طلبات نوتة أ / عادل صموئيل الجزء الثانى - الصفحة 368

**altaifi** · #**3671** 09/02/2015, 13h27

السلام عليكم .. الاخوة الاعزاء
ولا يزال العطاء متدفق من الاستاذ / عادل فله كل الشكر والتقدير .. وبالمناسبة في لمسة وفاء السيدة أم كلثوم .. يا ريت لو يتكرم علينا الأستاذ بتدوين أغنية " في نور محياك " وهي أغنية قديمة للست .. وإن كانت موجودة في المنتدى حبذا الرابط والاستاذ هيثم ما شاء الله عليه ضابط الارشيف تمام .. يعطيه الصحة .. وشكراً لكم جميعاً أحبتي .

رابط الأغنية : https://www.youtube.com/watch?v=FL_X6mt4-Ic

**وسام اكرم** · #**3672** 09/02/2015, 13h59

الاحبة و الاصدقاء في مندى سماعي
تحية طيب الى الكل و على راسهم الاستاذ عدل صموئيل المحترم. فقط اردت ان اذكركم اني رفعت برنامج سيبليس 4 و 6 في قسم برامج مفيدة لمن يرغب في تحميلها و تدوين النوتات مع خالص محبتي و تقديري
وسام

انا فى منتهى السعادة لعودة الاخ العزيز وسام اكرم الينا وكنت قلقان عليه واطيب تحياتى عادل صموئيل

**عادل صموئيل** · #**3673** 11/02/2015, 11h54

احبائى

اقدم لكم من روائع الفنان كمال حسنى مع شادية

لو سلمتك قلبى

مع اطيب تحياتى

**عاصم المنشاوى** · #**3674** 11/02/2015, 14h41

الأصدقاء/
تحية طيبة وبعد...

يعنى أستاذنا الجميل الفنان / عادل صمويل ...يتعب نفسه ويكتب لنا اجمل النوتات وبنسعد كلنا بيها
طبعا - بدون مقابل - وأذ فجأتن تلاقى خمسين ستين ساعات تلتميت واحد عامل لها داونلود...
وماتلاقيش اللى بيقول له شكرا يااستاذ- تسلم ايدك يااستاذ ...ألا الدكتور محمد أبراهيم .والفنانين المحترمين مع حفظ الألقاب (المنير- على ثلاثة-سليم العباس-وحيد فريد- الدكتور منذر-وبالطبع الأستاذ هيثم الصالحى ..وأبو الذوق كله عمنا الأستاذ /احمد عبد الله الأمير الشهير ب نور الصباح - هابى بيرث داى ياعمنا - .

..مايصحش كده ...ولا أستثنى نفسى طبعا...طبعا أنا بأقصد اللى بينزلّوا النوتة ومابيقولوش شكرا
يعنى المفروض نلاقى خمسين شكرا على الأقل ...وبعد كده يحذفهم الأستاذ الكبير / محمد الآلاتى عشان السيرفر...
المهم يوصل للفنان انه تعب وانه شكرا بافنان...الفن بدون صدى ...مالوش طعم

على العموم شكرا يااستاذ عادل ويخليك لنا يارب ....طبعا دى مجرد وجهة نظر ربما تكون خاطئة ...

الأصدقاء ...حد يقدر ينزل لنا برنامج تقطيع أغانى مونتاج زى الريلبلاير مثلا فى قسم برامج مفيدة
وله جزيل الشكر مقدما.

**muhamadibra** · #**3675** 11/02/2015, 16h26

اخي الفاضل عاصم المنشاوي - هو فعلا كلمة شكرا هي اقل تعبير عن حبنا وامتناننا للمايسترو الكريم الرائع - ومن يسهو عنها نلتمس له العذر - وانا حريص طالما النت متوفر والكهرباء غير مقطوعة ان ازور صفحات المنتدي اكثر من مرة يوميا حسب اوقاتي وطبعا اتوجه بالتقدير لكل من يساهم في اسعاد المتابعين -- وهو اقل ما نملك
د محمدإبراهيم

**basma2265** · #**3676** 11/02/2015, 18h31

https://www.youtube.com/watch?v=W8ZehG96RrI
اغنيه حياتي كلها لله

**basma2265** · #**3677** 11/02/2015, 18h34

اغنيه عن مصر متسألنيش
https://www.youtube.com/watch?v=-QbqNkA0FXE

**عادل صموئيل** · #**3678** 12/02/2015, 07h16

احبائى

اقدم للأخت العزيزة بسمة

حياتى كلها لله

النشيد ده صعوبته فى كذا حاجة اولها انو تحس مالوش خريطة يعنى انا تهت فيه كمان لأن اللى بيغنوا بيسيحوا النغمات يعنى لما بيقول صول بتبقى مش صول صريحة بتبقى معاها حاجة اخاف اكتبها ل مش حاتتقرى ... بس طبعا الاخت طالما هى طالباه بنفيها اكيد حافظته وفاهمة تتصرف فيه ازاى ... وطبعا انا مقدر انها طالباه عشان حفلة
وربنا يستر فى الاغانية التانية تكون صريحة شوية مع اطيب تحياتى

**عادل صموئيل** · #**3679** 12/02/2015, 08h01

احبائى واقدم للأخت بسمة

عن مصر متسألنيش

طبعا ماحدش يتخيل السرعة دى بس هى حظها او قول دعاء والدين .. انا اختى جاية م السفر واحنا متفقين ان تتصل اول ما الطيارة تنزل ... فى الوقت ده بكون قلقان يعنى عشان التأخير جه حظ الاخت بسمه قتلت الوقت فى تدوينلا الاغنيتين
مع اطيب تحياتى

**muhamadibra** · #**3680** 12/02/2015, 09h33

نوتتين عظيمتين يا مايسترو -انا شخصيا سعدت بهما -وان شاء الله انفذهما - جزاك الله كل خير
د محمدابراهيم