بحر ابو جريشة - الصفحة 5

**mostfaalshaer** · #41 07/03/2010, 20h30

<font size="5"><b>ياجماعة بحر ابو جريشة دا حدوته فنية عاش فى اسكندرية فترة طويلة جدا واول شريط عمله اللى كان فيه اغاني ماله - كفاية بعاد - فينك ياحبيبي - والشريط برغم انه كلفه قليل جدا لانه سجل مع الفرقه فى الاستوديو عشان يوفر الا ان الشريط ( الالبوم ) انتش انتشار النار فى الهشيم واتباع شعبي ب 75 قرش وبدأت تتصارع الشركات على بحر ابو جريشة عشان يقوم بعمل عقد انتاج معاهم ونزلت اغاني اثبتت بعد كده قوة ابو جريشة زى غرابه ياليل غرابه اصحاب اشواق وغلابه جربنا التوبه وتوبنا والشوق يرجع يغلبنا اهي نار الشوق غلابه - وبحر يابحار عدى بحار وبحار دا الموج هادى وراسي لايطوعك التيار - ومقادير مقادير تعبنا م المشاوير مشينا مهما مشينا مشوار الغربه طويل - وايوب - ورحاله وكتير ذات صيته وشهرته لدرجة ان منتجين الافلام بدأو يسمعوا عن بحر ومعجزاته وبالفعل قام بأداء مشاهد غنائية فى فيلم احنا بتوع الاسعاف مع سمير غانم واكرامي ولبلبة وامين الهنيدى عام واخراج صلاح كريم عام 1984 وغنى فيه اغنيته الشهيرة ليلتك ياعريس اجمل ليلة فرحان الكل مع العيله يرقص ويميل ياشباب النيل زرغوته يابنات فرحه الليلة - وبعد هذا العلو الشامخ لنجم كاد ان يكون كبيرا الا انه وقع تحت تأثير المخدرات وادمن الهرويين وابتعدت عنه شركات الانتاج ومنتجي الافلام وعاد من حيث اتى الى مسارح الدرجة الثالثة جواز ورأيته وهو يترنح فى مسرح باكوس الحديث ومسرح حيدر ومسرح قيس وكنت اتابعه لاننى كنت اعشق صوته الى ان مات بسكته قلبية اثر جرعه زائدة وكما صحت مصر على اغانيه صمت الى الابد وترك تراث نوبي رائع عسي ان يتقبل الله منه ويدخله فى رحمته .</b></font>

**سكر أبو دينا** · #42 08/03/2010, 18h17

ياااااااااااااااااااااااااااه
رجعتنا ورا ثلاثون عاما تقريبا
الله ينور عليكم

#43 12/03/2010, 18h51

تحية كبيرة لكل عشاق النوبة وكل جزء في مصر يشع طرب وفن وابداع تحية كبيرة لكل المصريين في كل مكان في العالم

**omaromar5** · #44 21/04/2010, 12h45

اشكر الاستاذ

احمد عبد الهادى

وكل من يرسل لنا كنوزه عبرسماعى له الف شكر وبحر ابوجريشه هو فنان من العصر الذهبى الذى كل ما مرت الايام عليه ذادة قيمته الفنيه

**احمد عبدالهادى** · #45 23/04/2010, 20h45

بحر ابوجريشه
شريط مقادير
-----------------
يحتوى على الاغانى الاتيه
مقادير
امشى ياقلبى
مجروح
جمال الصحارى
ياهاجر
اليوم المر

**الدندراوى اسعد** · #46 23/04/2010, 21h21

الاخ العزيز الفاضل/الاستاذ احمد عبد الهادى منذ زمت سمعت شريط للفنان
بحر ابوجريشه بيقول فيه بعت رسائل فيه دمع سائل ارمى الودع يقول والله
الدمع سائل

ياريت لوتكرمت ترفع لنا الشريط لو امكن

الدندراوى اسعد