مقلوبة ، قصيدة لسيد أبو زهده

[سيادة الرئيس]

المشاركة الأصلية كتبت بواسطة abuzahda

رسالة من اللي "كانت" هتبئى حماة سيدي علي علام

" كده برضو ؟ يا أستاذ صلاح؟ ، هو ( ألذ ) ( مطبخ ) شعر ، بس ؟
حضرتك كده بتفشِّل "الجوازة".
حضرتك نسيت إن سيد قربوا يسموه في الإمارات "طباخ الريس" بسبب الطواجن و الصواني و المحاشي اللي كان بياخدها يفسحها لعند حضرتك .
مش هكلم حضرتك عن البيتزا ، علشان موضوع القصيدة مايسمحش بأطعمة غربية ، لكن ممكن نتكلم عن "عش الغراب" اللي حضرتك بتفضله طازة (مش معلبات) و كان سيد يدوخ دوخة البلجيكي علشان يجيبه "أبيض زي القطن" - برضو زي ما حضرتك بتفضله.
رجاء بسيط من حضرتك ، فهِّمْ علي مين السبب في "الدبلة" اللي اترمت من فوق "السي إن تاور" النهاردة ،
قال ( ألذ ) ( مطبخ ) شعر قال

و حياة سيدنا النبي ما أقدر

طب أنا حمار ... الواد زنبه إيه في حرمانه من تحسين نسله

العفو يا أهل الكرم و السماح معلش جاهل ما يفهمش

دنا فرحت لما شيخي قال لي إن صلاة التوافل و السنن أولى في البيت ( كانت أحلى فتوى سمعتها في حياتي ) عشان أجري بعد صلاة الجمعة ألحق خيرات ربنا إلي نازلة عليا بسببكم

و إن كان سيد وشه لسه أحمر لغاية النهار ده فده بسبب مطابخكم العامرة

إنزل يا سيد دور على الدبله لو خايف على ( السي إن تاور ) من طياره طايشه و أنا من ناحيتي حا احاول أخللي الواد ما يقراش الرساله دي

و النبي العفو و السماح من جاهل ما يفهمش

[سمعجى]

يا ( سْبـُوت ) دمَاغك أبو ( فولت ) عالي

ربنا يسعدك ب ( وَجد ) و يسعدها بيك ،،
و يديم عليكم ( الدهشة ) ،،

بعد إذنك يا عمنا ( من باب تعريف الحالة ) ،،،

باكتب لسيادتك الآن ،، و انا عامِل دِماغ ( عبده داغِر ) ، المقطوعة ( نداء )
و الوسيط المتورط في ( إشاعة إدمان نبيذ النور ) إسمه ( صلاح عَلاّم )

عارف يا عَمّنا ،، مِن أثر المقطوعة ف دَمّ العبد لله ،، حاسس إنها حَرَام !

أما بَعد ،،،

يا ناكيء جرح إنسانيتي ،،،
الشاعِر ( عَيـِّل ) يا عَمِّنا ،، و فقدان الدهشة ( موت ) و العياذ بالله
و اللي فاهِم إنه فاهِم ،، يبقى مش فاهم إنه مش فاهم ،، ( يكفينا الشـَّر )

يبقى حتمن و لابد ، ألا نغادرَ وَجد ( وَجد ) ، و نفتح اللعبة !

بدون دهشة ، تفقد الأشياء متعتها ( هكذا أخبرتني أكثرهُنّ براءة )

و التساؤل ، شـُعبة من شـُعَبِ ( البراءة )
و ( قارورة قلبك ) ، أراها في أشعارك و مداخلاتك ،
لم يُنتـَقـَص مِنها سوى ( زييء ) بـِحُكمِ غـُبارِ ( الخِبرة )


أما عني ،، فَ : بقعة الدهشة ( البيضة ) اللى فاضلة ف قلبي ( بـِتطـَفطـَف )

ملعون أبو الأقنعة على أبو التذاكي
هو العُمر فاضل فيه كام فـَصل !!

