الشاعر الشعبي عادل الغزالي

[عادل الغزالي]

لا ما نهون زويله .....
أنعاديت في سباه كل العيله
حبيب خاطري

راضي عيبه غالي عليا وما نهون ســـــــريبه
حتى ان في سباه صارت غــيبه
جوا عيوني وفوق راسي انشيله

كيف انهونه حتى ان كل الناس صبّو دونه
اللي بالسواد مخضبات اعيونه
محال ما نرضي غرام بديله

صوبه جاير حبيب خاطري مولا الوجيه الناير
مايهمني اللي صار واللي صاير
انكان ما يجيني نا اللي نمشيله

[عادل الغزالي]

( العقل والدليل خذي امغير ويش ياعلم خليتلي)
عقلي وعيني والدليل خذيته
ويش ياعلم فيّا اللي خليته


طواني صوبك
ماعاد نتبع فيت كان دروبك
قتيل الغلا ان ما درتني محبوبك
خاف العشم يا بو عيون فليته

ويش الباقي
لا عقل يوزن خطوتي ويتاقي
والعين صافت شوقها يا واقي
والقلب عندك ما حذاي القيته

الغلا باماره
و بين العيون اسرار ما تداره
طاوع دليك ماهناك خســـاره
انعيشو دلال الصوب من باديته

[عادل الغزالي]

وين مغيب وين وينك مـالك عين

لا تنـشد لا ترايف وأنا حالي صايف

حاير بين وبين وين مغيب وين

ونشد كـل اصحابك عن حــالي فغيابك

والســاعه فـحسـابك فحســـــــــابي يومين

وين مغيب وين

لا تنشد لا تسـاول وريافي مطاول

والنقار يناول فالضن اللي شين

وين مغيب وين

[عادل الغزالي]

ماشـاء الله عليـك ماشـاء الله
ياريــدي يا سمــح الطلـــه
محتـار معـاك قوليلــــي
قلبــك غيــر كيف نوصــله
********
ياورده فايحــه بطيبـــك
يكفـــي باللــه تعذيـــبك
حـارن لنظــار في جيبـك
جفـــاله كيـــف لغـــزلا
********
بدعــه نلقانــك خيــره
كمّــل مــولاي تصويـــره
لعيـون أنعــاس وكبيـره
بحواجـــب كيــف لهلــلا
********
جـارن عالعقــل غياتـك
سحــر لي البـال نظراتـــك
عينـي مـن يوم راعتـك
وانتــي لها مسسبـبه العلــه

[عادل الغزالي]

شقانـي مارامش والــي
غيـر الغالــي
قلبي باقيلي مشغالـــي

مابــــاش أيـــروم
غيــر زولا عين اللي يحـوم
يارفاقه ماريـت النــــوم
أمعـــاه اليالـــي
سامر ودموعـــي شتوالـي

ملقيــش بديــــل
أفــدي العالي وبزول الويــل
ابقـي داير مشغــال طويــل
صيــف حالـــي
قلبــي من مطــراه أنكالـي

داير مشغال
ورا صوبــه ريم الجفـــال
اللي رجوعا ليــا موحـــال
لـــو يابالـــي
أيـروم غيــرا ويريح بالــي

[عادل الغزالي]

انسيت اللي همّا مطراك
وياما واجد ما عزّاك

كان الدوداش
امفرشلك بالهذب فراش
الدنيا راهي ما تسواش
امفيت تعقب صيت وراك

هما طاريك
يقبل ويبحر ويجيك
انسيت ايامه عيب عليك
علي مواساته يجداك

[عادل الغزالي]

(حكاوي غناوي) مقتطفات
ليش يا حبيبي غبت ( رباعي )

