أعمال من تنفيذ الفنان محمد الآلاتي

[الألآتى]

ربنا يجبر بخاطرك زى ماجبرت بخاطرى ابو مندور ياحبيب قلبى ..

12 واحد حملوا الأغنية .. ومافيش حد عبرنى بكحة أو بعطسة حتى ..

عرفت ليه بقى أنا مقل فى تنفيذ أغانى جديدة .. مافيش تشجيع ..

أما بالنسبة لموزع الأغنية .. خد المعلومة دى ..

الأغنية دى إحدى أغنيات فيلم معبودة الجماهير .. وهى بالفعل من توزيع على إسماعيل وقد إشترك أندريا رايدر وعلى إسماعيل فى توزيع الأغنيات

وكان نصيب أندريا رايدر أغنية جبار

ونصيب على إسماعيل .. أغنية أحبك وأغنية بلاش العتاب وأغنية حاجة غريبة وأغنية لست قلبى . والموسيقى التصويرية للفيلم لعلى إسماعيل ..

وبخصوص دروس المقامات .. يظهر إن الموضوع نايم شوية .. مع إنى قلت إنه تفاعلى .. بس الواضح إن فيه ناس واخده الموضوع بتهريج حبتين .. وناس مستصعبة العملية .. ربنا يسهل ..

[عفاف سليمان]

معلش استاذنا محمد الالاتى
الطلبه بتوعك مش نايمين ولا حاجه
والله مصحصحين خالص ومستعديين للدروس انا عن نفسى
برسم الشجر لما هتلاقونى فرعت الموسيقى اوراق كثيره
بس افهم يارب وابقى تلميذه نجيبه وشطوره
وتعبيلى انا كمان مش اغانى
لا حواديت
بينى وبينك انا نفسى اعمل حواديت زى ابله فضيله لانى بحبها
وصوتى ينفع ربما فى كده
لكن اغنى لاااااااااااااااااااا
يجتلونى يابوى
ههههههههههههههههه
تحياتى لحضرتك وهسمع الاغنيه لست قلبى وهرد عليها
تلميذتك الجديده فى اخر تخته فى مدرسة التعليم
عفاف

[عفاف سليمان]

موسيقارنا الاستاذ محمد الالاتى
اقولك بحق ومش كذب
صوتك جميل والتوزيع رائع
والكلمات خارجه كما قالى اخى
ابو مندور واضحه
كما اوضحت لنا بعض المعلومات عن الاغنيه
وعن الفيلم الذى كانت فيه الاغنيه من توزيع موسيقى لعلى اسماعيل واندريا رايدر
تحياتى لاختياراتك الموفقه والجميله
اختكم عفاف

[unicorn]

المشاركة الأصلية كتبت بواسطة الألآتى

أما بالنسبة لموزع الأغنية .. خد المعلومة دى ..

الأغنية دى إحدى أغنيات فيلم معبودة الجماهير .. وقد إشترك أنرديا رايدر وعلى إسماعيل فى توزيع الأغنيات

وكان نصيب أندريا رايدر أغنية جبار وأغنية لست قلبى

ونصيب على إسماعيل .. أغنية أحبك وأغنية بلاش العتاب وأغنية حاجة غريبة . والموسيقى التصويرية للفيلم لعلى إسماعيل ..

و الله أنت مدرسة و موسوعة
ماشاء الله عليك يا مايسترو

[غازي الضبع]

جميلة يا عم محمد أكيد
الحقيقة لسه ما حملتهاش
( يعني أنا مش من الـ 12 )
بس أكيد جميلة
حضـّرها على طبقة صوتي .. لغاية ماجيلك

[صباح2015]

المشاركة الأصلية كتبت بواسطة الألآتى

12 واحد حملوا الأغنية .. ومافيش حد عبرنى بكحة أو بعطسة حتى ..

عرفت ليه بقى أنا مقل فى تنفيذ أغانى جديدة .. مافيش تشجيع ..

السلام عليكم ورحمة الله وبركاته
أخى العزيز الأستاذ/ محمـد الألآتـــى
أكبر وأعظم مايسترو
فى منتدى سماعى
أنا من المتابعين لأعمالك الجيدة بأستمرار
لكن لاتوجد عندى كلمات شكر وثناء تكفى لمجهود حضرتك
الأكثر من رائع
ف بكتفى بالسمع لكل إبداع بصوت حضرتك الهادىء
وقراءة مشاركاتك الشيك
دُمت أيها العظيم المُبدع لمنتدى سماعى العريق
بكل خير وصحة وسعادة
فى إنتظار جديدك دائماً
تشجع وأستمر
لحضرتك كل الشكر والتقدير والأمتنان والعرفان

[MUNIR MUNIRG]

"قصيدة لست قلبى
من أحلى ماغنى عبد الحليم حافظ"

وكمان.......

ومن أحلى وماغنى محمـد الألآتـــى

الأستاذ/ محمـد الألآتـــى
صوت متمكن ودارس
عظمه على عظمه

على فكره أنا لسه ماحملتش....

[الألآتى]

المشاركة الأصلية كتبت بواسطة صباح2015

أنا من المتابعين لأعمالك الجيدة بأستمرار
لكن لاتوجد عندى كلمات شكر وثناء تكفى لمجهود حضرتك
الأكثر من رائع

والله يامدام صباح .. أنا مايهمنيش كلمات الشكر ولا الثناء .. بالعكس ..

أنا بتكسف وأنا بسمع منكم هذا الكلام .. أنا عايز بس أعرف رأيكم ..

الأغنية حلوة .. وحشة .. أكمل .. ولا أبطل خالص وأريح المستمعين من أمثالى ..

لكن نحمل ونجرى .. زى منتديات الشباب الصغير المنتشرة .. المفروض إننا كلنا فنانين .. موسيقيين ومستمعين ..

[محمودسعد]

[QUOTE=الألآتى;345865]

ربنا يجبر بخاطرك زى ماجبرت بخاطرى ابو مندور ياحبيب قلبى ..

12 واحد حملوا الأغنية .. ومافيش حد عبرنى بكحة أو بعطسة حتى ..

عرفت ليه بقى أنا مقل فى تنفيذ أغانى جديدة .. مافيش تشجيع ..




يااخي الحبيب واستاذي
انا كنت عيان وفوق كده النت كان فاصل من المنطقه كلها وانا طبعا مش من الناس بتوع المشاهدات وانا لسه جاي حالا وشايف الاعجوبه اللي انت عاملها
ثم ان حكايه المشاهدات دي ذادت عن حدها والكلام ده سبق وقلنا انه مش بتاع سماعي واحنا مش موقع تبع المواقع اللي ؟ مش هي ؟
طب ماتخلي اللي يرد يحمل طالما فيه حاله من الخرس بتصيب الناس كده ومش بيهون عليهم يشجعوا
احسنت طبعا كعادتك يااستاذ وانت واحشني وربنا يكفيك شر المرض

[الألآتى]

المشاركة الأصلية كتبت بواسطة محمودسعد

وانا طبعا مش من الناس بتوع المشاهدات وانا لسه جاي حالا وشايف الاعجوبه اللي انت عاملها

ياعم محمود .. الكلام مش ليك .. ده إنت تقريباً الوحيد إللى بترد عليا وتشجعنى ..

ربنا مايحرمنا من بعض .

وبعدين أنا بقول الكلام ده من عشمى .. لأنى ماقدرش أزعل من حد .. كلهم حبايبى ..