[abuzahda]

المشاركة الأصلية كتبت بواسطة سمعجى

يا ( سْبـُوت ) دمَاغك أبو ( فولت ) عالي

ربنا يسعدك ب ( وَجد ) و يسعدها بيك ،،
و يديم عليكم ( الدهشة ) ،،

بعد إذنك يا عمنا ( من باب تعريف الحالة ) ،،،

باكتب لسيادتك الآن ،، و انا عامِل دِماغ ( عبده داغِر ) ، المقطوعة ( نداء )
و الوسيط المتورط في ( إشاعة إدمان نبيذ النور ) إسمه ( صلاح عَلاّم )

عارف يا عَمّنا ،، مِن أثر المقطوعة ف دَمّ العبد لله ،، حاسس إنها حَرَام !

أما بَعد ،،،

يا ناكيء جرح إنسانيتي ،،،
الشاعِر ( عَيـِّل ) يا عَمِّنا ،، و فقدان الدهشة ( موت ) و العياذ بالله
و اللي فاهِم إنه فاهِم ،، يبقى مش فاهم إنه مش فاهم ،، ( يكفينا الشـَّر )

يبقى حتمن و لابد ، ألا نغادرَ وَجد ( وَجد ) ، و نفتح اللعبة !

بدون دهشة ، تفقد الأشياء متعتها ( هكذا أخبرتني أكثرهُنّ براءة )

و التساؤل ، شـُعبة من شـُعَبِ ( البراءة )
و ( قارورة قلبك ) ، أراها في أشعارك و مداخلاتك ،
لم يُنتـَقـَص مِنها سوى ( زييء ) بـِحُكمِ غـُبارِ ( الخِبرة )


أما عني ،، فَ : بقعة الدهشة ( البيضة ) اللى فاضلة ف قلبي ( بـِتطـَفطـَف )

ملعون أبو الأقنعة على أبو التذاكي
هو العُمر فاضل فيه كام فـَصل !!

طيب و رحمة (أكثرهُنّ براءة ) بتاعتي

إنت كنت بتكتب "سحرك" ده و "صلاح علام" معايا على "جوجل توك" ،
بنتكلم عن عمنا كمال عبد الرحمن
إنت شغلتنا خالص يا عمي كمال
سيرتك حلوة

[abuzahda]

المشاركة الأصلية كتبت بواسطة سيادة الرئيس

و حياة سيدنا النبي ما أقدر

طب أنا حمار ... الواد زنبه إيه في حرمانه من تحسين نسله

العفو يا أهل الكرم و السماح معلش جاهل ما يفهمش

دنا فرحت لما شيخي قال لي إن صلاة التوافل و السنن أولى في البيت ( كانت أحلى فتوى سمعتها في حياتي ) عشان أجري بعد صلاة الجمعة ألحق خيرات ربنا إلي نازلة عليا بسببكم

و إن كان سيد وشه لسه أحمر لغاية النهار ده فده بسبب مطابخكم العامرة

إنزل يا سيد دور على الدبله لو خايف على ( السي إن تاور ) من طياره طايشه و أنا من ناحيتي حا احاول أخللي الواد ما يقراش الرساله دي

و النبي العفو و السماح من جاهل ما يفهمش

خلاص حصل خير ، ياعمو صلاح
(دي تكشيرة كده و كده)

[نادر خواجة]

يااستاذ سيد اغرتنى بطبختك اخدت معايا الطبق وكمان معلقة وشوكة . وناديت ع الجيران قلت دى طبخة مسبوكة لاقيتهم تايهين والحالة معدومة قالوا ناكل ايه دى النفس مسدودة .

[abuzahda]

المشاركة الأصلية كتبت بواسطة نادر خواجة

يااستاذ سيد اغرتنى بطبختك اخدت معايا الطبق وكمان معلقة وشوكة . وناديت ع الجيران قلت دى طبخة مسبوكة لاقيتهم تايهين والحالة معدومة قالوا ناكل ايه دى النفس مسدودة .

