أعمال من تنفيذ الفنان محمد الآلاتي - الصفحة 4

**الألآتى** · #1 29/03/2008, 00h49

الحكاية .. إن أنا كنت قاعد ألعب وأفنّن .. صايع ومافيش ورايا حاجة ..

فجأتن .. أى وغلاوتكم فجأتن .. لقيت حتة المزيكا دى طلعت .. إزااااى .. ماعرفش ..

هى عبارة عن كوكتيل متنوع .. مكون من أجزاء من الأغانى والموسيقات التالية ( أغنية الفن لعبد الوهاب ، القلب يعشق كل جميل لأم كلثوم ، هدية العيد لعبد الوهاب ، ليلة حب لأم كلثوم ) ..

أجزاء قصيرة ربطت بينها بجمل موسيقية من أم رأسى .. علها تعجبكم .. أو ترفعوا عليا قضية ..

**مفيد عوض** · #2 29/03/2008, 01h58

كوكتيل جميل جدا
شكرا لك ابو حسام امتعتنا ونرجو المزيد
مع تحياتي .... مفيد عوض

**الألآتى** · #3 29/03/2008, 02h41

أشكرك أستاذ مفيد .. لا حرمنا الله من طلتك ..

**سامية** · #4 29/03/2008, 10h09

رائعة يا ابو حسام
والله باكتبلك رد وانا باسمعها لرابع مرة
ربنا لا يحرمنا من ابداعاتك يا فنان
وياريت تلعب وتفنن كتير علشان فجأتن .. اي وغلاوتك فجأتن هاتلاقي نفسك بتسعدنا بإبداعك
مع خالص تحياتي

**سمعجى** · #5 29/03/2008, 12h34

فجأتن ؟! و من أم رأسك ؟!

أبوس أم رأسك

**الألآتى** · #6 29/03/2008, 21h24

اقتباس:

المشاركة الأصلية كتبت بواسطة سامية

رائعة يا ابو حسام

والله باكتبلك رد وانا باسمعها لرابع مرة
ربنا لا يحرمنا من ابداعاتك يا فنان
وياريت تلعب وتفنن كتير علشان فجأتن .. اي وغلاوتك فجأتن هاتلاقي نفسك بتسعدنا بإبداعك
مع خالص تحياتي

ربنا يخللى لنا ودانك يامدام سامية .. وربنا يخللى لك الأفندى ..

**Sami Dorbez** · #7 12/04/2008, 14h13

يا سلام يا الاتي يا جميل

الصوت الوحش هو اللي هيقول عليك وحش

**غازي الضبع** · #8 12/04/2008, 14h19

يا عم محمد يا كبير الآلاتية
طول عمرك برنس
روح يا شيخ .. إلهي يفتحها في وشك

**الألآتى** · #9 12/04/2008, 17h53

ياسامى ..

ياغازى ..

فيه إيه !!؟؟

إيه إللى فكركم بالموضوع ده النهاردة ..

أنا فرحت وقلت إنكم وجدتم الملف .. يادى الحوسة ..

**غازي الضبع** · #10 12/04/2008, 20h25

اقتباس:

المشاركة الأصلية كتبت بواسطة الألآتى

ياسامى ..

ياغازى ..

فيه إيه !!؟؟

إيه إللى فكركم بالموضوع ده النهاردة ..

أنا فرحت وقلت إنكم وجدتم الملف .. يادى الحوسة ..

والله يا عم محمد لسه واخد بالي دلوقتي من تاريخ المشاركة الأولى ..
إزاي يا عم تكون عامل التحفة دي ، ومستخبية كده ، لا حس ولا خبر ..
ياللا نفذ أوامر سيادة اللواء
طبعا إنت عارف يعني إيه لواء