ديوان حسن كشك - الصفحة 4

**حسن كشك** · #1 30/01/2009, 02h04

اقتباس:

المشاركة الأصلية كتبت بواسطة abuzahda

بس انت قولّي: "حُش ياعرب ، ما تخافش"

تقصد ( خُش ) ولا انت قصدك ( حُش ) لو تقصد التانيه فهمهانى عشان فكرى مايروحش لبعيد ...على كل حال اهو البيت بيتك يامعلمى وحريمه متنقبين ..... وبعيد فى الحرملك .... الجوانى .... يعنى مش هاتجرح ولاتنجرح .. براحت راحتك يامعلمى .. اتفضل فى اودة المسافرين ....خدلك (تاكوه) وريح على اى (استامبولى ) يعجبك ...وشباكنا عليه ياسمينه ... مضلله ومنسمه الجو ... يعنى مافيش لادوشه ولا حر ولابرد ....والشاى جايلك بالنعناع ...وعلبة الدخان قدامك خد راحت ...السقف عالى .... ومافيش كتمه ... وهنبقى نولع عود صندل وعود مسك ... لو ضايقك الدخان ...عاوز ايه تانى يامعلمى ....ما انت بتكرمنا برضوا لما بندخل عندك ...
خوش ياخويا ..... برجلك اليمين .

**abuzahda** · #2 30/01/2009, 09h31

اقتباس:

المشاركة الأصلية كتبت بواسطة حسن كشك

تقصد ( خُش ) ولا انت قصدك ( حُش ) لو تقصد التانيه فهمهانى عشان فكرى مايروحش لبعيد ...على كل حال اهو البيت بيتك يامعلمى وحريمه متنقبين ..... وبعيد فى الحرملك .... الجوانى .... يعنى مش هاتجرح ولاتنجرح .. براحت راحتك يامعلمى .. اتفضل فى اودة المسافرين ....خدلك (تاكوه) وريح على اى (استامبولى ) يعجبك ...وشباكنا عليه ياسمينه ... مضلله ومنسمه الجو ... يعنى مافيش لادوشه ولا حر ولابرد ....والشاى جايلك بالنعناع ...وعلبة الدخان قدامك خد راحت ...السقف عالى .... ومافيش كتمه ... وهنبقى نولع عود صندل وعود مسك ... لو ضايقك الدخان ...عاوز ايه تانى يامعلمى ....ما انت بتكرمنا برضوا لما بندخل عندك ...

خوش ياخويا ..... برجلك اليمين .

يا ســـــــــــــــــاتر

إيه الأجواء دي يا عم حسن؟
كده هنام ، مش هتكلم

طبعاً ما ينفعش برجلي اليمين ، ولا الشمال
لما يكون حد داخل على شئ "عالي" لازم يقفز برجليه الاتنين

النص اللي "الكلام عليه" - إنت
بالظبط كده ، إنت كتبتك ، في النص
ما تستغربش يا عم حسن ، فيه "شعراء كبار" بيكتبوا "غيرهم"
لكن اللي يقرا الكلام بتاعك ، يتأكد إنه إنت
نفس الدرجة من "الإهتمام بالتفاصيل"

وهي صفة قد تنتقص من الكتابة ، إلا أنها في حالتنا هذه ، مقبولة ، خاصة و أن "الموضوع" - وهو " الإفتقاد" ، يغري بذلك.

وعندما لااجدك
اكلمك ... رغم بعدك
فى كل ماحولى احسك
وعندما يزيد شوقى اليك
ولا اجدك
يصرخ قلبى يناديك
فياتى طيفك
المس يديك
انظر فى وجهك
اغرق فى عينيك

و لولا إلحاح "الكاف" - ثم غيرها فيما بعد.
لكانت مقطوعة نثرية تدعو إلى التأمل.

