الوعد والقسمة كدا

[علاء طه ياسين]

الوعد والقسمة كدا
أعشق عيون بالشكل دا
مجبور ألازم سكتك
ماقدرشي أعمل غير كدا

يا بنت ياللي بحبها
انا جرحي منك ما انتهي
يا حلم كان .. كان مشتهي
رسمته ع الريح والصدي

يا ساكنة قلبي المستكين
يا ام العيون الطيبين
ما تجدديش جرح السنين
فيا الجروح متجددة

آسف إذا تاهت خطاي
والحزن لو يسكن غناي
انا كنت باحلم بِكْ معاي
تابعة خطاي طول المدي

ومشيت وراكي ألف ميل
وأخدني ليل من بعد ليل
وعملت كل المستحيل
وبرضو مش طايل الرضا

والوعد والقسمة كدا

ياسين

[عمر زهران]

أجمل شئ فى الزجل أنه سلس وسريع وأصعب شئ فيه إن ساعات البلوك الشعرى اللى فات مالهوش دعوة باللى بعده هل هذا عيب زجل ام عيوب اخرى

[د أنس البن]

حلوه حلوه يا علاء
إحساسك فيها صادق قوى
حمد الله على سلامتك
ويا ريت لو سمعت حاجه عن الأحباب اللى فاتونا تقول لنا
وتوصل لهم رساله قلبيه بطريقتك وإحساسك العالى
تقول لهم حرام كده والله

[سعدالشرقاوى]

المشاركة الأصلية كتبت بواسطة علاء طه ياسين

الوعد والقسمة كدا
أعشق عيون بالشكل دا
مجبور ألازم سكتك
ماقدرشي أعمل غير كدا

يا بنت ياللي بحبها
انا جرحي منك ما انتهي
يا حلم كان .. كان مشتهي
رسمته ع الريح والصدي

يا ساكنة قلبي المستكين
يا ام العيون الطيبين
ما تجدديش جرح السنين
فيا الجروح متجددة

آسف إذا تاهت خطاي
والحزن لو يسكن غناي
انا كنت باحلم بِكْ معاي
تابعة خطاي طول المدي

ومشيت وراكي ألف ميل
وأخدني ليل من بعد ليل
وعملت كل المستحيل
وبرضو مش طايل الرضا

والوعد والقسمة كدا

ياسين

ياحبيبى
ياشاعر ياكبير
يا حسّاس
وعارف قد ايه وحشنى
بعدالعمل الرائع ده
اقعد معاك فى حق عرب
وانا مختار للتحكيم بيننا
والدنا الدكتور /انس

حظى معاك يابو ياسين

الوعد والقسمة كدا
أعشق عيون بالشكل دا
مجبور ألازم سكتك
ماقدرشي أعمل غير كدا

كفايا اشرب ابداعك العظيم
واقرأ كلامك الجميل

[علاء طه ياسين]

الأستاذ / عمر زهران
طبعا العيب مش عيب الزجل ..
العيب هو عيبي أنا ..
غصب عني ..
بأكتب علي أد مستواي ..
أنا أتأسف لك بشده .. إذا كان اللي كتبته مش عجبك ..
واعذرني ..
وليك مني الوردة دي

ياسين

[علاء طه ياسين]

الأب الحنون
الوالد الفاضل
أستاذنا جميعا
الدكتور / أنس
الله يكرمك ويخليك لينا ..
والله الغياب مش بيدي ..
ظروف خارجة عن الإرادة ..
وعودتي اكتملت بردك الجميل ..
والعتاب الرقيق بتاع أخويا وحبيبي سعد الشرقاوي ..
وأرجوك يا بابا أنس تتوسطلي عنده
يسامحني .. لأني غيابي عن المنتدي كان غصب والله ..
وإن شاء الله يرجع للمنتدي بهجته وحلاوته ..
والبركة في وجودك معانا ..
ياسين

[علاء طه ياسين]

صاحب الحق
أخويا
سعد الشرقاوي

والله مريت بظروف صعبة يعلم الله بيها ..
وأنا من غير حق العرب والقعدة .. انا محقوق ليك ..
واللي تطلبه مستعد أنفذه علي رقبتي ..
بس انت تكون راضي ..

أخوك
ياسين

[سعدالشرقاوى]

المشاركة الأصلية كتبت بواسطة علاء طه ياسين

صاحب الحق
أخويا
سعد الشرقاوي

والله مريت بظروف صعبة يعلم الله بيها ..
وأنا من غير حق العرب والقعدة .. انا محقوق ليك ..
واللي تطلبه مستعد أنفذه علي رقبتي ..
بس انت تكون راضي ..

أخوك
ياسين

عذرك مقبول يا اعز الحبايب
وكل سنه وانت طيب
وفى انتظار تليفونك
عشان ماحدش يسمعنا

[رائد عبد السلام]

صديقي الشاعر الكبير الجميل

علاء


كان الأول عندك موهبة صادقة
ودلوقتي أضفت ليها الاحتراف
فخرج العمل هكذا :
رائعاً ... براقاً

ماشاء الله عليك

[علاء طه ياسين]

أستاذي
الشاعر الرائع الممتع
رائد عبد السلام

أنا سعيد جدا بإنك بتقولي صديقي علاء
وده شرف كبير جدا بالنسبة لي
أتمني علي الله إني أكون أد الصداقة دي
ويا عم رائد
إنت اللي بتصطاد في شعرك من العتمة فجر
وبتغزل من الهمسات أنغام عذبة
وبتعمل لنا من حرارة الشمس غيمة بأشعارك الحلوة
ويا عم رائد
كلمتك متقسمة
اتدللت متبسمة
هدية جاتني من السما
شكرا
علاء ياسين