طلبات نوتة - الصفحة 45

**عادل صموئيل** · #1 01/11/2011, 15h37

احبائى
اقدم لكم نوتة شيد

مصر مصر تعيشى يا مصر

طبعا انا هنا حاولت تبسيط النشيد بقدر الامكان لن الاناشيد الموزعة لما تعزفوها فى مدرسة لى آلة واحدة لازم النشيد يتبسط عشان اآلة الواحدة تكفى , وثانيا عشان التلاميذ اللى حايغنوا لو الموسيقى صعبة بتخضهم , وممكن ما يعرفوش يدخلوا فين
واشكر الاخت العزيزة رباب زين لأنها قدمت لنا التسجيل الصوتى
مع اطيب تحياتى

**عادل صموئيل** · #2 02/11/2011, 05h11

احبائى
اقدم لكم نوتة

انا مهما تاخدنى المدن

ملحوظة المقدمة الموسيقية ممن شكلها يبان صعب لكنها سهلة جدا
وعاملة زى تمارين لونجو فى الكلية , يعنى تفهم بس الحركة تمشى معاك سهلة او
انا ماحبيتش احدد هنا بيانو وهنا كذا لأنك لو عزفتها على اورج مش عايز الخبطك
بس المستحسن طبعا انك ترد على جملة البيانو بالحروف فى الشمال حروف غليظ
مع اطيب تحياتى

**swaifi73** · #3 03/11/2011, 10h27

الأفاضل أعضاء المنتدى الكرام
أهديكم لونجا خفيفة وجميلة لجميل بك الطنبوري
كانت عندي نسخة نوتة قديمه غير واضحة وقمت ببعض التعديل عليها وأعادة كتابتها مرة ثانية
وأرفقتها مرتين المرة الأولى في صفحة واحدة ولكن مزدحمة النوتات
وفي النسخة الثانية على صفحتين حتى تريح العين أثناء العزف ومتابعة النوتة
أتمنى أن تنال أعجابكم

**swaifi73** · #4 03/11/2011, 18h40

أشكرك أخ أرمندو أنا فعلا أثناء التدوين كنت متذكر أرفع النغمة ولكني إنشغلت بتوسيع النغمات عن بعض حتى تكون مريحة للقارئ

اخى العزيز
كله حلو ما شاء الله بس ملحوظة مهمة ( معلش استحمل الاستاذ )
فى الصفحة التانية لازم تكتب السم المقطوعة وصفحة كذا وكل صفحة عشان ممكن واحد بيطبع النوت وبيحتفظ بيها عنده , وانت عارف لو عدنك 100 نوتة ممكن الورق يتلخبط او لحن 7 صفحات تلاقى مش موجودة صفحة 2 فى وسط الزحمة
والطريقة دى لو حتى اتلخبطوا ممكن الواحد يرتبهم تانى
مع اطيب تحياتى عادل صموئيل

**عادل صموئيل** · #5 04/11/2011, 02h43

احبائى

اقدم لكم اطيب التهانى بحلول عيد الاضحى المبارك

واقدم لكم بهذه المناسبة نوتة

يا رايحين للنبى الغالى

وهى لحن من العيار التقيل جدا وبتثبت فيه ليلى مراد انها مطربة جامدة جدا جدا مش بتاعة اغانى خفيفة فقط

اللحن لما تسمعه تحسه صعب جدا , لكن مكمن الصعوبة فى الاقتدار الكبير اللى غنته ليلى مراد واللى بالطبع مش ممكن حد يقدر يقوله زيها
طبعا اكتر حاجة تعبتنى فى اللحن ده انى حاولت ابسطه , لأن الاداء الاحترافى والعبقرى كتير بخرج عن التدوين الطبيعى او تفهم المدون للجمل , وهنا اللحن لازم يتم تبسيطه وإل لو اتكتب حيكون صعب جدا وفوق مستوى القارىء العادى , وهنا عايز اقول ملحوظة ازلية : ممكن لحن انت تطلبه ويتاخر بيكون محتاج استعداد نفسى , لأن لحن زى ده ما اقدرش اكتبه وخلاص , وللأمانة الفنية , الأخ العزيز نور الصباح منزل التسجيل الصوتى بس ناقص
حاجة خطيرة جدا وهى صولو النايات فى المقدمة وده لأول مرة عزفه كذا ناى مع بعض , وبيمثل جزء مهم جدا فى اللحن , وانا بالطبع للذكرى والتاريخ ما اقدرش اكتب النوتة من غير المقدمة الموسيقية دى , وإلا تكون ناقصة شىء مهم جدا , وبالطبع بحثت عنه لحد م لقيته هنا فى المندى بس على مقطع فيديو من الفلم , واتمنى ان الاخ العزيز نور الصباح اللى لسه زعلان ودايما زعلان يبطل زعل
اتمنى ان تسعدوا بها وكل عام وانتم بخير
مع اطيب تحياتى

