طلبات نوتة أ / عادل صموئيل الجزء الثانى

[ملحن مصري]

المشاركة الأصلية كتبت بواسطة وليد100

السلام عليكم
استاذ عادل
ارجو نوته ياجميل ياجميل لفريد الاطرش علي درجه لا لو تكرمت ومش عارف هل وصلتك رسالتي من يومين تقريبا ام لا
بخصوص حكايه غرامي
مع تحياتي وشكرا

------------------------------------------------------

نوتة يا جميل يا جميل علي درجة ( لا )

تحياتي

تامر عامر

ملحن مصري

[حمدي محمد أحمد]

المشاركة الأصلية كتبت بواسطة muhamadibra

دونها من قبل ا نزيه محمد وهذا هو الرابط
http://www.sama3y.net/forum/showthre...t=98558&page=2
دمحمد ابراهيم

شكرا أخي الكريم muhamadibra علي مجهودك وتعبك والشكر موصول للأستاذ نزيه محمد

[عادل صموئيل]

احبائى

اقدم الى الاخ العزيز عزت شحاتة ترنيمة

اسمحى لى يا اكليسيا

هو كان طالبها من فترة وانا ماكنتش متجاهلها ... بس كان فيها مشلكة وارجو الجميع ياخد باله منها فى طلب الاغانى او اى الحان ... التميز بين اغانى الزمن الجميل وبين الالحان اللى بتتعمل دلوقتى ... ان زمان كانت الالحان جميلة جدا زى ما انتم عارفين ( اقصد الحان العمالقة ) مكانش فيه توزيع يذكر يعنى لذلك كانت الالحان سهل انى ادونها واى حد يعزفها .. دلوقتى دخلوا التوزيع فى اى لحن وبدرجة فجة بتغطى على اللحن الاساسى ... ودى اسوأ ما فى الزمن بتعاعنا دلوقتى ... واكتر خيبة فى اللى بيعملوا الحان ... لأن اول اساسيات التوزيع انك تعمل تجميل لجملة مش انك تغطى عليها تماما والمستمع لما يسمع يبقى سامع شبورة مش فاهم حاجة من اللى سامعه اصلا .. وده للعلم اللى خلا معظم الجمل الموسيقية دلوقتى تافهة ومتكررة ومتشابهة ومالهاش اى لون ولا طعم احيانا لن اللى بيلحن عامل حساب ان التوزيع حايغطى على عيوبها .. فيه كمان معلمومة خطيرة ... على سبيل المثال اشهر المؤلفين والموزعين دلوقتى مثلا عمر خيرت ... مش ممكن حد غيره يقدم اعماله فى حفلة ... يعنى ان مكانش هو يقدمها بنفسه ومعاه النوت بتاعة التوزيع اللى هو شخصيا عاملة ... حايطلع شىء مشلفط ومالوش علاقة باللى انت سمعته من عمر خيرت من قبل ... ولو تاخدوا بالكم ان عبد الحليم فى الفترة اللى انا اشتغلت معاه فيها عمره ماقدم لحن موزع ( زى حبيبها مثلا ) فى حفلة ... ليه لن الموزع على اسماعيل رحل وكان واخد معاه النوت بتاعة التوزيع ... وهنا اللحن استحالة يتنفذ تانى ... هنا فى الترنيمة دى والكلام موجه للأخ العزيز عزت ... فى الاول كام مازورة مالهمش اى موقع من الموسيقى يعنى انا مش فاهم لهم اى ميزان ولا هم ادليب والموزع ( اللى انا اعتبره دمر اللحن ) عاملها بطريقة التراكات ... انا طبعا عشان ما اخرفش تركتهم وكتبت من اول الموسيقى الواضحة ( شوية ) كتبت الكورال ثم الصولو وتوقفت عند جملة بتفصل بين الكوبليهات تسمعها تحس ناس بتتخانق يعنى مالهاش اى معالم .. انا طبعا لو سمعتها قبل الدتوين ما كنتش حادون الترنيمة اصلا ... ولكن حظك انى مثابر حاولت اسمعها كذا مرة وكتبت اللى حاولت استوعبه واكيد ممكن اكون الفت او فعصت فيها المهم طلعت منها شىء يتسمع ...
مع اطيب تحياتى

[عادل صموئيل]

احبائى

انا عندى مشكلة ابتدت تتكرر كتير ومحتاج معاونة اى حد مكم يقدر يساعدنى واختص بالذكر اخى الحبيب المنير اللى بيسعفنى بالبرامج اللى بتفيدنى كتير فى الشغل اللى بقدمه لكم