حلفتك بالغالي يا خواجة
ما تخلي تشريفك ليا ، شئ نادر
واديك شايف المطبخ شغال هنا
ده حتى انا كنت ناوي نخليها بوفيه مفتوح
خاصة وزيارتك كانت البشرى ، لزيارة
عم الأكـِّيلة ، عمي رائد عبد السلام
كل سنة وانت طيب ياعم نادر خواجة
و بألف هنا وشفا و صحتين على بدنك
و بالنسبة للجيران ، خليهم يدلـَّعوا ، لغاية ما يقرصهم الجوع

[سمعجى]

المشاركة الأصلية كتبت بواسطة abuzahda

أحوال الأمّة

تعدلها ... ، مقلوبة
تعوجها ...، مقلوبة
تعملها "برياني"
تلاقيها " مقلوبة"

الهمَّة ... معطوبة
بسياسة معيوبة
تصرخ: يا أوطاني
تلقاها منهوبة

العامة ... مغلوبة
و النخبة منكوبة
أولها و التاني ...
عايشين في غيبوبة

المكنة ... معطوبة
و الزرعة مجدوبة
إنتاجنا بـ " أغاني "
و بـ " خطبة مكتوبة "

حـُكام ، لهم طوبى
وشعوب لهم " طوبة "
من حـُكم عدواني

عاصي على التوبة

يا عم الجناس التام ( عَمَلتها ازاى دي ؟! )

( مقلوبة / مقلوبة ) ،، ( طوبة / طوبى / معـطوبة) ،،
و الله زمان يا مَهارة

عارف يا عم سيد ،،

كنت بالعبها مع أصحاب الكار ( الشـُعَرا )
من باب ( الآيروبكس السجعي ) ، ( و الجمانيزيوم الجناسي )
و الشاطر ، هو الذي ( يُحكِمُ ) القافية ، بحيث لا توجد لفظة أخرى ( في الوجود ) تقوم مقامها ،،
و هأنتَ تلعبها ( خـَرْسَة ) ،،
فلا يتوارى المعنى ، وراء ( فسيفساء ) الجناس ،، أو مِعمار ( الرباعيات ) ،،

شاعِر ( إراري ) بصحيح

أما عن مجزوء البسيط ( مستفعلن فعلن ) ،،
فكأنما ( عَرّاف يتحدثُ بالحِكمة ِو ينطِقُ بالأسرار ) ،
هكذا يكونُ وقعُ إيقاعِهِ على خيال العَبْد لله ،،

و النبي ما تخـَبّي علينا حاجة يا عمي الشاعر ،،

يا مغرقني ف كرم ( توقيعاتك )

[abuzahda]

المشاركة الأصلية كتبت بواسطة سمعجى

يا عم الجناس التام ( عَمَلتها ازاى دي ؟! )

( مقلوبة / مقلوبة ) ،، ( طوبة / طوبى / معـطوبة) ،،
و الله زمان يا مَهارة

عارف يا عم سيد ،،

كنت بالعبها مع أصحاب الكار ( الشـُعَرا )
من باب ( الآيروبكس السجعي ) ، ( و الجمانيزيوم الجناسي )
و الشاطر ، هو الذي ( يُحكِمُ ) القافية ، بحيث لا توجد لفظة أخرى ( في الوجود ) تقوم مقامها ،،
و هأنتَ تلعبها ( خـَرْسَة ) ،،
فلا يتوارى المعنى ، وراء ( فسيفساء ) الجناس ،، أو مِعمار ( الرباعيات ) ،،

شاعِر ( إراري ) بصحيح

أما عن مجزوء البسيط ( مستفعلن فعلن ) ،،
فكأنما ( عَرّاف يتحدثُ بالحِكمة ِو ينطِقُ بالأسرار ) ،
هكذا يكونُ وقعُ إيقاعِهِ على خيال العَبْد لله ،،

و النبي ما تخـَبّي علينا حاجة يا عمي الشاعر ،،

يا مغرقني ف كرم ( توقيعاتك )

يا عمي كمال عبد الرحمن
أنا حاسس إن أنا الصورة "النيجاتيف" من "أليس" في بلد العجائب
(ده من الأول كده بس علشان نتفق)

ماشي يا عمنا ؟
طيب ، "القزم" هيعمل إيه ؟ وهو مخضوض من "العملاق" ؟

عارف ياعمي كمال ؟
بنتي "وجد" بتحب تشوف "اللعبة" - أي لعبة - من جوَّة . مهما كان "شكلها" حلو من برّة .
و "لعْبَها" هو "فتح" اللعبة.