اقتباس:

لاتقيسوها بمقاييس الشعر
ولكن قيسوها بمقياس الاحساس

و لما "الشعر" ، فقط ؟ ، و النثر أيضاً من رُسُلِ الإحساس.

مجمل القول يا ابو ميدو (خاصة و أني كنت قد كتبت قبل هذا الذي تراه ، صفحة كاملة . وبعد ساعتين من التركيز ، جاءتني أتعس رسالة سماعية : أنت لم تسجل)

وحدة الفكرة ، واضحة ، لم تفلت منك
المشاعر و الأحاسيس ، شئ مدهش (تذكر أني كنت قد عبرت عن دهشتي : كيف لأسدٍ قلب يمامه. وكنت أقصد أن "القلب" ، نفسه "يمامة" ، وليس قلب يمامة - بالإضافة.)

فأنا أزعم أنني صاحب "سبق" في معرفة حكاية "الأحاسيس الكشكية" .

وعلشان كدة قلت لك :
إثبت يا أسد

**حسن كشك** · #3 30/01/2009, 16h12

بص بقا ياعم ......
يامعلمى سيد .....طبعا قريت اللبش الكبير اللى كان جوه الموضوع بينى وبين المعلمين الكبار اوى ( اخونا يوسف ابو سالم نهر الاردن الغايب وربنا يرجعه لينا بالسلامه واخونا الغايب برضه وربنا يرجعه بالسلامه لينا كمال عبد الرحمن ... حبيبى )
وكانت معركه جامده اوى استعملوا فيها كل الموازين الشعرية ...... لكن ولاميزان نفع معايا ... رموا كل اللى كتبته فى كل البحور الشعرية .....وبرضوا منفعش .... قام اخويا كمال الله يعزه .... لما مالقاش فايده ... وعاوز يشوفلى سكه انفد منها ..... قاللى ( يعنى هى الموازين دى انزلت من السما ....ياعم سيبك ) وصنف اللى انا باكتبه ....( والله ما انا فاكر قال عليه ايه شعر ولا نثر ولامقاله ولا كوم زباله .... مش فاكر بالظبط ) المهم عمله تصنيف حلو عشان مايحرجنيش وسطهم وقال عليه ( ما بعد الحداثه ) .... يعنى حاجه كده زى ( التمثيل المشرف ) لما شافنى اتهريت من كرباج اخويا يوسف ابو سالم ( السادى ) اللى بيتلذذ وهو بيقطع فى لحم اى مقطوعة ادبية ......
انا بس حبيت الفت نظر حضرتك ..... انت واخى بشير عياد .... عشان ماتوجعوش دماغكم .... وتقولوا الوزن والبحر والقافيه .......واللوغريتمات دى .....ملعون سنسفيل ابوها ..... لان ده شغل الصنايعيه الكبار ..... وانا يدوب فارش بتريينه صغيره على الرصيف .... وبفرج عن نفسى وبفرج اصحابى بس . ..... ومعنديش مصنع انتاجه (MASS PRODCTION ) هما يدوبك حتتين .... كل حين ومين ....( HAND MADE ) جم فى ساعة تجلى ورضا من الخلاق ...او ساعة حريق نفسانى وله مليون سبب ........وكله بيرزق ....
يعنى يارجاله ..... بالراحه علينا وسيبونا نسترزق ..... وبلاش تبهدلوا الحتتين اوى .....ماهما انا عارف انهم على قد الحال وبفرجهم لصحابى ..... عشان يعرفوا برضو اننا بنفهم فى بضاعتهم ...... ومعاهم على الخط
وصنفوهم يا اخونا .... على انهم ..... (مابعد بعد الحداثه) .... يعنى انا بارسى مبدأ جديد ......وانا من الرواد فيه ..... ومش مهم الجيل ده يفهمنى .... بكره الاجيال القادمه تدينى حقى

