و بتمر السنين
و إنتى اللي ساكنه الروح
وِ تِسحِرنى إبتسامتِك
مهما كان حالى
و يحلالى الكلام
فى أي شيئ عنِّك
و لو مِنِّك يادوب كلمة
تداوى جروح
سحرتينى
و أشوف منك
كلام بالعين
و حرف أخرس
على شِفَّة كواها حنين
و إيدِك لمَّا تِلمِسنى بتِحبِسنى
ما بين حاجتين
يا أطير بيكى
و أهرب من عيون الناس
يا أكتِم شوقى
و أتدَّارى من اللايمين
و يكفينى إن قلبك
حس بمشاعرى
و لو حتى باشوفِك
تِهرَبى و تِجرى
و أنا لو حتى طال صبرى
أنا معاكى لآخر آخر المشوار
أكيد بعد الليالى نهار
و لُقياكى أدان فَجرى
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
إنتِ اللي ساكنة الروح
العرض الشجري