ممثلين وممثلات غنوا مع المطربين

[فؤاد]

المشاركة الأصلية كتبت بواسطة رايا

ايه يا استاذ فؤاد الافكار الجميلة

المبتكرة دى
جبت الفكرة دى ازاى
انت عارف مين كمان غنى مع عبد الحليم
عادل امام فى المسلسل الاذاعى

ارجوك لاتفهمنى بسرعة

أنا جبت الفكره من دماغي
كنت قاعد أفكر قلت هأعمل كده

وعارف مين غني معاهم
الشقراء الجميله
نجلاء فتحي
وعلي فكره
كان عبد الحليم حافظ
معجب جداً بصوت الفنانه
نجلاء فتحي
وكان يقول لها
صوتك في حاجه يانوجا
غني

[فؤاد]

المشاركة الأصلية كتبت بواسطة mokhtar haider

تحب أقول لك يا فايزاوي ؟ تعالى.... أنا أحب فايزة و تابعتها منذ سنة 1958 و انت سيادتك بصراحة من مواليد أي سنة ؟
مع تحياتي

مشكور أستاذ مختار
وأنا عارف أن حضرتك متابع فايزه ومنزل أحسن أغاني
بس أقولك حاجه
كويس أنك غيرت الصوره بتاعتك بتعت السنه اللي فاتت
أصل كل مبص للصوره مقدرش أتكلم وأخاف مش عارف ليه ؟ في (رهبه) بجد والله
بس الصوره هادي مافيها رهبه
علي فكره أنا من مواليد 23/12 /...........

[فؤاد]

المشاركة الأصلية كتبت بواسطة جابر الحسيني

هما سموه غواص النغم ليه ؟؟!!

خذ الدليل عندك فوق

تحية كبيرة ولاّ أقولك سلام معظم يا منعم باشا

أنا كنت فاكر الممثلين والممثلا ت ماقبل 1963 كان كده كان جبت حاجات كتيره
ع العموم مشكور ياغواص النغم علي المشاركه الجميله بتاعتك

[الألآتى]

المشاركة الأصلية كتبت بواسطة غواص النغم

بالنسبة للفنان رشدي اباظة
غنى مع حسن يوسف ويوسف فخر الدين من الحان حلمي امين
في فيلم من افلام المخرج حسام الدين مصطفى الاكشن زمان ممكن الشجعان الثلاثة ..حاجة فيها

معلومات غزيرة يامنعم .. ومجهود واضح فى البحث والتحرى ..

بالنسبة لهذا الفيلم ..

إسمه ( الشياطين الثلاثة ) بطولة .. رشدى أباظة وأحمد رمزى وحسن يوسف ومعهم برلنتى عبد الحميد وعبد العليم خطاب ..

وفى هذا الفيلم .. إكتسب الممثل ( نصر سيف ) لقب شهرته ( سُمعة ) لأول مرة ..

وقد غنى الثلاثى فى هذا الفيلم أغنية ( خليك سعيد ) .. وغنى معهم رشدى أباظة ( جينا عشانك ياعزب .. وكلنا تحت الطلب ) .. ألخ

وبالفعل كان صوتهم خشبى .. لأنهم أبعد مايكونوا عن الطرب والغناء ..

[غواص النغم]

المشاركة الأصلية كتبت بواسطة فؤاد عبد الحميد

أنا كنت فاكر الممثلين والممثلا ت ماقبل 1963 كان كده كان جبت حاجات كتيره
ع العموم مشكور ياغواص النغم علي المشاركه الجميله بتاعتك

اشكركم جميعا دكتور حسن ((حضرتك اللي موسوعة وبحر من العلم ربنا يخيلك))واخي العزيز جابر ((الف شكر لك يا بو دم خفيف)) وحبيبي ابو مندور ((هههههههه ماكنش قصدي اعمل كرسي في الكلوب)) على هذه التحية لي عن مشاركتي السابقة
لكن بصراحة اعترف اني غلطت في كتابة مشاركتي
ليه؟
لأن عنوان الموضوع هو
ممثلين غنوا مع مطربين
يعني اللي عملوا دويتو مع مطربين
مثل راقية ابراهيم وعباس فارس او ليلى فوزي او عبدالوارث عسر مع عبدالوهاب سليمان نجيب او مديحة يسري او فاتن حمامه مع محمد فوزي او كمال الشناوي مع صباح وشادية او محمد عوض او حسن يوسف مع سعاد حسني
لكن انا لاحظت انه في كثير من المشاركات تحدثت عن رشدي اباظة وعن غنائه فحبيت ان اوضح انه غني اكثر من مجرد تادية جملة او دندنة وبعدها ...لقيت نفسي كاتب عن كثير جدا من الممثلات والممثلين ((على فكرة هند رستم غنت ايضا في فيلم الراهبة))

