أعمال محمد عبد الوهاب بصوته في الأربعينات

مشغول بغيري
فيلم رصاصة في القلب
كلمات: أحمد رامي
بياتى
1944

مشــــغول بغيري وحبيته
يا ريتنــــي ما كنت رأيته
صورت جنه من الاحلام
وهبتـــها غصـــن ودادي
وســبت قلبي الشارد هام
فى جنــه الحب ينـــادي
يطلب اليفه يسعد بطــيفه
ويقضي عمـره راضي بهواه
وفضلت اتمنى اعشق واتهنى
اتارى طيــرى لايف بغـيري
وانت ياقلبـي حبـــك وحبـي
للي لقيـته بيحــــب غيــــري
مسكين ياقلبي حيران في حبي
لا انت هاتقدر يوم تســــلاه
وتداوي جرحــــك بالنسـيان
ولا هاترضى تبـــوح بهواه
بعد اللي نابك م الحـــرمان
مسكين ياقلبي مظلوم في حبي
للي باحبــــه ويحب غــيري

ردي عليا
فيلم ممنوع الحب - أدخل فيها الصاجات
كلمات: مأمون الشناوي
سيكاه
1942

ردي عليا كلميــــــني
شوفي عينيه صدقيني
ردي عليا
انسـي زمان الاســـيه
واتبسمي للحيـــــــاه
ده انا قلبى يانورعنييه
بلغ في حبــــه منـــاه
ردي عليا
فين ابتسـامه شـفايفيك
اللي بتحيـــــــي امالي
ياهل تري انا شــايفك
بعيــــني ولا بخيـــالي
ردي عليا
صبحت حياتنا ســــوا
واتحققت كل الاحلام
مدام جمعنا الهـــوي
ازاي تفــــرقنا الايام
ردي عليا

تحمل هذه الأغنيه مقامات مختلفه ومتشابكه في غناء حر مرسل ، دون التقيد بالإيقاع .

يالي فوت المال والجاه
مع رجاء عبده في فيلم " ممنوع الحب "
كلمات: حسين السيد
بياتى
1942

ياللى فوت المال والجاه
فى سبيل قلبك وهناه
دا الحبيب اللى بتهواه
كل شيء فى الدنيا فداه
فكرية فين انتى تعالى
انا أهوه ياروح قلبى يا غالى
روحى وحياتى ونور عينى
وحياة عينايا وحشتينى
قوللى بقى اتأخرت ليه؟
ابدا ياروحى مافيش تأخير
لأ قوللى
بس اقولك ايه دقيقة واحدة دى تنقى كتير؟
بلاش مغالطه تعالى بص
دى موش دقيقة دى دقبقة ونص
ورينى عندك اكل ايه
عندى حاجات راح تعجبك..خد دوق كده
ايه كل ده؟
صنعة ايديا وحياة عينايا
تسلم ايديكى وعنيكى
وتعيشى ليا وافديكى
أن الأوان والهوى جمع ليالينا
يارب ديم الهنا واسعد ليالينا
اهالينا جاروا وظلمونا
فاكرين الظلم حايبعدنا
حكموا علينا وحرمونا
فاكرين المال راح يسعدنا
كل السعاده والنعيم ف القرب منك
من يوم ماشفتك عمرى يوم ماغبت منك
حتى فى ايام الجفا كنت باحبك
وافضل احبك طول الحياه

يا مسافر وحدك
فيلم ممنوع الحب - استخدم فيها الصاجات الخشبية
كلمات: حسين السيد
نهاوند
1942

يا مســافر وحدك وفايتني ـ ليه تبــعد عني وتشـغلني
ودعني من غير ما تســــلم ـ وكفاية قلبي أنا مســـلم
دي عينيا موعها بتـــــتكلم ـ يا مسافر وحدك وفايتني
على نار الشــــوق أنا حاستني ـ واصبر قلبي واتمنى
على بال ما تجيني واتهنى ـ طمعني بقربك واوعدني
خايف الغـــربة تحــلى الك ـ والبعـــد يغيـر أحوالك
خليـــــني دايما على بالك ـ يا مسافر وحدك وفايتني
مهما بعـــدك حايطول ـ انا قلبي عمـــــره ما يتحول
يا مســـافر وحدك وفايتني ـ ليه تبعد عني وتشــغلني
حافتكرك اكثر مِ الاول ـ بس انت اياك تبقى فاكرني