**حسن كشك** · #4 30/01/2009, 21h53

ايوه .... خلونى اتغر وافكر نفسى واد فنط ....هى السبب .... انا وريتها الكام حته الهاند ميد دول وطارت فى الهوا ... ال يعنى من الابداع ....وانت بابا وانت ماما وانت احمد شوقى .... اتنفخت كما الديك الرومى العتاقى ...وقلت ياواد برضوا ماتحرمش آل سماعى من الابداع والكلام المتكلف ....واعملها لهم مكيفه ... تكسب فيهم ثواب ...اتارى ياخويا دخلت فى سكه عاتمه وطلعلى فيها عفاريت ..... ولبشوا جتتى ... وفين يوجعك ... واذا كانت هى خلتنى اتنفخ كما الديك الرومى ...هما ورمونى كما الصابع المدوحس ......ومش اسكت واتلم .... وخلاص الموضوع هدى واتلم ... ييجى شيطان شعرى يقولى ياواد انت مبدع .... ورى المعلم سيد وعمك بشير ... التحف والابداع .... يمكن يكونوا الناس اللى فاتت غيرانين وحاقدين ...... ودلوقت تقولوا كلام احلى من الشعر ... لا خلاص مش هاتتعمل فيا تانى ... واللى اتلسع من الشوربه ينفخ فى الزبادى .......مش ها اكمل .... خلاص بقى انتوا عارفين الباقى .... على راى شعبولا .... بس ... خلاص

**حسن كشك** · #5 31/01/2009, 04h12

اقتباس:

المشاركة الأصلية كتبت بواسطة abuzahda

و الجدير بالذكر ، أن جلالته يرى أن "الصدق" و "الحداثة" يمكن جمعهما معاً في كتاباتٍ -هي بالضرورة - ذاتية.
و كان جلالته ، في توضيحه لمفهوم "الذاتية" ، قال:
أنظروا إلى "في بعدك" فتجدوا أن "الذاتية" تراوح مكانها بين :
* درجة "عيني في عينك ، كدة ؟!"
و
* درجة "إوعى تنكِر"

عندك حق والله يا سيد افندى
ولن انكر .... هى الذاتيه بعينها ولا شئ سواها..... وماعرفت سواها ... ذاتيتى وارويها بصدق كما قلت تماما .... صدقنى انك اول واحد قرأ ماخلف السطور ... وان استثنيت اخى كمال عبد الرحمن ....فله سابقه قريبه فى ذلك ... ولعلم حضرتك ... اغرق فى الذاتيه .... تجد الصدق تجلى .... وخير الكلام الصادق ... ستجد له ردود ... وصدى فى قلوب صادقه .... اليس الشعر او النثر او التعبير بأى وسيله ... هى تفريجه عن النفس وازاحه هم عن الصدر وصرخة استنجاد ... قد تجد لها ملبى او قدلا تجد ...فتدعوا كل من حولك ليفرح معك .... ولكنك افرغت عن قلبك مكنون كان يثقل انفاسك ويتعب اعصابك... اليست هى فرحة طاغية تشعر بها وتحس انها اكبر ماتحتمل ...اليست غيظ مكتوم تفرج بها عن اعصابك ... فى ازماتنا نبحث عن صديق ... ننفس له عما فى صدورنا فنرتاح ... وانا عندما اكتب اجد مليون صديق ... فارتاح ....
ياسيد باشا ...... اذا فهمت فلسفتها .... وهى الحياه ... فلا زمن ... ولا سن ... ولا اى معيار .... فهى نفسها كهلة وفى انفاسها الاخيره ... ومابقائنا فيها الاثوانى ...ثانية بدأت ... وثانية نعيشها ... وثانية نفارقها .... قد يهترأ منا كسائنا الخارجى ....قد تضعف حواسنا .... قد يشيب شعرنا ( او يصلع ) ولكن ما الذى يصيب القلب والنفس من ذلك اهل قسم الله النفس ... الى طفوليه ... وشابه ... وكهله ... ام ذكرها سبحانه وتعالى .... مجرده ... غير معرفه ... مطلقه ( ونفس وماسواها ) ... وهى ذاتيتنا التى لا تكبر ولا تشيب ولا تهرم ... وستعود شابه فى الثلاثين ( كما ذكر فى احاديث السلف ) اذا هى تنضج ... لكن لاتهرم ... اهل تهرم الاحلام والامانى .... اهل تهرم المشاعر ... لا يا اخى اطمئن .... ولعلمك انك تعرف اكثر منى ان دفعتنا مطلوبه وبشده ... فهى دفعة اخر الرجال المحترمين
وبخصوص الدنيا ...والذاتيه ... والصدق
ارجوا اعادة قراءة هذه الـ... سميها ذى ماتسميها لكنها بالتأكيد تنتمى الى مدرسة ( مابعد بعد الحداثة ) ... واذا لم تعجبك فأعتبرها من ( ادب السلة )*.....
ادخل تانى على هذه الرابطة برجلك الشمال