بجد اسفين يا خوي فواد معليش انا عارف ان عندك معلومات كثيرة جدا عن اللي يغنوا بعد الستينات
واعتذر لك
الف شكر لك يا أبو حسام انا نسيت اسم الفيلم و اسم الاغنية كمان ((اهو ده بقى الموسوعة )) ومعلوماتك الجميلة دائما مانستفيد منها

[د.حسن]

المشاركة الأصلية كتبت بواسطة فؤاد عبد الحميد

أنا كنت فاكر الممثلين والممثلا ت ماقبل 1963

أخى العزيز أ. فؤاد عبدالحميد
لماذا 1963 بالذات ؟؟
واللا حضرتك بترد على أ. مختار حيدر
لكن على مرتين ؟ !!
مع تحياتى

[فؤاد]

تنبيه للأخوه الأعزاء
أوعي حد يقولي مثلاً
أن الفنانه سميره أحمد غنت مثلاً يعني
في فيلم أظن لاأذكر الفيلم لأن ده كان (دوبلاج) كده صح
وكان بصوت أم كلثوم

[جابر الحسيني]

المشاركة الأصلية كتبت بواسطة فؤاد عبد الحميد

تنبيه للأخوه الأعزاء
أوعي حد يقولي مثلاً
أن الفنانه سميره أحمد غنت مثلاً يعني
في فيلم أظن لاأذكر الفيلم لأان ده كان دوبلاج كده صح
وكان بصوت أم كلثوم

صحيح كان دوبلاج لكن بصوت سعاد محمد في فيلم " الشيماء "

أما عن أغاني أم كلثوم فده كان في فيلم رابعة العدوية اللي مثلت دورها نبيلة عبيد

سميرة أحمد غنت بصوتها في مسلسل إلى جانب محمود ياسين و أولادها في المسلسل أغنية كان لحنها جميل كانوا بيقولوا فيها : القناطر .. القناطر .. (يمكن ده المسلسل اللي يقصده الغواص إني ياسين غنى فيه لأني مش فاكر عنوانه)

[فؤاد]

المشاركة الأصلية كتبت بواسطة غواص النغم

عنوان الموضوع هو
ممثلين غنوا مع مطربين
يعني اللي عملوا دويتو مع مطربين
بجد اسفين يا خوي فواد معليش انا عارف ان عندك معلومات كثيرة جدا عن اللي يغنوا بعد الستينات
واعتذر لك

ولا أعتذار ولا حاجه ياخويا منعم أوقعد أوقعد ياشيخ
تشرب شاي ؟
والله أنا بفتكر فعلاً الممثلين اللي غنوا في تلك الفتره حتي تنزيل الصور للممثلين والمطربين ماقبل 1963 ( ياخواتي مش عارف وين قرتها ) حكاية ماقبل 1963

وفعلاً كلامك مظبوط ( الممثلين والممثلات اللي غنوا مع المطربين )
منقدرش نقول مثلاً يعني
رشدي أباظه غني مع حسن يوسف ومحمد عوض

[فؤاد]

[quote=جابر الحسيني;251718]

صحيح كان دوبلاج لكن بصوت سعاد محمد في فيلم " الشيماء "

أما عن أغاني أم كلثوم فده كان في فيلم رابعة العدوية اللي مثلت دورها نبيلة عبيد

سميرة أحمد غنت بصوتها في مسلسل إلى جانب محمود ياسين و أولادها في المسلسل أغنية كان لحنها جميل كانوا بيقولوا فيها : القناطر .. القناطر .. (يمكن ده المسلسل اللي يقصده الغواص إني ياسين غنى فيه لأني مش فاكر عنوانه)

[/quote

بجد ياجابر ياخويا
أنا عارفها أنها سعاد محمد
لكن مش عارف ليه كتبت ( أم كلثوم )
ع العموم
تحياتي