هوّ انت ازاي حافظت على "طفلك" السنين دي كلها ياعم كمال؟
قصدي يعني ، هي "قارورة" القلب ما "بتنفسش" البراءة؟
أصل انا لما بابص على "الإزازة" عندي بلاقيها فاضية من "اندهاشك".

قال لنا اللي "عبأوا" رؤوسنا بتنظيراتهم ، : كلما غادرتكم البراءة ، حللتم بالوَعْي
قالوا لنا أن "الوعي" و "البراءة" كالزيت و الماء ، يستطرق كلٌ منها إلى "الضد"
وصدقتهم ، فخلعني "طفلي" من قدميه.
لكن حضورك الزاهي يا عمي كمال ،
يدفعني إلى مطاردته في الردهات المعتمة ، حين تفيض عليها أنوارك

حضر طفلي الآن يا عمي كمال
لكن الحياء يمنعه أن "يعبث" بالحديث عن "مدماك" القصيدة في حضورك ، و أنت سيد البنائين

[abuzahda]

المشاركة الأصلية كتبت بواسطة manal99

أستاذنا الفاضل الشاعرالأديب المتألق :

سيد أبو زهده

صباح الريحان والعصافير والكادي

لقد عبأت قلمك الرصين من ماء النيل العريق ، بهذه القطرات الأصيلة التي بقيت في معين القلم رغم الإبتعاد الوجودي المادي ، لكن الوجود النوري موجود في معين هذا القلم الحر الدفاق ، هذا الوجود الناطق في أشعارك بقوة وبعمق ، تتحدث بكل أريحية وصراحة وصدق مفعم بالنقاء والصفاء ، وأجمل شيء في الشاعر عندما يكون له هذا الحضور الناسوتي العميق الزاخز بزخم الإنسانية بنسب حقيقية لا مجازية ، مع تمازج وتناغم واتحاد مع آلية من الجمال اللاهوتي النوري من بين اشعارك وردودك التي أجدها قصائد دوماً وأبداً .
وأستوقفني حديثك الشيق الممتع مع الأستاذ المبدع كمال عبد الرحمن ، حول ماهية البراءة والوعي وعلاقتهما وتنافرهما ، وحول الطفولة التي نظل نبحث عن إطلالتها المشرقة والنيرة في سطورهذه الإيام ، ونظل نلاحقها في الكبر ونضيعها في الصغر ، كما قال بيكاسو : " عندما كنت طفلاً كنت أرسم كالكبار ، وعندما كبرت صرت أرسم كالأطفال " .

استاذي الكريم ، عندما أمر من هنا لقراءة القصيدة ، يستوقفني " توقيعك " وهذه الإخيارات القيمة من حكم وكلمات أستاذنا كمال عبد الرحمن ، وهذه الفلسفة التي أظل عندها في حيرة وتساؤل ، وأظل غارقة في هذه العبر والدروس من الحكم والكلمات والأشعار ، والأهم من ذلك أقف في تأمل وصمت هذه الموقف الكريم من وضع هذه العبارات القيمة وبهذه الروح وما فيها من أخوة وصداقة وتواضع بينكما ، اسأل لكما التوفيق والسداد .

لكني اليوم مع " مقلوبة " وأكثر لفظة أحببتها هي " برياني" وصرت أتامل أحوالنا المقلوبة المعكوسة والمتباينة مثل حبوب رز البرياني ، فهناك حبوب متغيرة اللون وهناك من هو باهت منها ومن فاقع ومن لم يصل لحد الإستواء ، مثل أحوالنا المقلوبة رأساً على عقب ، ومشاكلنا المقلوبة مثل بهارات البرياني الكثيرة والمتعددة والمتنوعة إلى حيث لا انتهاء .

أشكرك على هذا العطاء الثري والفيض النبيل ، وهذه الدروس الحياتية التربوية التي نتعلم منها الكثير ، من خلال روائعك الفريدة ومواقفك النبيلة .

وعذراً على الإطالة وعلى الإزعاج

دمت طيراً رناناً في دنيا الكلام

تقبل تحيتي .

