أعمال من تنفيذ الفنان محمد الآلاتي

[رائد عبد السلام]

المشاركة الأصلية كتبت بواسطة الألآتى

رائعة السنباطى وأم كلثوم

طوف وشوف

إلهي ما يحرمني منك
يا فنان يا ....معجزة
أ/ محمد الآلاتي
ياسلاااااام
كله كوم ودي كوم ..
وعلي فكرة
د: محمود رزق ح يطير من الفرحة
علشان هو كمان بيحبها جداً

أنت قريت طلبي ورجائي إنك تعمل
الغنوة دي ...واللا صدفة ؟
أنا بس عايز اللي يسمعها
يسمع تعبير الصوت عن الجدية في :
شوف هنا جنب
المصانع والمداخن والزحام

وبعدين الروقان والهدوء في :
الغيطان اللي آخرها المادنة
وابراج الحمام ...
وكذلك بقية الأغنية
وطريقتك في (استطعام الكلام )
واللا : اللي بيهم سدّنا يعلا
وباذن الله يزيد
تسحب المية وتخلق م العدم
عالم جديد
والـّلا : يوصلوا الدنيا بجمالنا من هنا
...من بورسعيد

يابووووووووووووووي

أقول لك إيه بس:
روح يا شيخ ربنا مايحرمك مني

علي كل حال
مليون شكر ياعمنا

[mohamedafify]

جامد يالالاتى يا كبير اللة ينورعلى الاحساس والتنفيذ العالى بارك اللة فيك مبدع يجد
تحياتى من كل قلبى محمد عفيفى

[محمودسعد]

دائما لما بتكون ساكت كده شوبه يبقي معناه ان فيه انفجار قادم

ده انا عارفه كويس قوي ؟
انما ولاانا ولا غيري نتوقع ابدا الالاتي هايغني ايه ولو قعدنا وعملنا ندوه عشان نوصل الالاتي هايغني ايه ؟ كلنا هانطلع اوت وانت ؟ اه منك انت ؟ اه من طلعتك انت اه ؟ بتطلع بحاجات الفنانين نفسهم مابتخطرش علي بالهم ؟ ونوادر فوق الوصف الله اكبر عليك يااخي روح الهي يكرمك وينورلك بصيرتك ويديك الصحه والعافيه وتمتعنا وتفيدنا وتذهلنا بالشكل المعتاد ده

بقي لي سؤال صعب علي نفسي اقوله ؟ بس هقوله
ليه كل الفنون وكل المهن الشاطر فيها بياخد حقه ماعدا المزيكه ؟
ليه في بلدنا بالذات الحلو مش واخد حقه ؟
ليه الوحش في الامام والجميل خلفه
استغفر الله العظيم
والله ياعم انت ربنا هايعوض عليك عوض الصابرين يافنان ياللي مفيش اتنين منك وكفايه انك بتعمل حاجات كبيره بامكانيات صغيره
ربنا يكرمك ومن حبه ربه حبب فيه خلقه
وانت حبيب كل من شاف حتي صورتك او سمع سيرتك او عرفك عن قرب
احسنت دوما ياعمي واحسنت دي شويه
وخلي بالك فيه طلب غالي لحبيبك رائد

ودع هواك ؟؟؟؟؟؟؟

[رائد عبد السلام]

المشاركة الأصلية كتبت بواسطة محمودسعد

احسنت دوما ياعمي واحسنت دي شويه
وخلي بالك فيه طلب غالي لحبيبك رائد

ودع هواك ؟؟؟؟؟؟؟

الله ينور عليك يا
أبو دينا

بصراحة انا كنت مكسوف منه
بس نستني لمّا الراجل ياخد نفسه

هو إحنا إيه ...لاقيينه !!

[محمودسعد]

[QUOTE=رائد عبد السلام;332643]

الله ينور عليك يا
أبو دينا

بصراحة انا كنت مكسوف منه
بس نستني لمّا الراجل ياخد نفسه

هو إحنا إيه ...لاقيينه !!

صح

هو احنا لاقيينه
والله بيتعب وبيعمل مجهود خارق وده مش مجرد موزع موسيقي
ده عبقري فعلا وبعدين هو بيستني في اي وقت اقولله عاوز اغني الاقيه فاتح باب بيت الامه امه سماعي

فما بالك بطلب لرائد وانا عارف وانت عارف انت ايه عند الالاتي

[mostafa 312]

شكرا علي هذه الرائعة

[عادل صموئيل]

الله الله عليك يامايسترو
انا بحب اللحن ده جدا واول مرة حد يغنيه ويقنعنى بعد الست
ومشكلتى الدائمة مع هذا اللحن ان كل سنة فى حفلات وزارة التربية والتعليم بيجيبوا لى عيال تغنيه من ثانوى بس المشكلة ان اللحن ده عايز حد يكون مطرب مش تلميذ فى ثانوى وبالذات من التلاميذ اللى مش بيسمعوا ام كلثوم يعنى بيسمعوا تامر دياب وعمرو حسنى ومصطفى فؤاد ومحمد قمر فؤاد ومحمد قمروعلى ابوسريع حتقول لى مين على ابو سريع حقول لك مصر فيها 80 مليون مواطن وصارفيها 40 مليون واحد بيغنى اكيد فيهم واحد اسمه على ابوسريع , يعنى لحن عايز احساس اولا بكل معانى الكلمات وثانيا بكل حرف فى اللحن ,
المهم مش حطول عليك اشكرك لأنك اطربتنى

[عادل صموئيل]

[QUOTE=عادل صموئيل;332986]الله الله عليك يامايسترو
انا بحب اللحن ده جدا واول مرة حد يغنيه ويقنعنى بعد الست
ومشكلتى الدائمة مع هذا اللحن ان كل سنة فى حفلات وزارة التربية والتعليم بيجيبوا لى عيال تغنيه من ثانوى بس المشكلة ان اللحن ده عايز حد يكون مطرب مش تلميذ فى ثانوى وبالذات من التلاميذ اللى مش بيسمعوا ام كلثوم يعنى بيسمعوا تامر دياب وعمرو حسنى ومصطفى فؤاد ومحمد قمروعلى ابوسريع حتقول لى مين على ابو سريع حقول لك مصر فيها 80 مليون مواطن وصارفيها 40 مليون واحد بيغنى اكيد فيهم واحد اسمه على ابوسريع , يعنى لحن عايز احساس اولا بكل معانى الكلمات وثانيا بكل حرف فى اللحن
المهم مش حطول عليك اشكرك لأنك اطربتنى

[MUNIR MUNIRG]

رائعة السنباطى وأم كلثوم والآلاتي
إسمع..... وإتسلطن...... وشوف
عظمه...... على....... عظمه

[محمودسعد]

ردي من اجل ان يشاهد الاعضاء الجدد اعمال الاستاذ لعلهم يستفيدوا منها كمثل مانستفيد نحن