العربي البلبيسي من منشدي مصر المميزين
نستمع للانشاد الاول
يا ال بيت النبي(توزيع جديد)
قصدت بابك وغير بابك ماقصدتوش آدي الباب مفتوح عمري ماقفلتوش يا سابل الستر استرها ما تفضحاش ولغيرك إنت أبداً ما تحوجناش والحق يعلى وإحنا على الحق مانعلاش يا واخد العهد على عمك ياخويا ماتعلاش زي اللي قبلنا ما قالوا العين على الحاجب ما تعلاش وإذا كنت بتحب حب بس لازم لازم تكون حساس وفتش على روحك يا حبيبي قبل ما تفتش يا واد ع الناس وانظر لبيتك ولا تنظرش لبيوت الناس واللي ما ترضاهشي على روحك ماترضاهشي ياخويا ع الناس كلام هاقوله يا قلبي ويا ريت يسمعوه الناس ياما كان ع الدنيا فتواااااات قبلنا يقولم إحنا أحسن ناس صبحم رمايم ياخويا ويدهوسم عليهم الناس اسمع كلام ربنا العزيز اللي قاله لجميع الناس وجنة الخلد هايدخلها من الناس الكاظمين الغيظ والعافين عن الناس
أول ما كتب القلم كتب القلم الله وكمل السطر بمحمد رسول الله قال هو حبيبي ومحبوبي هوا خير خلق الله واللي يصلي ع الحبيب النبي يا فرحته ياهناه واللي هاتعمله النهاردة بكرة أمام الكريم تلقاه يا آل بيت النبي أنا هانديكم طمعان في نظرة رضا ليا العشم فيكم طمعان في نظرة رضا ليا العشم فيكم أنا ليا أربعة في وقت الضيق بناديهم سيدنا الحسن والحسين والسيدة والإمام علي أبيهم
سيدنا الحسن والحسين والسيدة والإمام علي أبيهم من الحبيب النبي أنا ليا العشم فيهم وإزاي يا سيدنا الحسين وأنا روحي مولانا مولانا سيدنا الحسين سيدنا الحسين ولي النعم شباب الجنة أبا العلمين شيخ العرب يا بدوي يا أبو السباع يا آل البيت يا أهل البيت يااااااا آل البيت يا آل بيت النبي آه يا آل بيت النبي أمانة ما تفوتنيش عايز أنول مطلبي بس ف حماكم أعيش الناس شافوني بابكي يا سيدي يا عبدالرحيم يا قناوي قالولي ماتبكيش أنا قلت أنا بابكي على حالي يا خلق ماتلومنيش ضيعت مالي على جرحي وعايز أعيش وبدل ما ألبس حرير يعجبني لبس الخيش وبدل ما آكل طيور متنضفة من الريش آكل بملحي حصى ... وأغمسه بالعيش يا عيني يا عيني نزلت بحر الحبيب النبي ولاخفت من الطراطيش نادى عليا المراكبي وقالي لي ماتعديش أنا قلت ليه يا حبيبي عديني وخد بقشيش عايز لجرحي دوا يا أحمد يا بدوي لفيت مابلقيش قمت اشتكيت الطبيب اللي ماعالجنيش القاضي شاف شكوتي زعل ومانصفنيش قال يا جريح الهوى إذا كنت غويت سافر إلى مصر واشكي لمولانا لسيدنا الحسين حالاً هاتنول آمالك يا حبيبي وتتهنى مع الدراويش
الرجل الاول العربى فرحات البلبيسى وباقة من اروع ما قدم من طوفة
هنا سوف اقوم بوضع مجموعة شرائط كاملة للرجل الذكروالمديح فى حضرة النبى الحبيب واللى اخد شهرة واسعة فى هذا المجال ورجل قدير العربى فرحات البلبيسى ابن بلبيس شرقية
وبقدم لكم شريط يارب عفوك
الله عليك يا بلبيسى عندما تقول اول ما كتب القلم كتب القلم الله فعلا الله عليك بجد عندما اسمع هذا الرجل احس ان فى مناسبة جميلة
تم تغير الصيغه الى mp3
شاهد الملف قبل التغير 982
احمد
التعديل الأخير تم بواسطة : احمد عبدالهادى بتاريخ 15/12/2009 الساعة 18h11
هذا الرجل أجمل ما في صوته هو الخشوع الجميل .. ذكرني هذا الرجل بقارئ جليل لم ينل حظه من التقدير بين أقرانه من الكبار .. هو الشيخ شكري البرعي رحمه الله وأيضا كان هناك شيخ علي مقربة منه ولكنه حصد شهرة لا بأس بها وخصوصا بعد رحيله وهو الشيخ حمدي الزامل وهذا الثالوث البلبيسي والزامل والبرعي لهم القدرة الفائقة علي التنقل في بحور المقامات الموسيقية لدرجة أن يتعجب مثلا موسيقار الأجيال محمد عبد الوهاب في عزاء أم كلثوم أن حمدي الزامل ليس قارئا بالإذاعة حتي اللحظة التي لقيه فيها ..
حمادة البيلي
قاص وصحفي
أستاذ نقد الأدب العربي باللجنة الدولية للنقاد العرب