[aliyamout]

ملفات تنقص المنتدى ممّا غنّى عبد الوهاب بصوته الاربعينات

اضحكي وغني
مع نور الهدى من فيلم لست ملاك
حسين السيد
1946

اضحكى وغنى وافرحى معايا
فرحة الدنيا ونتى ويايا
الدنيا ضحكت ليا
قوللى فرحنى احكيلى
بس اوعى تخبى عليا
لاحسن دا قلبى دليلى
اخبار جميله حاقولهالك
مستى ليه
حاجة ماتخطرشى على بالك
طب حزرى ايه
لأ قوللى انت وحياة عينيك
شغلت فكرى حرام عليك
شاركتك فى العذاب لما
طال السهر فى عذاب جنبك
وليه دلوقتى مش راضى
تشاركنى فى هنا قلبك
ومين غيرك يشاركنى
فى احزانى وافراحى
تنام الدنيا وخيالك
فى دنيتى صاحى
انت عارف كل ده؟
هوه هوه واكتر من كده
طب قوللى على سر جواك
خلينى افرح وياك
اخترت القلب اللى حياتى
حاتعيش فى نوره وف ضله
واخترت شريكى اللى آهاتى
كانت تمللى بتتقال له
وحياتى قول مين هيه
يسريه
مين؟!
يسريه
مبروك
عقبال مابكره حاقولهالك
اضحكى وافرحى
واغنى واتهنى
اضحك لمين واغنى
لمين وافرح لمين
وانا قلبى حزين
اضحك على ظلم الأيام
ولا على وداع الأحلام
ولا حاغنى مع الأوهام
ماتقولى حاغنى لمين
واضحك لمين
وانا قلبى حزين
كان ليا قلب باغني معاه
كان يكفى وانا اغنى له وكان
دلوقتى راح يكتم شكواه
قولوى بس اضحك لمين
واغنى لمين واناقلبى حزين

تحياتي

[عصام الغنيمى]

أنشودة الفن

شعر
صالح جودت
ألحان وغناء
محمد عبدالوهاب
(تسجيل فائق الجودة)

ت

[عصام الغنيمى]

"لأنشودة الفن ثلاثة تسجيلات أشهرها التسجيل الإسطوانى الذى طبعته شركة كايرفون ،وهو موجود ومتكرر في المنتدى