ذات مساء ذهبت إلي مزرعة الفـنان عـبد الجليل لأطمئن عليه فقد مرت فتره لم أراه فيها وكان مساءا صيفيا جميلا وعند وصولي إلي المزرعة وجدت الأستاذ برفقة فنان له محبته الخاصة من قبـل الجميع بالوسط الفـني الشعـبي بمدينة بنغازي ألا وهو الملحن الأستاذ احمد عبد الحفيظ . وكانا في جلسه فنيه رائعة يجريان فيها بروفة للحن جديد . وعند وصولي رحبا بي وقال الأستاذ عبد الجليل ( الحمد الله اللي جيت فيه عمل جديد من الحان احمد نبي أنسمعه لك وأعطيني رايك فيه) ثم ابتدأ الأستاذ احمد العزف وعزف لحنا جديدا جميلا ثم ابتدأ الفنان عبد الجليل أغنية (ليش يا حبيبي غبت ) وعند انتهائه من المطلع توقف وكنت قد انسجمت مع العمل فقلت له (سمعني الباقي) فقال لي الفنان احمد عبد الحفيظ ( هنا المشكلة اللي واقعين فيها فتشطيرة السارحات ميزان حر موش موزون مع اللحن ) فقلت له (من اللّي كتب هذا العمـل ) فقال لي الأستاذ احمـد ( المرغني ) فقلت له ( خلاص خلوه يغير تشطيرها المرغني شاعر متمكن .وبعدين أنخاف اتسببولي في إحراج مع المرغني على الأقل تستأذنو منه) وهنا قال الأستاذ عبد الجليل ( اسمع يا عادل المرغني بعيد عليه يسكن في آخر الدنيا وانتا الشاعر الوحيد اللي يعرف شن نبي وبعدين ها لعمل نبي انغنيه الاسبوع الجاي يا راجل علي اليمين تكملها والمرغني خليه شوري) فقلت له ( امتى تبيها ) فقال مبتسما ( بعد يومين) وفعلا بعد يومين اتممتها وأحضرت معها برول ( أنتا القديم وعارفني) وبرّف عليها وكانت أبيات السارحات مطابقة مع وزن المطلع . ولم أتمكن من حضور تلك الحفله التي تغني فيها الاستاذ بهذا العمل ولكني سمعت تسجيلها وكان العمل رائعا رغم الحاله الصحيه السيئه والتي كان يمر بها الفنان عبد الجليل ولكنه تمكن من أداء وصله غنائيه شعبيه رائعة الله عليك يا أستاذ عبد الجليل والله عليك يا أستاذ احمد وحـــقـا ( الصغير صغير... والكبير كبيـــــــــــر ).





ليش يا حبيبي غبت تعبتني وتعبت
لانك إلي عاتبتني ولانك عليّا لمت
************** ( المطلع للشاعر يونس المرغني)

ليش يا حبيب بعادك ريح وطيع فوادك
طول وطال بعادك لاجيت لا سلمت


لا لمت لا شاكيت و لوم وعتب دزيت
قيسك خلاص نسيت مدعي الغلا حرمت


حسبت الغلا ميهون مهما العذر ايكون
تاريه مو مصيون خادعتني وكذبت


الحان /احمد عبد الحفيظ عادل محمود1999 ف
غناء/ عبد الجليل عبد القادر

[عادل الغزالي]

صاف الحال نين كيف الخيال بقيت
وانتا ليش فيديك الدواء وما جيت

صاف الحـــال...................

والدمع السخـــي ماكـــــف
علي سيلين نين حتي العدو سخـف
وانتا ليش ماتدري ولاتعـــــرف
وأنا اللي معاك بقدار الغلا وفيـــت

صاف الحـــال .................

والطبـــاب في أوحــــــل
نبرا قال وين زولك علي إيطـــل
وانتا ليش ما تنشد ولا تســــأل
قلبك كيف يا غالي عليّ قسيـــت

عادل محمود1995 ف

[عادل الغزالي]

دليـــلي والخاطر والعين
ورا صوبك ضلن يازين

الخاطرمشتاق
لصوبك ياكاحل لرماق
امرايف دايرلي نقناق
منين انجيب الصبر منين

ضلن ياريد
غلاك كابر يسعر ويزيد
معاي كان الغيه متريد
خصيم القاضي حالا شين
عادل محمود/2004

[عادل الغزالي]

يا خاطـرى عارف سريـب احكايتـك
زازيـت بلّـى ما وفّـو بوفايتـــك
وياخاطـرى مقيــوله ......... كلمـة عربنا لـــولا
أختـار الرفيـــق ......... قبـل الطريــــق
راه الرفيـق امرايـتك
ياخاطـرى .. لاتنطوى الدنيا تجارب خـوذ واترك منها
رافق اللى طبعا وفي أصحاب المسارب دوم باعد عنها
اللى فالمصايـب يشمتو ويعزو فوجهك حبايــب فى قفـاك ايجزو
لاتهيـم لاتحتــار ....... مقـدر نصيب وصـــــار
معا اللى قدا لقــدار........ خطي جديـد ابدايـتــــك

ياخــاطـرى المنهـان ....... للعفن عمرك ما ادير الشان
قالو عربنا وكان يا ماكان ....... فى قديــم الزمــــان
كان للرفيـــق حسبان ........ والمــوت دون الصاحـب
حقـه ونـس وآمــان ....... وانجالك اتقـول مراحــب
فى عرفهــم ....... فى شرعهـم ... صادقات مشاعر
مـاريتهــم ...... سامع بهم ..... قالو رفقهـم واعـر
ويا خاطرى قالوها .......وصيـا لنا خلـوها
اختـار الرفيـق ....... قبـل الطريـق ... راه الرفيق امرايتك