موسيقى الشعر - دروس في علم العَروض

[محمود]

أول كلامي سلام ..

يا لولي العصفور أستاذ كبير لكن متتلمذ. يعني متواضع وقاعد وسط التلامذة. مشفتيش محاوراته ومناظراته الشعرية (من الشِعر وليست اللي بتتاكل) مع الخوجة بتاعنا في موضوع الرتوش الأخيرة. دا شاعر أراري.

أما بلغة الطلبة المشاغبين الوحشين المتسيسين فتقدري تعتبريه طابورخامس. بيكتب أسامي الطلبة اللي بيتكلموا في الحصة ويديها للأستاذ.

بالمناسبة بعد جلسة مفاوضات ومباحثات مطولة مساء أمس قررنا تغيير اللون المعتمد لكتابة النصوص نزولا على الرغبات السامية لأساتذتنا المهندس محمد علي والمايسترو محمد الآلاتي والمستجد غازي الضبع. لكن للأسف إيدي مش مطاوعاني على تغيير اللون الأخضر الأثير لديّ.

.. شفتوا الأثير لديَّ دي .. مش تقول لي متبرفن يا أستاذنا.. كان عيبها إيه يعني مُتـَكـَليـِن.

تحياتي

محمود

[عصفور طاير]

المشاركة الأصلية كتبت بواسطة لولى76

اقولك على سر ماحدش يسمعه انا عارفه ان كتابه كلمه بك بالاسلوب اللى كتبت بيه كان غلط
بس هقولك حاجه اوى ماجيت اجاوب قلت انها هتبقى بيكى لكن مع شويه تفكير بسيط لقيتنى غلط طبعا لكنى حبيت انى اكتب اللى فكرت فيه علشان ماتفتكرش انى شفت الاجابات السابقه لاخوانى واخواتى
ثم تعالى هنا وقولى اشمعنى يعنى سى عصفور الى سامحله بالتدخين وعدم حل الواجب وقاعد تطبطب عليه كده هو مش تلميذ زينا ولا ايه ؟

بصي يا لولي.. مهما عملتي برضه بيكي غلط.. وكونك تضربي فيَّ زنبه عند الأستاذ برضه مش هايلغوش على إن بيكي غلط.. وبعدين الأستاذ عارف إني باحل الواجب.. واقعدي ساكتة ماتجيبلناش الكلام..

[سمعجى]

الشاعر المُتجَلـِّي رائد
و الله يا راجل أضحكتني حتى الثـُّمالة

بقى كل الأطفال أهلهم بيضربوهم علشان ياكلوا ،، و إنتَ كانوا
بيضربوك علشان ما تاكـُلش

طاب كويس إنك لم تحضر لقاء الإسكندرية عند أخونا أبو مندور ،، كان زمانك خدت علقة من الأعضاء ، تفكـَّرَك بأيام الطفولة الشـَّرِهة

[عصفور طاير]

المشاركة الأصلية كتبت بواسطة محمود

أول كلامي سلام ..

يا لولي العصفور أستاذ كبير لكن متتلمذ. يعني متواضع وقاعد وسط التلامذة. مشفتيش محاوراته ومناظراته الشعرية (من الشِعر وليست اللي بتتاكل) مع الخوجة بتاعنا في موضوع الرتوش الأخيرة. دا شاعر أراري.

أما بلغة الطلبة المشاغبين الوحشين المتسيسين فتقدري تعتبريه طابورخامس. بيكتب أسامي الطلبة اللي بيتكلموا في الحصة ويديها للأستاذ.

بالمناسبة بعد جلسة مفاوضات ومباحثات مطولة مساء أمس قررنا تغيير اللون المعتمد لكتابة النصوص نزولا على الرغبات السامية لأساتذتنا المهندس محمد علي والمايسترو محمد الآلاتي والمستجد غازي الضبع. لكن للأسف إيدي مش مطاوعاني على تغيير اللون الأخضر الأثير لديّ.

