صورة فوتوغرافية ل يسرى عطيه من ديوان مقاطع على وتر ممزق

**yosry_at** · #1 16/07/2009, 17h39

صورة فوتوغرافية

القـلا بـلا جــاي

لابس توبه الجديد

باركوله غنوله

خلوا الشارع يقيد

قيدوا متين لمبة

على صاري وف عواميد

000000000000

القـلا بـلا جــاي

قوموا بلاش إمارة

قابلوه ف هيصة ولمة

ودوه شارع وحارة

خلوه يشوف الناس

ويوسع القطارة

ودوه بيوت واقعة

وروه جحور وخدانة

ف الجحر ست فران

الفار خانق في نفسه

ماسك وسطه الحزام

والقط ما بينام

واقف ماسك ف إيده

سنارة الأحلام

000000000000

القـلا بـلا جـــاي

وروله شلبية

منين تجيب قوتها

عيانة مبلية

مستشفى طاردها

وولادها ييجوا مية

وروه خلوه يشوف

شلبية في الشارع

رمز الميات ألوف

في ظلمك الواسع

0000000000000

القـلا بـلا جــاي

ف إديه ماسك سيجارة

دخانها خانقنا

ونارها كويانا

وان قلت دير بوزك

ألقى كلاب ياما

بتهب مسعورة

ع الظلم وخدانا

وتقول دا سيد سيدك

وف البلد ياما

يسرى عطيه سليمان

من ديوان مقاطع على وتر ممزق

**Tarek Elemary** · #2 18/07/2009, 13h42

تفتكر حد هايشوف؟
تفتكر حد هايسمع؟

**yosry_at** · #3 19/07/2009, 16h17

والهى يااستاذ طارق لابد من ضرب الجرس
وربك يهون علينا وعليك
على فكره انى قرات لك حجات كويسه بس كانت الظروف لا تسمح بالرد فكنت خارج البلاد وانشاء الله لابد ان اقطع من الوقت لاتواصل معكم بالقراءه والرد فاعزرنى
يسرى عطيه