أختي العزيزة
الرائعة دوماً
كريمة النفس
عذبة الروح
الست منال

الموضوع وما فيه يا منال إنه:
لو كنت أعلم أنا "الشِعر" يقتلني
أعددت ، لي ، قبل أن "أقراكِ" أكفانا
(وليسامحني بشار بن بُرد)
***
ياست منال
أصبح الكلام عن سجاياكِ الحميدة ، من نافلة القول. حتى أني أظن أن مجرد إضافة (أي وصف) لإسمك هو من "الزوائد اللفظية".
فثبات روعتك - المطرد- و استدامتها ( وهذا حال النفيس من الجوهر ) لايليق إلا بعلمٍ مثلك.
والعلم يا أخت العرب ، يضيق بالتعريف. فما بالي كلما طالعت أنجمك تستظل عيني بكفي وهي خافشة من إبهار شُهُبك ؟

من قصرك المنيف ، حيث لا حاجة لمثلك بتذوق "كلام العامة" ، أجدك تذيبين الحرف باستطياب ذائقة ملكية.
ذلك الحرف الذي هو "عُدتي" ، أعيد قراءته بعد تذوقك إياه فأجده مكتسياً بحلل البهجة لاتخفي معانيه و لا تطمس مقاصده.
أعيد اكتشافه تحت وهج أنوارك.

أجلت عطلة رأس السنة لقاءً صحفياً أجريه مع واحدة من رموز الجالية العربية بأونتاريو. وكنت وأنا أرتب معها التفاصيل. أفكر في "المرأة العربية" ، فمرّ ذكرك بخاطري كشهابٍ من الإعتزاز و الفخر.
حتى أني أوشك أن أصيح: أنظروا يا من لا "تراهنون" على "المرأة" في بلادنا. يامن تنادون بحبسها .
تلك السيدة التي أحدثك عنها لا يوجد "قادم جديد" إلى ولايتنا ، إلا ومدت إليه يد المشورة و المساعدة.
و أنتِ يا منال ، كنت قد أمضيت جلسة كاملة على سماعي أتتبع مشاركاتك. فأذهلني ثبات موقفك ولطف معشرك.

أمَّا عن "البرياني" فكلامك عن "ألوان الأرز ، البسمتي" حمل إلى أنفي رائحة الكرم الخليجي النبيل.

و أما عن سيدي وتاج راسي وعم عموم أعمامي المذهل العجيب الأديب الأريب الفيلسوف السمعجي كمال عبد الرحمن ،
فكلام بيني وبينك (أنا المستفيد بحكاية التوقيع دي) علشان أي حد يشوفها يقوم يفتكرني صاحبه ، قال يعني انا صاحبه وهو راضي عن اللي انا بكتبه ، فيقوم يرضى باللي انا بكتبه ، مايفرجش الناس عليا .
ما انتي عارفة نصاحة المصريين ، وبعدين كلما اروح اجيب توقيع جديد من الكنز بتاعه(من وراه طبعاً) أقوم ادور في المغارة ، أهو منه تثقيف "مجاني" و منه باجلي عيني بإشي ياقوت و إشي مرجان و إشي ألماس ... كده يعني
بس اوعي تقولي عليا إنتهازي يا منال (الغيبة حرام)
واوعي تقولي لعمي كمال ، الله يسترك ، أنا مش حِمل كلمتين يشاور عليا بيهم
***
أنا كنت داخل اقولك حاجة ، نسيتها .......
آهـ ، الطفولة ، إفتكرت

نظل على "الإبداع" ما احتفظنا بطفولتنا
دام "إبداعك"
يا منال

[عيون المها]

المشاركة الأصلية كتبت بواسطة abuzahda

أحوال الأمّة

الهمَّة ... معطوبة
بسياسة معيوبة
تصرخ: يا أوطاني
تلقاها منهوبة

الشاعر المُتمكن / سيد أبو زهده

تأثرت بهذا الجزء المُقتبس من كلماتك

حضرتك وصفت أحوال الأمة بكلمات بسيطة موجزة و بنفس الوقت هي كلمات قوية تعبر عن حال الأمة بالفعل

سبب أزمات الأمة العربية هي السياسة المعيوبة

مازال لدي الأمل لإصلاحها لكي ينصلح حالنا

شكرا لكلماتك البراقة العربية الأصيلة النابعة من داخل عربي مصري أصيل يعيش في بلاد الغربة

لك مني كل تحية واحترام