برنامج قراءة النوتة مباشرة من ملفات البي دي آف pdf to music - الصفحة 3

**عادل صموئيل** · #1 31/03/2016, 19h05

احبائى
انا عايز اضيف حاجة .. البرامج دى كلها غربية الاصل .. واحنا لما بندون نوتة على برنامج كتابة زى برنامج انكور اللى انا بدون عليه كل شغلى . البرامج دى كلها غربية .. واحنا بنتحايل عليها كل على حسب طريقته عشان انت تشوف النوتة لو لما تطبعها تشوف الورقة فيها علامات تحويل شرقية .. لكن على الربنامج نفسه بتبقى شكلا فقط يعنى المى نصف بيمول انت شايفها او انا بكتبها شكلا مى نصف بيمول لكن البرنامج بيعزفها وبسمعهالى مى بيمول
لذلك مش منطقى انك لما تفتح pdf حايقراها نصف بيمول ... ده كمان حاجة تانية .. البرنامج لما بيفتح النوتة بيطلع النغمات فقط يعنى كل الكلام العربى اللى على النوتة مش بيشوفه اصلا ولا المرجعات ولا السينيو ولا اى حاجة غير النغمات الموسيقية فقط ولا حتى الدليل .. وبعدين لما تكون النغمات فى المازورة سهلة بيطلعها صح اما لو معقدة او صعبة شوية ممكن يحصل فيها لخفنة .. اقصد انك حتى لو نزلته واستعملته خلى بالك انك حاتصلح حاجات كتير اوى مش حاتطلع النوتة مقشرة
ختاما ارجو من اخى العزيز يحل لكم مشكلة الكراك عشان بدونه البرنامج حايبقى مالوش فايدة اصلا واحنا اهم حاجة عندنا انكم تستفيدوا

**عادل الغامدي** · #2 01/04/2016, 01h48

السلام عليكم ورحمة الله وبركاته
استاذ عادل
عندي مشكله في دخولي مع الايقاع وقت العزف
لما يشتغل الايقاع اسير اعزف في وادي والايقاع في وادي اخر
والمشكله الثاني اني ما اعرف اختار ايقاع للاغنيه

اقدر اعزف بدون ايقاع
ولما اشغل الايقاع ما اعرف اعزف مع الايقاع

اتمنى تفيدني وتعلمني

اخى العزيز شكلك كده بتعزف اورج ؟
حل المشكلة دى انك تقعد من حد بيعزف اورج يعلمك تعمل ايه ... يعنى انت بتعزف بسرعة معينة .. والايقاع الاليكترونى بيعزف بسرعة محددة او انت بتختارها بالطبع لو انت ما التزمتش بالسرعة الاليكتونية دى حاتفرق عنها لكن لو حد معاك بيعرف فى الموضوع ده يعنى بيعزف اورج بالايقاع يوريك تعمل ايه او يقول لك الخطأ قين مع الاسف انت لو عندنا فى القاهرة انا كنت ساعدتك ويستحسن اختار الاول اغانى سهلة او حتى عارف اغانى واناشيد الطفال اللى انا بدونها لأن الاسقاع معاها سهل غير الاغانى الصعبة عايزة اختراف شوية
اطيب تحياتى عادل صموئيل

**مينا رضا** · #3 10/04/2016, 10h45

عند تشغيل البرنامج بيقراء النوتة لكن ببطء شديد
مع العلم اني حاولت اسرع التمبو لكن نفس المشكلة ارجو الحل

