمل ايه ممكن يدمر اللحن ,,, وللعلم ياما حصلت قدامى ان ملحن كبير بيبطل يلحن لمطرب بسبب الكارثة دى .. يعنى واحد بيدعى انو مطرب وبيلعب فى اللحن يشوهه وعادة اللى بيتداول الحفلات الاخيرة مش الاولى ..لذلك بتلاقى ان الجمهور ابتدا يسمع التحريف المشوه وده طبعا بيسىء الى الملحن
مع اطيب تحياتى

[عادل صموئيل]

احبائى

اقدم لكم من روائع عبد الحليم مع بليغ حمدى

خسارة خسارة

واقدمها للأخط العزيزة الناشطة زينة الغريبى .. وانا اول ماشفت الطلب رحت مدونها على طول يعنى الاغناى من النوعية دى بالنسبة لى وبالذات لما ما يكون فيها قلق فى المقدمة او ادليب بتبقى بالنسبة لى زى ماتكتب جواب
اما ذكريات الاغنية دى بالنسبة لى انها من فتى احلامى وكان اول مرة ادخل سينما فى حياتى كان عمرى سبع سنين وقتها .. وكان طبعا السينما ساعتها يعنى احلى حلم واحلى فسحة وفيها كل سحر الدنيا .. الغريب ساعتها انك كان ممكن المرب انت بتسمعه من سنين لكن مش تعرف شكله لأن يعنى بيطلع صوره نادرا فى الجرائد .. يعنى انا كنت اعرف شكل عبد الحليم طشاش يعنى مش اوى لأن حتى الصورة فى الجريدة بتبقى مش واضحة
وانا كنت نموذج لعموم المستمعين يعنى كان المطرب بيتشهر ويبقى لو ملايين المستمعين من الإذاعة وما يعرفوش شكله اصلا .. مش زى دلوقتى الشكل هو كل حاجة يعنى اى عيل فى تانية ثانوى ممكن امه تعمل لو شريط وترش قرشين فى القنوات الفضائية وبعد اسبوع يبقى نجم على ايه ؟؟؟؟؟ ماعرفش
او المطرب مش يتنيل على عينه يقضى وقته يحاول يتعلم يحسن مستواه ولكن طول الوقت بيقعد يفكر ازاى يعمل عمليات تجميل يحسن خلقته وعجبى
مع اطيب تحياتى

[elarabi]

اليك اخي النوتة