http://www.sama3y.net/forum/showpost...6&postcount=22

* ادب السلة : شكلنا انا واصدقائى فى مرحلة من عمرنا مجموعة ادباء السلة وماننتجه سميناه ادب السلة ... وشرحا لمعنى الاسم .. اننا كنا نكتب الشعر والنثر ... والذى يعجبنا كنا نحتفظ به ... والذى لا يعجبنا .. كنا نرميه فى سلة المهملات ... وكان الذى لايعجبنا اكثر بكثييييييييييير من الذى يعجبنا ... وكانت سلة المهملات تمتلأ بأدبنا .. او قلة ادبنا .

**حسن كشك** · #6 31/01/2009, 04h33

المدرسة الشعرية ( مابعد بعد الحداثة )
لمؤسسها الشاعر الـ ...... حسن كشك
القصيد المحمول الاول
انا والبندول

اخى بندول الساعة
كيف حالك ..فى التأرجح
انا مثلك مشتاق
للثبات......
وللسكون

**abuzahda** · #7 31/01/2009, 09h40

اقتباس:

الشمس تعدو
فى هروب للغروب
بلا كلل

إن لم يكن هذا شِعراً ، فلا كانَ الشِّعرُ

**unicorn** · #8 31/01/2009, 13h44

اقتباس:

المشاركة الأصلية كتبت بواسطة حسن كشك

المدرسة الشعرية ( مابعد بعد الحداثة )
لمؤسسها الشاعر الـ ...... حسن كشك
القصيد المحمول الاول
انا والبندول

اخى بندول الساعة
كيف حالك ...فى التأرجح
انا مثلك مشتاق
للثبات......
وللسكون

شربات يا ابو ميدو
بس وغلاوة ميدو ,
ماشفتش حاجات بتورد علينا من نفس الديوان بتاع بندول الساعة دة , هنا فى سماعى ؟؟؟؟
و الله ياما كانت فيه حاجات من دى ,
بس أما المكانس اتوردت فى المخازن , و الديتول اتوفر ,
النضافة اشتغلت ,
حتى شوف ....
القطنة ما بتكدبش

**abuzahda** · #9 31/01/2009, 09h26

اقتباس:

المشاركة الأصلية كتبت بواسطة حسن كشك

عندك حق والله يا سيد افندى

ولن انكر .... هى الذاتيه بعينها ولا شئ سواها..... وماعرفت سواها ... ذاتيتى وارويها بصدق كما قلت تماما .... صدقنى انك اول واحد قرأ ماخلف السطور ... وان استثنيت اخى كمال عبد الرحمن ....فله سابقه قريبه فى ذلك ... ولعلم حضرتك ... اغرق فى الذاتيه .... تجد الصدق تجلى .... وخير الكلام الصادق ... ستجد له ردود ... وصدى فى قلوب صادقه .... اليس الشعر او النثر او التعبير بأى وسيله ... هى تفريجه عن النفس وازاحه هم عن الصدر وصرخة استنجاد ... قد تجد لها ملبى او قدلا تجد ...فتدعوا كل من حولك ليفرح معك .... ولكنك افرغت عن قلبك مكنون كان يثقل انفاسك ويتعب اعصابك... اليست هى فرحة طاغية تشعر بها وتحس انها اكبر ماتحتمل ...اليست غيظ مكتوم تفرج بها عن اعصابك ... فى ازماتنا نبحث عن صديق ... ننفس له عما فى صدورنا فنرتاح ... وانا عندما اكتب اجد مليون صديق ... فارتاح ....
ياسيد باشا ...... اذا فهمت فلسفتها .... وهى الحياه ... فلا زمن ... ولا سن ... ولا اى معيار .... فهى نفسها كهلة وفى انفاسها الاخيره ... ومابقائنا فيها الاثوانى ...ثانية بدأت ... وثانية نعيشها ... وثانية نفارقها .... قد يهترأ منا كسائنا الخارجى ....قد تضعف حواسنا .... قد يشيب شعرنا ( او يصلع ) ولكن ما الذى يصيب القلب والنفس من ذلك اهل قسم الله النفس ... الى طفوليه ... وشابه ... وكهله ... ام ذكرها سبحانه وتعالى .... مجرده ... غير معرفه ... مطلقه ( ونفس وماسواها ) ... وهى ذاتيتنا التى لا تكبر ولا تشيب ولا تهرم ... وستعود شابه فى الثلاثين ( كما ذكر فى احاديث السلف ) اذا هى تنضج ... لكن لاتهرم ... اهل تهرم الاحلام والامانى .... اهل تهرم المشاعر ... لا يا اخى اطمئن .... ولعلمك انك تعرف اكثر منى ان دفعتنا مطلوبه وبشده ... فهى دفعة اخر الرجال المحترمين
وبخصوص الدنيا ...والذاتيه ... والصدق
ارجوا اعادة قراءة هذه الـ... سميها ذى ماتسميها لكنها بالتأكيد تنتمى الى مدرسة ( مابعد بعد الحداثة ) ... واذا لم تعجبك فأعتبرها من ( ادب السلة )*.....
ادخل تانى على هذه الرابطة برجلك الشمال

http://www.sama3y.net/forum/showpost...6&postcount=22

* ادب السلة : شكلنا انا واصدقائى فى مرحلة من عمرنا مجموعة ادباء السلة وماننتجه سميناه ادب السلة ... وشرحا لمعنى الاسم .. اننا كنا نكتب الشعر والنثر ... والذى يعجبنا كنا نحتفظ به ... والذى لا يعجبنا .. كنا نرميه فى سلة المهملات ... وكان الذى لايعجبنا اكثر بكثييييييييييير من الذى يعجبنا ... وكانت سلة المهملات تمتلأ بأدبنا .. او قلة ادبنا .

شوف انت بتعمل فيَّ إيه ؟
تخليني أقعد أرغي شهر ، و بعدين ييجي سيدي بشير ، يقول "الخلاصة" في نص جملة

هتفرج عليَّ الناس كدة ، لإمتى يا عم حسن
مش الراجل قالك: عليَا النعمة كلامك ده أحسن من شِعر شُعرا بالهبل ؟
و انا ما صدقت "لاقيتها" ؟ و اتشعلقت فيها بإيدي و رجلي ؟

أجيب وقت منين انا ، علشان احضر نفسي؟
و لو أخدت أجازة أسبوع ، هجيب منين كُتب و مراجع؟
ولو قضيتها من النت ؟ هجيب منين "هارد ديسك" يساع التحميل؟
و لو شغلت "الإكسترنال هارد ديسك" ؟ هجيب منين ذوق يختار؟

إيه يا عم انت ده؟ عايز ايه ؟ مني ؟