**bourhan assi** · #4 14/04/2016, 14h03

السلام عليكن من كل قلبي أشكركن على هذا المنتدى الجميل فأنا شخصيا قد استفدته منه واتمنا ان أقدم شيأ قد يستفيد منه أحد منكن . اما في مجال الموسيقا فأنا غير دارس لها وانما عندي شغف في العزف طبعا سماعي وقد استفدة من هذا المنتدى في قرأة النوته أما في مجال الكمبيوتر عندي بعض الخبرة . طبعا اذا ما بحثنا في مايقدمه الكمبيوتر في الموسيقا هنالك العديد من البرامج الموسيقيه ولكن أفضلها ثلاث
1 sibelios 7.
2. Finale
3. Guitar pro 6
وهنالك برامج لقرأة ملفات pdf الموسيقيه
Photo score 8
Smart score x 2
كلها برامج ضخمه وغير مجانيه ولكن نستطيع تحميلها بشكل مجاني مهكرة ولكن عن طريق ملفات التورنت . ومن ليس لديه المعرف بل التورنت علق على المشاركه وسأقوم بل الشرح
اخى العزيز
اهلا بك فى المنتدى انا اشكرك على كرمك وذوقك وتطوعك لخدمة الاخوة الاعضاء لننا كل واحد مننا بيقدم اللى يقدر عليه لإفادة الآخرين
بالنسبة للبرامج الموسيقية ..انا شخصيا بستعمل برنامج انكور وقدرت اروضه او اوظفه بحيث انى بكتب عليه كل تدويناتى ووصلت لدقة تصل الى 100% احينا فى المشكال الشرقية لن البرنامج غرى طبعا لكن لما بدون النغمات الشرقية انصف بيمول والنصف دييز بتبقى شكلا فقط يعنى العازف بياخد النوتة ويعزفها وبيعزف النغمات الشرقية لكن البرنامج نفسه لو غاناها بيغنيها بيمول او دييز حسب طبيعته
اما بالنسبة للبرلمج الى بتقرأ ملفات ال pdf الموسيقية انا شخصيا مش بستعملها لأنى مدون بعمل شغلى بنفسى .. لكن احب جدا ان حد منكم يقدمها للأخوة لاعضاء تفيدهم كتير جدا ...
طبعا انا بستعمل خبرتى الكبيرة عشان اقول مشاكل البرامج .. لأن اى عضو ماعندوش خبرة لما بيلاقى اسم رنان بيتجنن طبعا يحصل على البرنامج لكن لو استعمله كتير جدا بيبقى عقيم وفى منتهى العقم يعنى .. يعنى فيه برنامج بيتوصف بأنه بيحول الملفات الصوتية الى نوتة .. ده بينفع فى حالة واحدة فقط .. انك لو دونت لحن او صفحة موسيقية على البرنامج اللى انت بتستعمله مهما كان وقتها لما تحول الملف لميدى ممكن يفتح على برنامج آخر لطن طبعا البرنامج م حايقرا النغمات الشرقية ولا الدليل يعنى البرنامج بيقرا نغمة نغمة والدليلبيضعه فى الطريق يعنى لو الدليل سى ومى بيمول مثلا وهنا لازم فى البرنامج الاخر لازم انك تحط الدليل يعنى تقف على اول مازورة وتختار الدليل حتلاقى تكرار النغمات دى اختفى ثانيا البرنامج الاخر مش بيشوف الاضافات اللى فى النوتة زى المرجعات .. بيكتب الجملة نرتين ولا اى علامات سوى النغمات الموسيقية والعلامات الايقاعية فقط .. اهم حاجة فى كلامى انا قلت الملف لازم يكون مكتوب على برنامج موسيقى لأنه بيكون بصوت ابيانو والايقاع دقيق بنسبة 100% لأنه كمبيوتر .. لكن لو انت عزفت تى على بيانو لحن وسحلته وحبيت تفتحه على برنامج موسيقى حاتشوف حوادث .. لأن الزمن بتاع العزف بتاع احسن عازف فى العالم مش بيبقى مضبوط ومحدد زى الكمبيوتر .. يعنى انت لو عزفت اربعة نوار دو رى مى فا .. اكلمبيوتر بيدونهم النوار زمنها بمنتهى الدقة اما الزف ممكن زمن النوار الوحد يزيد شعرة او ينقص شعرة ممكن انت ماتحسهاش فى السمع لكن البرنامج بيقرا الشعرة دى يروح مدون النغمة فى علامة ايقاعية تكون صعبة جدا جدا يعنى فيها كذا كواتريبل كروش .. اما لو فتحت اغنية مثلا على البرنامج حنشوف العجب .. لأن الاغنية بتبقى آلات مختلفة ونغمة دو مثلا ذبذبتها بتخلف من آلة لآلة اخرى ده بيعمل تشويش على الكمبيوتر يكتب لك شخابيط لأنه مش سامع شى محدد زى ما يكون اللحن مكتوب على برنامج موسيقى ... وصلت الفكرة ؟ اما بالنسبة للبرامج اللى ممكن تفتح ملف ال pdf فيه برامج كتير ولازم حد يجرب اى منها بديك نتيجة اقل مشاكل .. لكن برضو لازم حاتغير حاجات كتير البرنامج مش حايقراها ..
المطلوب : انهو اكتر برنامج فى المفات اللى بتقرا pdf وتحوله نوتة يكون ادق اكتر من الآخر يعنى لو عندك البرامج دى عندك هنا نوتات كتير جدا من تدوينى جرب فيها فى كل برنامج على حده ... شوف البرنامج اللى بيحتاج تصليح اقل يعنى وندرسه سوا اما طريقة تنزيله نتفق عليها لأن البرامج جى احيانا بيبقى حجمها كبير ... ونطمع بعد كده فى اشرح منك وانا متابع معاك
مع اطيب تحياتى عادل صموئيل