**عادل صموئيل** · #6 04/11/2011, 04h45

احبائى
اقدم لكم نوتة
ع بالى حبيبى

الاغنية دى لأليسا انا عجبنى اللحن مع انى مش بحب الاغانى الحديثة بتعمل عندى حساسية
بس اللحن بتاعها حلو يعنى بيفكرك بفيروز
اتمنى طبعا ان النوتة تعجب الأحباء اللى طلبوها لأنى مش بعرف اكتب الاغانى الحديثة او بينى وبينكم بحس وانا بكتبها انى مش فى بيتى الطبيعى
وطبعا ممكن يرفدونى من المنتدى
وبينى وبينكم هم لو ما ردفدونيش عشان كتبت اغنية من الحديث اكيد حايرفدونى عشان الصورة المرفقة اصل مع اليسا مش حا حط ورد ( اكيد )

**swaifi73** · #7 04/11/2011, 11h56

العفو أستاذ عادل أنا بشكرك أحنا كلنا بنتعلم منك
وأنا بعدني أول مرحلة لي في تعلم أستخدام إنكور ولازم أخذ ملاحظات الجميع
هذه النوتة مرة ثانية وكتبت على الصفحة الثانية العنوان ووضحت إنها الصفحة الثانية
استاذي بلنسبة لسؤلي الأول أنا كنت قرأت مهرات متقدمه لحضرتك
ولكن عندما قلتلي أقرأه مرة ثانية قلت لعل في شيئ ما أنتبهت له فقرأته مرة ثانية
هل حضرتك تقصد إني عند التدوين بدون فاصل الموازير أستخدم نفس طريقة الحلية الزائدة عن الزمن وأدون كل التقسية في مازورة واحدة أتوقع هذه هي الأجابة أليس كذالك ؟
اخى العزيز
العملية كذا خطوة
اول خطوة انك حاتستعمل علامة الغاء عداد الموازير دى , يعنى تفتحها وتقفلها مرتبن عشان تشتغل , دى بتديك ميزة ان ممكن تكتب اى عدد من النوارات بدون التقيد بميزان
بعدين من القائمة score تفتحها قبل آخر سطر حتلاقى
measure per system دى معناه كام مازورة فى السطر
تضغط عليها تفتح لك نافذة حتلاقى فيها مكتوب عدد الموازير اللى انت عاملها ولتكن 4 مثلا خلى الرقم 1
يعنى عايز فى السطر مازورة واحدة واكتب زى ما انت عايز ولما تخلص رجع الرقم زى ماكان عشان الميزان يشتغل ورجع علامة ايقاف العداد
مع اطيب تحياتى عادل صموئيل

**sayed_lv** · #8 04/11/2011, 12h36

السلام عليكم و رحمة الله وبركاته
وكل عام وانتم بالف خير
********
اولا ملييييييييييييوووووووووووووون شكر للاستاذ:
عــــــــــــــــــــــــــــــــادل صمـــــــــــــــوئيل
على نوتة يا رايحين للنبى الغالى ونوتة عبالى حبيبى
ومعلش بقى تعبنا حضرتك معانا

********
وثانيا:
فى ناس طالبه نوتة ارمى حمولك عليا
انا كنت كاتبها عشان اكتوبر اللى فات
وهتلاقوها فى المرفقات

**عادل صموئيل** · #9 08/11/2011, 06h08

احبائى
مع اطيب التهانى بمناسبة عيد الاضحى المبارك
اقدم لكم نوتة من العيار التقيل جدا كما وحجماً

قارئة الفنجان

اتمنى ان تسعدوا بها مع اطيب تحياتى

**عادل صموئيل** · #10 08/11/2011, 08h46

احبائى

اقدم لكم نوتة اغنية من الوزن التقيل جدا
للصبر حدود

انا لاحظت انها موجودة فى المنتدى لكن صعبة جدا وناقصة كتير وصعب جدا اى حد يعرف يعزفها
ودونتها لأنها ممكن تعتبرها من النوت اللى ممكن لو اتكتبت كويس كلكم ممكن تعزفوها
بس خلوا بالكم من تغير الدليل

طبعا انا النهاردة منزل قارئة الفنجان وللصبر حدود فى يوم واحد ممكن حد يتخيل انى كتبتهم امبارح مثلا ولكن ده خلاصة شغل اكتر من 15 يوم
مع اطيب تحياتى وكل عيد وانتم بخير