إبداعات الشاعر رائد عبد السلام - الصفحة 4

**ريما** · #1 23/07/2008, 01h11

استاذ رائد بجد تحفه اوى

واحلى حاجه ان الصفصافه دى وانا بقراها فكرتنى بحجات كتير

كانت حلوه فى حياتنا ضاعت وبنفس الطريقه اللى ضاعت بيها الصفصافه

**بشير عياد** · #2 20/02/2009, 23h47

اقتباس:

المشاركة الأصلية كتبت بواسطة رائد عبد السلام

وفجأة في راس الشيطان خاطر برق ...
و قال دي عايشة من زمان
لو نقطع الفرع الكبير
إيه اللي ح يضرّ الجذور...؟
- طيّب نشور .......
وجابوا شلة نجارين
واتداولوا فيما بَيْنََهم
الشجرة واقفة ملقّحة
والكل صاحب مصلحة
مافاتش يوم علي الكلام
إلا ولقينا في الزحام
نجّار هُمام
حز الجذور
وفجأة نزلت م السما تِهوِي
علي تراب الجسور
--------------
وبعد ماكان شَعرها
بيغسله ريق السحاب
اتنططت علي جسمها كل الكلاب
.

هذا كلام للصغار وللكبار معًا
بهذا الشكلِ ( أو هذه التشكيلات ) تستطيعُ أن تضيف عُمقًا جديدًا إلى مجلاتِ الأطفالِ التي أصبحت تترنّحُ تحتَ وطأةِ ثقافةِ الموبايلات والعصرِ الاستهلاكي
هذه لوحاتٌ ومشاهدُ متحرّكةٌ لا ينقُصُها سوى رسّامٍ بارعٍ ليكتملَ العملُ ـ في نظري ـ ويُرشقَ في أذهانِ القادمين
في انتظار بقيّةِ أشجارِك .

**رائد عبد السلام** · #3 21/02/2009, 04h23

شهادة أعتز بيها من شاعر كبير
يا أستاذ بشير
والله يا أستاذنا حال مجلات الأطفال
والمنتجات الثقافية للأطفال عموماً ...شيء محزن
حتي الأفلام المصرية المقدمة ليهم بتغتال طفولتهم
رأيت فيلم اسمه (فرح) بطلته طفلة :
اختفت لعبة الطوق والبريللا
وأصبحت الفتيات الصغيرات يرقصن
كراقصات علب الليل ..لا سامحهم الله
من يفعلون ذلك في غِراس المستقبل
أشكرك ...جزيل الشكر

**abuzahda** · #4 21/02/2009, 04h09

يا صفصافة شِعرٍ استوطنت القناطر الخيّريّة

**رائد عبد السلام** · #5 21/02/2009, 04h29

اقتباس:

المشاركة الأصلية كتبت بواسطة abuzahda

يا صفصافة شِعرٍ استوطنت القناطر الخيّريّة

والله ياعمي سيد
كلامك بيفتح نِفسي علي الدنيا
لأنه صادر من نَْفس طيبة و جدعة...وبنت بلد
أشكرك
ياخميلة أشجار : توت ودقن الباشا وبرتقال ويوسفي...
استوطنت ....قلوبنا
بإذن الله لمّا تيجي بالسلامة ياعمي سيد
ح أعمل لك في القناطر حتة استقبال ...
فشر قطز وهو راجع من (عين جالوت)
بحبك ياعمي سيد..وربنا يديمك

**Islam Eidrisha** · #6 21/02/2009, 06h50

حبيب قلبي واستاذي رائع عبد السلام
جمال قصيدتك يكمن في أنها عامة معممة
تصلح لكل الأعمار وتصلح لكل العصور
كما أنها لا تنطبق على بغداد وحدها
فالصفصافة عندنا خلت من كل شئ
إلا جذر ثابت قوي ضارب في عمق التاريخ
نستمد منه القوة ونستظل ونظل به.
والصفصافة مهما تجمع حولها الكلاب لينالوا منها
فهي ثابتة ولا تهتم ولا تلقي لهم بالا لأنهم أقل من أن يشغلوها
لأنها باقية وهم حتما سيلقون في غياهب الظلم والظلمات.

**رايا** · #7 09/03/2009, 12h11

ما كل هذة الروعة
يا استاذ رائد
اشعار تحفة واحساس رائع
وبالاخص رائعتك
الصفصاف

كل سنة وانت طيب
بمناسبة المولد النبوى الشريف

والف مبروك تثبيت
اعمالك
معلش تهنئة متاخرة شوية

**رائد عبد السلام** · #8 10/03/2009, 12h42

اقتباس:

المشاركة الأصلية كتبت بواسطة رايا

ما كل هذة الروعة

يا استاذ رائد
اشعار تحفة واحساس رائع
وبالاخص رائعتك
الصفصاف

كل سنة وانت طيب
بمناسبة المولد النبوى الشريف

والف مبروك تثبيت
اعمالك
معلش تهنئة متاخرة شوية

مرحباً أختي
رايا
كل سنة وأنتي طيبة
وشكراً علي تشريفك وعلي التهنئة
الله يبارك فيك ِ

**abuzahda** · #9 14/03/2009, 00h30

أهـُو هوَّ دَه عيب التثبيت الوحيد
الكسل
*
براحتك يا أستاذ
براحتك أوي
براحتك خالص
براحتك جداً

و احنا منتظرين

**Tarek Elemary** · #10 12/04/2009, 11h07

أيها الرائد الجميل أنت رائد فى هذا المجال حقا
بس أنا ممكن أرقيك و أخليك لواء تحمل لواء الكلام المعجون بطمى النيل و ماء النيل وسحر النيل و شجن الناى مع المواويل
الصفصافة تحفة (هى أصلا شجرة أنا من عشاقها هى و دقن الباشا) لدرجة إنى كلفت مهندس زراعى عنده مشتل يشتل منهم و من الجميز أى عدد على حسابى و يأجر ناس تزرعهم على حسابى وسط الغيطان و على الترع فى ريف بلدنا إيتاى البارود (بحيرة) رغم إنى عشت حياتى فى إسكندرية و السودان و القاهرة بس عاشق ريف بلدنا و مسقط رأس والدى
المقطع الأخير بنيانه متين و المعنى واضح بعذوبة و موسيقى و شجن و ألم و ربنا يسامحك و يلهمك مثله الكثير يا بن القناطر ياللى شاطر حتى فى جبر الخواطر
و تقبل منى أطيب المنى و أرق تحياتى