سهرة سماعية فى بيت الجمالية - الصفحة 5

**محمودسعد** · #41 23/08/2009, 01h20

[QUOTE=سعدالشرقاوى;350601]

(سهره سماعية فى بيت الجمالية)

فعلا زىّ ماكنت أتصوّر
إنّ الصحبه دى شئ مش عادى
وإن إله العرش جمعنا
فى أصفى قلوب على أرض بلادى
,,,

ضلّ التوته علينا بيكسى
فى ساعة حرّ وفى الضّهريّه
والتليفون عمّال بينادى
يقول عايزينك فى الجماليّه
,,,

قبل ما افكّر روحت موافق
للدكتور وانا كلىّ سرور
وقلت له عندى طلب لو تسمح
عايز نمرة أبو مندور
,,,

وكان فى الصحبه الدكتور ثروت
بس مجاش والمانع خير
وأبو مندور ع الدولى لمحنى
لقيته محوّم شبه الطير
,,,

نفس الصّوره اللى ف أحلامى
راجل شهم وإبن أصول
باسأل قلبى شاورلى عليه
خدته ف حضنى ياناس على طول
,,,

وأنا طوّالى معاه باتكلـّم
مين حانشوفه ومين مش جاى
وف بلطيم ريّحنا شويّه
ودرش معانا بنشرب شاى
,,,

وف دمياط وصفولنا السّكه
وخدنا طريقنا على الجماليّه
لمّا وصلت وشوفت أبويا
كأنىّ مسكت السّما بإيديّا
,,,

كان بينادى لأمّنا ناهد
قلبى رآها اطمّن دغرى
حسّيت إنىّ ساعتها ف بيتنا
ومتربّى معاهم من صغرى
,,,

ناس بالعربى تحسّ معاهم
إنّ الدّنيا بحالها أمان
وانا فرحان وسعيد بلقاهم
لمّا وصل دكتور سليمان
,,,

مش ها تكلم على أخلاقه
ولا عن علمه اللىّ يخليك
قاعد تسمع منـّه محاضره
وخايف كلمه تعدّى عليك
,,,

بيتكلم ويّا الدكتور
ويقولوا حكايات م السّنه
وكأنى ويّا ابو مندور
بنعيشوا لحظات فى الجنه
,,,

سعادتنا ماتعرفش حدود
والصوره الحلوه ف عنينا
ولقينا الدكتور محمود
بسماحته بيطلّ علينا
,,,

والمنامات بدأت تتفسّر
والأحلام بتوفىّ الوعد
هلّ مشاعلى وعمّى آلاتى
وجه ورا منهم محمود سعد
,,,

كانت الدنيا احلوّت خالص
وشفت الناس الغاليه عليّه
وبانسى همومى واريّح بالى
واسمع منهم كام أغنيّه
,,,

جه الالاتى بصوته العالى
نقلنا القعده وخدنا براحنا
لمّا ينادى يقول عايز آكل
أقول له كفايه أحسن تفضحنا
,,,

عمّتى ناهد جت م المطبخ
قالت جاهز كلـّه تمام
قول سهّاته بكام مشروب
على مايجينا صلاح علام
,,,

والالاتى قعد جار منّى
وعايزه يشد معايا هدومى
نفسه انسدّت مارضيش ياكل
خلـّص كومه وشيّع كومى
,,,

كنّا بناكل وبنتكلم
ولمّا يعوز يشاوشنى ف ودنى
كنت باحرّص وانا باسمع له
خوفى يسهّى الناس وياكلنى
,,,

شربنا الشاى فى جنينة الأنس
وعمو كمال كان لسّه مجاشى
وطبعا لو هايغيب شهرين
وكله يروّح أنا مش ماشى
,,,

وّزة بركات على طبق اليوم
قسّم يا ألاتى وشبّعنا
وبدأ أبو دينا يحنّ علينا
ومن نغماته يسمّعنا
,,,

وابن سيادة الريّس علوه
وصحابه راكبين عجلات
وابو حسام كان عايز لفـّه
وسمحوله بتلات لفّات
,,,

زاد عن حدّه وخلف وعده
والعمليّه مشت ويّاه
وبقى يكسّر فى المتكسّر
هوّ بيجرى وهمّا وراه
,,,

واحنا ساعتها بنشرب قهوه
والليل خش يمين وشمال
وعمو كمال يوصل على سهوه
وعصفور طاير أبو جمال
,,,

وأبو حسام يشرح فى الناى
وعقله السبعه لعمى كمال
وانا كنت اعرف إنها سبعه
وكل عقله ولها حلاّل
,,,

وأخر السهره عمتى ناهد
طلبت منى أقول لو بيت
,,

قلت انا صاحى ياناس من بدرى
وخدت لى لفّه يادوب ع الغيط
,,

حسّيت انىّ بعافيه شويّه
والمفروض مافارقش البيت
,,

خفت ساعتها لتزعلوا منىّ
دوست ف كلّ الصعب وجيت
,,

ولمّا لقيتكم ربىّ شفانى
وحسّيت إنىّ خلاص خفـّيت

ياخساره ؟
هوالشعر خلص بسرعه كده ليه ؟؟
دانا عمال اقراه ومش عاوزه يخلص ؟
والنبي ياعمي ؟
كنت طولت شويه كمان ؟
ولا لسه فيه ملحق لما سبق ؟
والنبي ياشيخ كمل بقيه الحدوته وتحت التوته لسه فيه كلام ماقلتوش
ياخرابي ياعرابي ؟
انت كلامك والله مايتشبع منه وكان نفسي اكون سليم ومش مرهق كنت خدت الالاتي والمشاعلي وروحنا معاك
كمل ياحاج والنبي وحياه عمتي وعمتك وابويا وابوك د انس
كمل بقي
انا لسه صايم ؟
فطرني علي كلامك والنبي ياشيخ

**محمودسعد** · #42 23/08/2009, 01h28

[QUOTE=الألآتى;350632]

ياساتر ياعم سعد .. ده إنت قطعتنى ياراجل .. أنا برضه شيعت كومك يامفترى ..

بس زى العسل .. وصف جميل .. وكل شيخ وله طريقة ..

يابختك بحب الشرقاوي ياالاتي
ربنا يحببكم ويحببنا جميعا في بعض ومايغيب عننا حد ومتجمعين دايما في الافراح والمحاشي الملاح ؟

بس زى العسل .. وصف جميل .. وكل شيخ وله طريقة ..

بس بيني وبينك سعد شيخ المشايخ اللي وصفوا اللقاء بكل مافيه حتي العجل بتاع الاولاد وعلي واصحابه
وماسابش حد

فاكر دي ؟

**فؤاد** · #43 23/08/2009, 09h34

اقتباس:

المشاركة الأصلية كتبت بواسطة سعدالشرقاوى

(سهره سماعية فى بيت الجمالية)

ضلّ التوته علينا بيكسى
فى ساعة حرّ وفى الضّهريّه
والتليفون عمّال بينادى
يقول عايزينك فى الجماليّه
,,,

قبل ما افكّر روحت موافق
للدكتور وانا كلىّ سرور
وقلت له عندى طلب لو تسمح
عايز نمرة أبو مندور
,,,

وأنا لو مكان الدكتور أنس والسيد أبو مندور
والله
مانا سايبك ( يعني رخيك بالمصري )
موش راح أعدل علي مناداة التليفون
ولا .... علي الجماليه كلها

**NAHID 76** · #44 24/08/2009, 01h05

بسم الله الرحمن الرحيم
كم أنت جميل أخى محمود سعد
كم أنت حساس
أشاركك هذا الشعور
تحياتى