**عادل الغامدي** · #5 17/04/2016, 08h59

السلام عليكم
نتمنى من كل قلوبنا بان تتحفنا بالبرنامج كامل وطريقه التعديل عليه لكي تسنى لنا سماع عزف النوته كامله وصحيحه
وتشرح لنا الطرق الصحيحه لنقل والتعديل

sibelios
Photo score 8

نتمى من الاداره الموافقه على تنزيل البرنامح وشرحه من الاخ bourhan assi

**bourhan assi** · #6 19/04/2016, 16h45

السلام عليكم
متل ما قلت استاذ عادل ما في شي مستحيل كل مشكله والها حل . على كلن انا حابب نزل كل البرامج القيمه على هذا المنتدا . بس في مشكله كل ما اضغط مشاركه بيكتب لست عضو مفعل لاني حابب أكتب عنوان جديد . على كلن هلق انا فيه بس علق على منشور الحالي .لله يعطيهن العافي الاعضاء قدموا برنامج لقراءة PDF بس البرنامج صار قديم . هلق في برنامج جديد وعم يقدم ميزات أفضل ولي هوي photo score 8 برنامج رائع ميزاتهه:
١ قارء PDF
2 قارء صور
٣ فينا نكتب نوته نوته بخط أيدنا ونزله عاليه عن طريق سكنر
٣ طبعا سهل التعديل على النوته أذا كان في أخطاء بل القرأه
٤ في برنامج أضافي بجواته اسمه notate me خاص لشاشات اللمس فينا نكتب نوته عن طريق الفاره أذا كانت الشاشه عاديه او بل القلم الألكتروني أذا كانت الشاشه لمس
البرنامج على الرابط