.. شفتوا الأثير لديَّ دي .. مش تقول لي متبرفن يا أستاذنا.. كان عيبها إيه يعني مُتـَكـَليـِن.

تحياتي

محمود

يا دكتور محمود حضرتك دايما رافع معنوياتي ومعنويات كل الناس اللي في المنتدى.. يا سيدي والله لا أستاذ ولا يحزنون.. دا أنا تلميذ بلية في آخر دكة والمسامير مهربدة المريلة كمان.. (إيه رأي حضرتك في موضوع دكة ومهربدة دي.. أظن دا يؤكد إني خريج مدارس حكومة من اللي كانت بتنقع في الشتا).
لكن لولي هي السبب لو الأستاذ طردنا من الحصة..
يا لولي الفتنة نائمة

[سمعجى]

عَمي الكبير صلاح ..

أنا كل اللي يهمني ( رضاك عني )
دي عندي بالدنيا و ما فيها

عَنـَّك بس المقص دا شوية ،، علشان فيه ناس هنا هايتحلق لها زيرو

[سمعجى]

عالِمُنا الكبير الدكتور محمود

صَدَق حَدْسُكَ يا أستاذنا ،، فعصفور طاير هو صحفي ( مُخضرَم ) ،، و له تاريخٌ طويل في الكتابة لكافةِ الإصدارات العربية ،، و بلا مُبالغة ، فهو صاحب فِكر سياسي و قلم لاذع ،
و يعمل حالياً في جريدة ( المدينة ) السعودية ..

و إن شاء المَولىَ ، فسوف ( نختطفه ) أثناء إجازته السنوية
لنقضي معه إحدى ليالينا القاهرية

و بالمناسبة أيضاً ، فهو شاعرٌ على درجة ( مُحترف ) ،،
كما أنه أعَدَّ الكثير من البرامج و المنوعات التليفزيونية ، أذكر منها ثلاثين حلقة عن نجوم الكوميديا ، قدِّمت في شهر رمضان المُعَظم ، و لاقت صدىً طيباً لدى المشاهدين

أما عن ( الأثير لدىَّ ) ، فهي أجملُ من ( البرفنة ) و (الكـَليَنة ) ، بل و ( السَبْرَرَة ) إذا أخذنا ( الاسبراى )في الإعتبار

و الآن ،، كل طالب على فصلـُه ،، حان وقت الجد

[سمعجى]

ما زلنا مع حروف المد
( ا ، و ، ي )

لنفترض أن أحدهم ذهب لزيارة صديقه مسعود ، فوجدَ باب بيته مغلقاً ، و كعادة البعض السخيفة ، قرر أن يناديه بصوتٍ عالٍ ، حيث أن مسعود يقطن في الطابق الخامس ،، فكيف سيناديه ؟!


هل سيمد حرف ( الميم ) و ينادي قائلاً : ممممممسعود ، أم السين ، فينادي قائلا : مسسسسعود ،، بالتأكيد لن يفعلها ، و إلا فلن يسمعه مسعود ،، إنه سوف يلجأ إلى حرف المَد في كلمة ( مسعود ) ، فيناديه : مسعووووووووود ،،

و بالطبع سيلعنه الجيران و سكان الحىّ هُوَّ و مسعود و اللي جابوا مسعود في يوم واحد
ليس موضوعنا الآن ، هو الظلم الذي وقع على مسعود ، بل موضوعنا ، هو تلك ( الواو ) التي في إسم مسعود ، و التي أتاحت لصاحبنا ، أن يأخذ ( راحته ) و يمد في النداء ..


