الغربة

[Tarek Elemary]

الناس تكون بالناس
و رقة الإحساس
و الجنة ضِلْ و خِلْ
تحت القمر ونَّاس

[Tarek Elemary]

لو كان قليبى سكن
هايساعى كل الكون
شايل هموم الوطن
غير الهوى المكنون
و الذكريات و الشجن
و حلم ليل مسجون
بين الضلوع إندفن
يمكن يكون مجنون

[Tarek Elemary]

يا فاتحين الأمل شباك
على بكرة اللى جيَّ هناك
و بكره فوق جناح شوقه
يقول للفجر فين مرساك

وخيط الشمس بيه نغزِل
ستاير دفء ع المنزِل
و منزلنا حيطانه طموح
و آه لما الطموح يرحل

لا يبقى بيت و لا ستاير
و لا شاطئ لموج حاير
و نبقى فى الطريق مساكين
نلف العمر فى دواير

[Tarek Elemary]

يا ناس يا خلق يا إنسان
شربنا من الألم ألوان
تعالوا نداوى أحزانَّا
نقابل بعض بالأحضان

نحب الخير لكل الناس
و يبقى الليل قمر ونَّاس
و نبقى فى القلوب جِيرة
و عِشْرَة و المَوَدَّة أساس

بالأمثال و بالأديان و بالخبرة
و لا يقدر على الأيام و ع القدرة
إلا خالق الإنسان و رب الكون
و لا نضمن نفس يطلع
و لا نضمن نعيش بكرة

[عفاف سليمان]

استاذى الجميل
طارق
و لا نضمن نفس يطلع
و لا نضمن نعيش بكرة
عندك حق فى هذه الكلمات
لا نضمن نفس يطلع
ولا نضمن نعيش بكره
استاذنا وشاعرنا
لذلك انا لا احب ان احمل فى نفسى اى سوء او ضغينه لاحد
لاننى لا اضمن اعيش بعد لحظات
ولا اضمن ان اعيش لغدٍ
فلو قدر لى الموت واحدا ما اكون قد ضايقته
فاكيد سوف يقول احسن انها راحت
او ربما يقول يلا لا تجوز عليها الا الرحمه
والحياه لا تستاهل ان نعيشها بضغينه
او حزن فنحن لا نعيشها الا مره واحده
وليس لنا رصيد فيها غير العمل الطيب
والخير والمحبه لكل البشر
حتى لو اساؤا لنا بعض البشر
فنحن لا نعامل الناس بمعاملاتهم
حتى لا نكون مثلهم
بل نعاملهم بمعاملاتنا
واحساسنا
وربنا يديك ويدينا طولة العمر فى الخير
اللهم امين
تحياتى لاحساسك الجميل
وللجميع
اختكم عفاف

[Tarek Elemary]

المشاركة الأصلية كتبت بواسطة عفاف سليمان

استاذى الجميل

طارق
و لا نضمن نفس يطلع
و لا نضمن نعيش بكرة
عندك حق فى هذه الكلمات
لا نضمن نفس يطلع
ولا نضمن نعيش بكره
استاذنا وشاعرنا
لذلك انا لا احب ان احمل فى نفسى اى سوء او ضغينه لاحد
لاننى لا اضمن اعيش بعد لحظات
ولا اضمن ان اعيش لغدٍ
فلو قدر لى الموت واحدا ما اكون قد ضايقته
فاكيد سوف يقول احسن انها راحت
او ربما يقول يلا لا تجوز عليها الا الرحمه
والحياه لا تستاهل ان نعيشها بضغينه
او حزن فنحن لا نعيشها الا مره واحده
وليس لنا رصيد فيها غير العمل الطيب
والخير والمحبه لكل البشر
حتى لو اساؤا لنا بعض البشر
فنحن لا نعامل الناس بمعاملاتهم
حتى لا نكون مثلهم
بل نعاملهم بمعاملاتنا
واحساسنا
وربنا يديك ويدينا طولة العمر فى الخير
اللهم امين
تحياتى لاحساسك الجميل
وللجميع

اختكم عفاف

أنت كائن لا يستطيع إغضاب أحد و اللى يزعل منك يبقى العيب منه

[Tarek Elemary]

و آه م البنت لما تميل
و يضحك فى عيونها الليل
و تسهر تحكى للنجمات
حكاية فارس المواويل

آه م البنت لمَّا تحِنّْ

تغنى كيف حمام البِنّْ
و بسمتها تكون أحلام
و صوتها بكل فرحة يرِّنْ

و آه م البنت لما تدوب
و تعشقها عيون و قلوب
و تفرد روحها شمسبة
تخاف من نسمة ع المحبوب

و آه م البنت لما تغير
و تصبح سجن قاسى كبير
و لا تقدر فى يوم تصفح
ولا تعرف حبيب و عشير