المشكلة : انا بدون على برنامج انكور ... والملف الانكور قابل للتعديل لنه متحرك زى الوورد اوفيس ... والتعديل يعنى مثلا حد منكم يكتشف اى غلطة او ملحوظة وانا بصلحها فى ثانية ... الاهم وانا ما بحبك اتجاهل اى طلب حد منك يطلبه ... فيه اعضاء بتطلب تغيير الطبقة فى اغنية كذا يعنى هى مددونة من درجة لا مثا هو عايزها من رى مثلا او اى درجة فى وجود ملف الانكور مش بتاخد معايا وقت حتى تلاحظوا انو اسرع طلب بنفذه .. اما المشكلة جت منين ... انتم عارفين انى بدون عشرات او مئات من النوت ... يعنى ملفات كتير جدا جدا ... عادة كل سنة بيحصل انى اغير نسخة الويندوز 3 او 4 مرات ... يعنى بيحصل حركة كده ممكن ملف من ملفات الانكور يضيع وبالذات لما يكون قديم يعنى من سنة او اكتر مثلا ... طبعا هو الملف ان بنزله ف المنتدى بصيغة pdf يعنى بالنسبة لكم متاح فى اى وقت ...
الطلب : هل ممكن فيه برنامج ( بس يكون كامل مافيهوش مشاكل ) اقدر من نسخة ال pdf افتحه تانى على ملف انكور ؟ طبعا انا عارف انو مش ممكن يكون دقيق اوى .. اقصد انه اكيد حايحتاج تظبيط كتير بس ارحم من انى اضطر ادون الاغنية كلها تانى وبالذات لما تكون 7 او 8 صفحات ... رجاء اللى عنده فكرة يكتب لنا مع اطيب تحياتى

[عمرو الهنداوي]

أستاذ عادل اسمح لي بالمشاركة بعد أذن اخي المنير والزملاء...

بالنسبة لانكور انه يقرا ملفات البي دي اف ويحولها تأني لنوتة صعب جدا لان ده أكبر من إمكانيات انكور. طيب هل هناك برامج أخرى تستطيع فعل ذلك(نعم) ولكنها برامج مساعدة لقراءة النوتة في الأساس ولسماعها وليس للتعديل عليها الا بإمكانيات محدودة.

طيب الحل ايه؟

استخدام إحدى هذه البرامج المساعدة ثم فتح ملف النوتة البي دي اف عليها ثم إعادة حفظها بصيغة يقبلها انكور مثل ميدي وصورة موسيقية والصيغ كالاتي (Mid-Midi – XML-MXL) في العادة حضرتك ح تستخدم الميدي ودة بيحفظ الملف والنوتات بشكل كامل لكن تبقي مشكلة التنسيق زي علامات الإعادات أو الكلام العربي داخل النوتة وكمان علامات الموسيقا الشرقية زي الربع تون ستقرئ بشكل غربي لكنها في النهاية تعديلات بسيطة ولا تحتاج لكتابة النوتة مرة اخري.
لو كان انكور شاطر مع ملفات XML يبقي الموضوع أسهل... يعني ايه نوع الملف ده؟ هو باختصار صورة الكترونية لشكل النوتة والمفروض انكور ينسخ الصورة بسرعة إلى نوتة مكتوبة بنفس الشكل بس برضو غربي يعني العربي ح يبقي حروف مش مفهومة والربع تون يقرا نصف بيمول... بس انا ماعرفيش أنكور بيعمل كدة ولا لا.
طيب فين البرنامج اللي حيقرئ ملف النوتة بي دي اف ويحوله إلى ميدي أو شيء اخر. هناك ملايين البرامج لكن أفضلهم اسمه photoscore بيقرا النوتة بي دي اف أوصورة عادية والمكتوبة كمان بخط اليد ويحولهم بكفاءة إلى نوتة كمبيوتر في لحظات جاهزة للسمع أو التعديل البسيط يعني رفع طبقة أو تغير علامة أو حرف موسيقي و طبعا جاهزة للتصدير بالصيغ اللي قولت عليها.

البرنامج سهل بعض الشيء وموجود عندي بشكل كامل لو حضرتك عايزه يكون عندك في ثانية..