فحروف المَد يا سادة :
تخرجُ من الفم أو الحنجرة ( بامتدادٍ و لين ) لاتساع مخرَجها ، و اتساع المَخرج ، يتيح انتشارَ الصوت
( حتى اسألوا جيران مسعود )

و لنفترض أن المُنادىَ إسمه علي ، فيكون الإمتداد( عَلييييييييييي )
أو عماد ، فيكون ( عِماااااااااد )

لنفترض أن واحد ( فِرِيكيكو ) سأل قائلاً ،، طاب افرض يا فندي إن اللي ساكن في الدور الخامس إسمه سعد ، يعني ما فيش أى حرف من حروف المَد في إسمه ..

يشرفني أن أقول لك يا عم الفريكيكو ، إن المصريين ما بيغلـَبوش ،، اللي بيناديه ، هايخترع له حرف مَد ، فيناديه قائلاً ( يا ساااااااعد )

شوية الكلام اللي مكتوبين بالأخضر دُول ، مالناش دعوة بيهم ، فكلمة ( سعد ) ليس فيها حرف مَدّ

[منال]

كل هذا الجمال والإبداع من الاستاذ جمال
حقا هو إنسان رائع واديب مخضرم
ما شاء الله تبارك الله
نشكرك يااستاذ كمال على هذه المعلومات الجميله ,,عن اديبنا المتواضع جدا ,,الذي نسعد بمداخلاته الثريه القيمه وما فيها من خفه الروح الملكوتيه النيّره.
استاذ كمال نتظر الدرس اليوم ؟
اليوم اجازه؟
الدفتر والقلم في يدي وفي انتظار....
ونتظر النبع السمعجي أن يوافينا بكل قطرات العذوبه العروضيه
البديعه,,التي انعشت بقايا الروح واضافت إلى المنتدى جواً من دفقات العلم وجواً من اجواء المرح الجميله الظريفه.
دمتم لنا استاذه كبار ننهل من عطائكم ومخزونكم ونتاجكم أبد الدهر.
ولكم كل التحايا العطره المحمله بكل أنواع التقدير والإحترام

[منال]

استاذي العزيز:
العذر منك ,,لقد سألتك عن الدرس في حين كنت تكتبه لنا في نفس الوقت,, فلما رأيت طلتك البهيه في المنتدى ,,جئت بسرعه مهروله إلى الدرس,,بكل حماس وإنطلاق.
درس اليوم واضح جدا وكعادتك وكعادة شرحك الذي يتدفق إلى الاذهان بكل سلاسه وإنسياب كسيل نهر عذب رقراق.
وفقك الله ورعاك وأدام فضلك .
ولك ولكل زملائي وزميلاتي كل التقدير والإحترام.

[محمود]

المشاركة الأصلية كتبت بواسطة عصفور طاير

يا دكتور محمود حضرتك دايما رافع معنوياتي ومعنويات كل الناس اللي في المنتدى.. يا سيدي والله لا أستاذ ولا يحزنون.. دا أنا تلميذ بلية في آخر دكة والمسامير مهربدة المريلة كمان.. (إيه رأي حضرتك في موضوع دكة ومهربدة دي.. أظن دا يؤكد إني خريج مدارس حكومة من اللي كانت بتنقع في الشتا).

أول كلامي سلام ..

ماشي يا عم التلميذ البلية ابو مريلة مهربدة .. حنمشيها كدة قدام الناس.

إنما المشكلة حنقول لهم النثر اللي بيطير فوق السحاب في موجات التواصل الوجداني الرقراق مع سمعجي والشعر الراقي اللي بتكتبه ده والـــ ... لا مؤاخذة التنطيط والشقشقة بين البحور والقوافي دي جايبها منييييييييييين (شفت حرف المد؟)

يا ترى كام واحد من المثقفين اللي بجد اللي حاسين بالناس وبيعبروا عنهم كانوا خريجين المير دي ديو أو فيكتوريا كوليج ؟؟

يا عمنا الكتاتيب والمدارس اللي بتنقع هي اللي طلعت الطهطاوي وطه حسين والمازني والبارودي وحافظ وسمعجي وعصفور طاير!!

تحياتي

محمود