http://www.sama3y.net/forum/showthre...?t=1335&page=6

والتسجيل الثانى نادر جدا وهو مطابق لتسجيل كايرفون ، ولكنه يتميز عليه بقوة الإيقاعات وكثافة الآلات ،وقد رفعته الى منتدانا منذ أيام
http://www.sama3y.net/forum/showthre...?t=1335&page=9
أما الثالث فهو التسجيل الإذاعى المطول وقد أنزلته شركة " صوت الفن " في الذكرى الثانية لوفاة الأستاذ على كاسيت مع قصيدة " لئن طال عمري "وهو تسجيل مشوه ، صالت فيه يد العبث وجالت ، فحذفت منه أجزاء ،وكررت فيه أجزاء أخرى ،وهو نفسه الموجود على سماعي في قسم أعمال الأستاذ في الأربعينات ، ولا يختلف عنه لا بأصوات ضبط الآلات في البداية ،وهذا الجزء محذوف من تسجيل صوت الفن .
http://www.sama3y.net/forum/showthre...?t=1335&page=4
يقول الأستاذ" صلاح عبد الحافظ " في كتابه "محمد عبد الوهاب" قضايا فنية )عن أغنية الفن "عثرنا على الأصل الإذاعى الكامل وكنا نتمنى أن يأتى الوقت الذى يتاح فيه لتلك الأغنية التاريخية أن ترى النور سواء في الإذاعة أو على شرائط تطرح على الجماهير ، وأخيرا وجدنا صوت الفن يطبعها على شريط كاسيت ، مع قصيدة لئن طال عمري بمصاحبة العود ، ولكن ما أن سمعناها حتى خاب ظننا ، لأننا لن نجد في الفن المطبوعة ما ألفنا سماعه وعرفناه من " الفن " الأصلية للآتى :
سارت الأغنية على ما يرام من مقدمتها الموسيقية وإن كان المسجل قد ترك ما يسبق ذلك من موسيقى تجريب بعض الآلات وضربات البدء ، فالشريط الأصلي فيه هذا كله ، ولم يكن هناك تغيير أو عبث بالمبدأ أو المذهب أو الفقرة الأولى وإعادتها ، وانتقل العزف الى المقدمة الموسيقية للفقرة التالية :
الفن من يوصفه إلا اللي عاش في حماه
وأذيعت المقدمة كاملة وكذا الأداء الأول ، ولكن في الإعادة حذف المسجل الإعادة الأصلية بمقدمتها الأصلية وأعاد الأداء الأول للموسيقى والغناء كما هما ثانية ، والمستمع المدقق الحافظ لأغانى عبد الوهاب يلاحظ ذلك ، فعبدالوهاب لايكرر الأداء والعزف أبدا بل لابد وأن يغير شيئا ، من ذلك عبارة " والفن مين أنصفه "حيث يمد في حرف الصاد خلافا لأدائه في المرة الأولى ، كما أضاع المسجل بهذا العبث والإفساد عزفا على العود مصاحبا للمقدمة الموسيقية لهذه الفقرة المعادة ، ولسنا ندري السبب في هذا التشويه ؟ ولاعذر إطلاقا لهذا التصرف الذى يعد أيضا نوعا من استغفال المستمع ، وإذا كان هناك عيوبا فنية في الإعادة ربما تظهر في التسجيل ، فالأجدر أن تعالج وهو أمر ننفيه تماما لأن الأصلين أو التسجيلين الأصليين لهذه الأغنية الموجودين بالإذاعة يخلوان من أي عيب في هذا الجزء خاصة ، وما حدث في هذه الفقرة الوسطى من الأغنية حدث في الفقرة الأخيرة التي تبدا :
الفن جنة بتسحرنا بألوانها نعيش على ظهرها ونغنى ألحانها
ففي الإعادة كرر المسجل الأداء الصوتى بموسيقاه مع قطع جزء من الموسيقيى في الإعادة وحذف الإعادة الأصلية ، وهذا يبدو من دخول عبدالوهاب بقوله "إحنا تاج البلاد مبكرا قيل الوقت المحدد له والموسيقى مازالت تعزف بقية إيقاع البيت المذكور، وتكرر هذا في المرتين وهذا لايمكن واقعيا أن يحدث ، مما يدل على أن تسجيل هذا الأداء معاد كما ذكرنا
هذا ما ذكره الاستاذ صلاح عبد الحافظ عن " أنشودة الفن " وكلامه كله صحيح ويبقى السؤال أين التسجيل الإذاعي الأصلي كاملا، خاليا من العبث والقص والإعادة ، و نتمنى ممن لديه هذا التسجيل ان يسدى الينا خدمة عظيمة برفعه الى المنتدى

[عصام الغنيمى]

ذكرت في مشاركتى أعلاه أن شركة " صوت الفن " أنزلت " أنشودة الفن " على كاسيت مع قصيدة " لئن طال عمري "في الذكرى الثانية لوفاة الأستاذ ،وهذا خطأ والصحيح أن هذا الشريط أنتج عام 92 في الذكرى الأولى لرحيل الأستاذ .

[د.حسن]

المشاركة الأصلية كتبت بواسطة عصام الغنيمى

ويبقى السؤال أين التسجيل الإذاعي الأصلي كاملا، خاليا من العبث والقص والإعادة ، و نتمنى ممن لديه هذا التسجيل ان يسدى الينا خدمة عظيمة برفعه الى المنتدى

إجابة السؤال أخى الغالى أ. عصام الغنيمى
تفضل التسجيل الإذاعى الأصلى كاملاً
تقديم أخى الغالى أ. إبراهيم حفنى
مختلفاً عما رفعه أ.د.لطفى هنا
مع تحياتى

[tarab]

فعلآ هذا هو التسجيل الاصل .. في عام ٢٠٠٨ كان قد ارسل لي اخ وهابي هذا التسجيل هنا .