(يابو البنات)
ياعم يابو البنات سيبك من الموضة
تعمل غياب بالساعات ماشيه على الموضه
أصل التسيّب غلط عمره ماكان موضة
ساعت ماتفرغ ايديك حاتقول ماربّيتها
والناس حاتعتب عليك ما انت اللىّ ربيتها
وتقول بدمعة عنيك ياريتنى ربيتها
لو كنت ربيتها لقالت ع الادب موضه
,,,,,
من امته كان الحنان محتاج لحرّيّه
وازّاى تحسْ بأمان لو حتى حوريّة
وكل وقت بأدان ماتقولش حرّيّة
طاب ايه شعورك ساعة مايقولوا مخطوبه
تطلع فى اخر النهار وتردْ مخطوبة
تدعيك ليوم حفلها فى الشبْكه وخطوبة
وكام خطوبه وجواز سلامات ياحرّيّة
,,,,,
مشغول بأيه عنـُّهم فلت الزمام ياعم
راحوا العيال وأمّهم وسط الزحام ياعم
اصحى بقى ولمّهم من غير كلام ياعم
فرّطْ ليه فى الامانه والشرف والدين
والفقر حاطط عليك خللا الحياه بالدين
دايما بتشكى الزمن بين السلف والدين
ومهمّل الدين وباظت آخرتك ياعم
,,,,,
مين اللىّ قال الزحام فيه خطوه مضمونه
واللا عيون اللئام فيها نظرة مضمونه
دى الحركة لوْ بالسلام ماعادتش مضمونه
ديابه ماليا البلد والحى والشارع
والأمن صابه الجلد ومودّع الشارع
حوشوا البنات اللىّ دايره تلفْ فى الشارع
ماراعوش مشاعر وسوء النيّه مضمونه
,,,,,,
يابو البنات
العرض الشجري