الحزن مقبرة السنين
===*=*===
إوعاك تقف عند الأنين
و لا يوم يكتفك الحنين
خد من تجاربك عبرة و إجرى
الحزن مقبرة السنين
و اللى يخوض بحر الحياة
عمره ما يغرق فى الدموع
و اللى يدوق طعم النجاة
عمره ما يحلم بالرجوع
ما يطيقش تكبيل الإيدين
إوعاك تقف عند الأنين
***
إوعاك تسيب
حزنك يلِوِّن دنيتك
و لا ريح سَمومه يوم
تطفى شمعتك
إوعاك تخاف
ده الخوف وَهَنْ
إفتح لأملك طاقة
فى جدار محنتك
و بحرقتك
ولَّع شموع بكرة
اللى نور شمسه
أكيد من شمعتك
و امسح عنيك
فارق تلال الهم
دم بدم
فجَّر أزمتك
إنحرها يوم النحر
سَيِّل دمَّها كالنهر
جفف دمعتك
دى الدنيا ليك ...
من أجلها صارع
خللى الألم دافع
و لو الصعاب واجهتك
خللى الأمل وِجهِتك
عن سكتك دافع
و بلاش أنين
دا الحزن مقبرة السنين
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
الحزن مقبرة السنين
العرض الشجري