أربع سنين

[ام مدحت]

كلمات/ام مدحت الشرقاوى
لحن وغناء أ/محمد الالاتى
(اربع سنين ياهوى)
أغنيه
أربع سنين ياهوى..وأنا فى انتظار خللىّ
ماكنـّا دايما سوى..وياريته كان قال لى
,,,,,,
أربع سنين حيران
بين فكرى وظنونى
شايل فى قلبى حنان
وازاى حاينسونى
وبأحمّلك ياهوى
كلّ اللىّ يحصلىّ
ماكنـّا دايما سوى
وياريته كان قالىّ
,,,
أربع سنين الليل يطول
والوقت فيه طعم العذاب
مستحملين لوم العزول
مستنـّيين يـيجى اللىّ غاب
يادنيا جودى بالدّوا
حلىّ المرار حلىّ
ماكنا دايما سوى
وياريته كان قالىّ
,,,,,
أربع سنين وانا كل يوم
عايش أمل لحظة رجوع
وباقول ياعين انسى الهموم
وخفىّ حبّه من الدموع
من بعد حبىّ ياهوى
ايه الىّ يفضلىّ
ماكنا دايما سوى
وياريته كان قالىّ
,,,,,
اربع سنين يا اهل الغرام
والقلب ساكن حيّكم
مستخسرين حتى الكلام
فى اللىّ انكوى بنار حبكم
دا الكل رايح ياهوى
والدنيا حاتولىّ
ماكنا دايما سوى
وياريته كان قالىّ
,,,,,
أربع سنين يامسطــّرين
فى قلوبنا صفحة حبّكم
ومحتارين حانروح لمين
نشكيله قسوة قلبكم
طاب فين وعودك ياهوى
وفين وعْد خلىّ
لو كان على فراقنا نوى
كان حتىّ قالىّ