https://drive.google.com/file/d/0B4F...w?pref=2&pli=1

وملف الباتش بل مرفقات .... بس الي سؤال استاذ عادل كنت قد شاركت بنوتة نقلته انا على
سبيليوس بس ما انعرضت شو السبب ؟؟؟
اخى العزيز اولا اشكرك على محبتك
هو فيه مشكلة فى السرفر او ممكن حد مظبطها من ادارة المنتدى مش عارف .. المشكلة هى ( وانا احب اقول حل كل المشاكل ) لما اتجدد الاشتراك بتاع سيرفر المنتدى السنة دى ( لأنه كل سنة بيتجدد بمبلغ كبير يعنى ) لاحظنا ان لو عضو جديد دخل بيكتب مشاركة بيبقى عندو رقم المشاركات 1 ولو عملعشر مشاركات بيبقى الرقم 10 وهكذا حتى لو اى عدد رصيده بيزيد .. وكل ما العضو بيزيد عدد المشاركات بيكسب ميزات اكتر فى التحميل والرفع .. يعنى الاول بيبقى ضيف بعدين بيبقى عضو بعدين بيبقى مواطن من سماعى .. المهم ان السيرفر لما اتجدد عداد المشاركات وقف يعنى انت لو 3 مشاركات طالما مانزلتش مواضيع مش ردود فقط يعنى بيفضل واقف عند رقم معين .. حتى انا كانت مشاركاتى قبل التجديد تتعدى 2000 مشاركة بعد التجديد صاروا عدد اقل كتير . انا مش بهتم بعدد المشاركات يعنى مش كل مرة اشوف زادت ولا لأ .. انا راجل بتاع شغل مايهمنيش الحاجات الصغيرة دى
ممكن النوتة اللى بتقول عليها انت نزلتها ازاى ؟ يعنى لو نزلت ملف سبيليوس طبعا مش حاينزل لأن فيه جدول او نافذة بتظهر عندك لما تحب ترفع حاجة بيحدد لك الامتدادات الى ممكن تنزل والبرامج الموسيقية مش فيهم .. يعنى ممكن تنزل الملف pdf وجرب او حولها لصورة .. يعنى هنا انت منزل ملف مضغوط والمنتدى قبله لأن بيقبل الملفات المضغوطة فهمت قصدى ؟ مع اطيب تحياتى

**عادل الغامدي** · #7 21/04/2016, 06h20

السلام عليكم ورحمة الله وبركاتة
الاخ bourhan assi

نشكرك على البرنامج سوف اجرب البرنامج واتاكد من الباتش ومن عمله بطريقه صحيحه ولاكن
ياليت لو تنزل موضع كامل على البرنامج تشرحه فيه طريقه النقل والتعديل وتحويل النوته الشرقيه وبعض مميزات البرنامج
لكي يستفيد الجميع

**ياسمين الشام** · #8 09/01/2011, 18h31

اقتباس:

المشاركة الأصلية كتبت بواسطة هارموني

ألف ألف شكر على هذا البرنامج .
اما النسبة ل ياسمين الشام لكي تفعلي البرنامج يجب أن تضعي الكراك في مجلد البرنامج الموجود في programme file
ثم نضغط على الكراك .
بعدها ندخل بيانات التسجيل الموجودة في serial.txt
بعد عملية التسجيل نقوم بإنشاء راكورسي racourci إنطلاقا من الكراك وبه نفتح البرنامج دائما .
يجب حذف الراكورسي الاصلي للبرنامج حتى لايطلب لك التسجيل مرة أخرى .
بالتوفيق لكم جميعا وشكرا لصاحب البرنامج مرة أخرى

شكرا لك اخي على الأيضاح لكن البرنامج لايقرا سوى صفحة واحدة هل تعانون من نفس المشكلة أم أني لم ف بعد طريقة الترخيص

**قصي الفرضي** · #9 10/01/2011, 15h08

الاخ يسري
السلام عليكم

شكرا جزيلا على هذا البرنامج الرائع وكذلك الكراك الذي لابد منه والذي اضافه الاخ مراد مشكورا .
البرنامج يعمل بشكل طبيعي ولكنه لايستطيع قراءة بعض النوتات والتي دونها الاستاذ عادل صمؤيل والموجودة بهذا المنتدى بالرغم من عدم وجود ربع تون فيها مثل نوتة على شط بحر الهوى لكنه استطاع قراءة نوتة بحلم بيك وانا قلبي دليلي ولا اعلم السبب فهل يمكن ان توضح لي ذلك ان كان بالامكان وهل بامكان هذا البرنامج ان يقرأ ربع تون مع الشكر والتقدير ....

تحياتي ..
قصي الفرضي / العراق بغداد

**Mariamjar** · #10 11/08/2020, 16h58

مرحبا .. لا استطيع تنزيل البرنامج اذا ممكن مساعده