مع تحياتي


اخى العزيز
اشكرك لسرعة الاستجابة ممكن برضو تنزله ونشوف ... لأن فى المشاكل اللى زى دى الواحد بيحاول يشوف كل الحلول الممكنة وانت بخبرتك طبعا عاف ان فيه برامج صعبة وبرامج سهلة وبرامج اكفأ واحنا نحاول نجرب الكل
وانا اتمنى من كل من يهمه الامر انو يجرب معانا البرامج يعنى اكيد كلهم عندهم انكور ونشوف والف شكر

[salhi_haithem]

السلام عليكم
أستاذ عادل عندي حل و هو شغّال لكن يضيع هيكل إخراج النوتة يعني ستجد المازوات كاملة لكن ليس على نفس إخراج النوتة اللي كتبها أول مرة
العملية سهلة تنصب برنامج أسمه PDF TO MUSIC PRO و هو موجود في المنتدى من هنا
هذا البرنامج يقرأ ملفات النوتة اللي مكوبين على برامج التدوين فقط يعني لما تكتب نوتة على أنكور أو غيره و تحملها بي دي أف البرنامج يقراها لكن النوتة على شكل صور في ملف بي دي أف لا تقرأ
المهم تنصب برنامج PDF TO MUSIC PRO و تروح على File ثم Export و ستجد ما بين الخيارات أنك تحمل الملف Mid أي ملف ميدي تسجل الملف على الديسك توب ثم تحل أنكور و تروح على File ثم Open تفتح نافذة تختار من أسفل نوع الملف Type File تختار Midi Files ثم تذهب إلى الملف المسجل على الديسكتوب و تفتحو
المهم جرب و أنا معاك هيثم

[وليد100]

السلام عليكم
شكرا يااخ تامر
بجد انت انسان ذوق
ولما اقول انك ذوق يبقي قليل الذوق عرف نفسه والكل كمان فهم
مع تحياتي لك مره اخري يااستاذ تامر واتمني تدوم صداقتنا
اخيك وليد

[خالدموسى]

مساء الخير استاذ عادل
الاستاذ صالحى هيثم قال المفيد وانا اتفق معه
وهو عند فتح اى نوتة من برنامج pdf to music pro تتجه الى file اعلى صفحة البرنامج ثم Export حيث تظهر لك اختيارات كثيرة (8) تختار منها Midi حيث سيفتح جدول لكى تحفظها فى اى موقع تريدعن طريقSave
ثم تذهب الى برنامج انكور ومن اعلى البرتامج نضغط File ثم Open فيفتح لنا جدول Open File فى اسفل الجدول Files of Type نضغط على السهم المقابل ونختار الاختيار الثانى Midi files (*mid; *mff ) وهنا تفتح النوتة الاصلية على برنامج انكور وهى شبيه بالاصلية وليست نفسها حيث تحتاج بعض التعديلات البسيطة عليها
لكم تحياتى استاذ عادل واستاذ هيثم

[عادل صموئيل]

اخوتى الاحباء

اشكركم الف مليون شكر على تعاونكم بس عندى مشكلة

انا نزلت البرنامج وعرفت افتح عليه ملف pdf وعملت زى ماقلتم وفتحته على برنامج الانكور .. نزل زى الفل بجميع صفحاته بس طبعا زى ما انتم قلتم بدون اى علامات تحويل او كتابات او مرجعات .. دى مش مهم لأنى اقدر انقل كل الكلام ده من ملف pdf الاصلى الموجود فى المنتدى
المشكلة ان البرنامج انكور لما بتفتحه بيديك مدرجات مزدوجة يعنى مدرجين واحد مفتاح صول عليه اللحن ومربوط فيه مدرج تانى مفتاح صول ايضا بس مليان سكتات معرفتش احذفه فكروا معايا نحذفه كيف ..
زى فى الصورة

كمان جربت ملف تانى الدليل بتاعه فيه مى نص بيمول لما فتحته على انكور طلع حاجة ملخبطة ومش راضى يشتغل

[عمرو الهنداوي]

أستاذ عادل اليك البرنامج

البرنامج + الباتش في فولدر واحد لكن لكبر حجمهم فوق طاقة استيعاب المنتدى خلتهم على 2 فولدر وطريقة التسطيب كالاتي:
1- نزل حضرتك الملفان الاثنين وافتح ملف رقم واحد واستخرج الفولدر الداخلي وبه البرنامج والباتش.
2- ستطب البرنامج عادي جدا وبالطريقة العادية.
3- بعد تستطيب البرنامج افتح ملف الباتش واضغط ايقونة التفعيل وهي فوق على ايدك الشمال وانتهي الأمر.
4- هات ملف النوتة بس خلى اسم ملف النوتة أي شيء غير أحرف عربية علشان البرنامج بيرفض أي ملف اسمه باللغة العربية...
5- افتح ملف النوتة بالبرنامج الجديد وانتظر ثواني حتى يقرا النوتة وبعد قراءتيها ستجدها امامك. ويمكنك تعديل الميزان او اجراء تعديلات إذا اردت...
6- ومن قائمة فايل اختر حفظ واختار نوع الملف الجديد وفي الغالب ميدي لو حضرتك مش عايز الأنواع الأخرى
7- افتح ملف الميدي الجديد في انكور

بالتوفيق