مستر أوباما كان صريح
كان مُفَوَّه كان فصيح
رمز للأمة الفتيَّة
لإنتخاب حر بصحيح
معجبين؟ .... آه معجبين
من بدايـــــــــــــــة الحملة
ل ... حلف اليمـــــــــــين
حاجة تفرح ... حاجة تشرح
مجـــحفـــين لو منكــــــــرين
نبكى على حالــــنا نعم
ليه بقينا إحـــــنا الخَدَمْ؟
و السؤال بيجـيب سؤال
و الجواب ينـــــــــزف ألم
ليه نكون إحنا الضحية
الرعاة قبــــــل الرعية
عاشوا فيــلم أمريكانى
و النتـــــــــيجة هىَّ هيَّ
كان خطابه جوه جامــــعة
و الضيوف و الخلق سامعة
الحقيـــقة الـــواد حلـــيوة
مْ الـــفَـرح هاتْفِرْ دمـــعة
و إحنا يا ألفين مراحب
بالحليوة أغلى صاحب
الوداع يا حلم أمة
تحت رجلين المواكب
يا شعوبنا يا غلابة
سَقَّفوا لسِحر الديابة
الأسد صاد الضحية
فين يروح خروف فى غابة؟
كلمتين بالعربى قالهم
فكَّروه بالحب جالهم
و الحقوق التاريخية
مش لَحَسْهُم ...
لأ دا كَلْهُم
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
مستر أوباما
العرض العادي
