دروس النوتة - للأستاذ محمد الألاتي - الصفحة 3

**محمد روز** · #1 16/05/2015, 14h46

السلام عليكم

تحية وطيبة وبعد

كيف احدد من خلال قراءتى للنوتة نغمة الركوز حتى استطيع احدد بداية نغمة المقام ومن خلال دلييل البيمولات والديازات استطيع ان احدد مقام الاغنية حسب ابعاد كل مقام. ولكن مشكلتى هى كيف احدد درجة الركوز النغمية الاساسية من خلال النوتة

على سبيل المثل مثلا اغنية ( مصر هى امى ) من تدوين الاستاذ عادل ( سى ولا و المى بيمول)

واعتقد والله اعلم ان درجة ركوز الاغنية هى درجة المى لذلك يكون ماجير من نغمة المى ارجو الاجابةة لانى بحيره

ملحوظة:

لا احصل على رد عن تساؤلاتى بموقعكم الجميل ولا اعرف السبب هل ان استفساراتى لاتصل اليكم بحكم انى عضو جديد بس انا بقالى اكتر من كم شهر معاكم

كل التقدير والاحترام

محمد

**MOHAMAD ALSAHIR** · #2 29/04/2017, 23h12

دكتور حسام اشكرك من كل قلبي انا اسمي محمد من سورية مقيم في مصر ولي سنتين بعزف عود ولكن النوتة سهل انو اتدرب عليها ولكن نحن نقرأ الكلام الذي تكتبه ولا يمكن تطبيق عملي ان كان بشكل صولفائي او عزف ما الحل

**Mlotfy** · #3 27/07/2018, 18h51

السلام عليكم
اذا سمحتوا لي بالسؤال, انا بتعلم بيانو جديد وفيه بالنسبالي شيئ مش مفهوم في قراءة النوته. مثلا عند البحث عن نوته لاغنية جديدة بلاقي النوته علي مفتاح الصول فقط يعني المفاتيح اللي بيتم عزفها باليد اليمني ولا اجد في النوته الجزء الخاص بمفتاح الفا او المفاتيح التي يتم عزفها باليد اليسرى. في المعهد في تمارين البيانو دايما الدروس بيكون النوته فيها الاتنين الصول والفا وبالتالي بعرف كل ايد بتعزف ازاي ولكن الاغاني ع الانترنت بلاقي نوته مفتاح الصول فقط. ارجو المساعدة

**atayeb** · #4 02/08/2020, 20h29

جزيل الشكر لحضرتك أستاذنا العظيم أستاذ محمد القيمة و القامة

الصراحة منتدى محترم جدا جدا جدا فى الحقيقة يضم الكثيييير من عظماء الفن الجميل بتواضعهم و أدبهم الجم مع أنهم قيمة و قامات عظيمة فى الفن و الطرب .. بجد فعلا الواحد بيشرف إنه بينتمى لهذا المنتدى أو بالأحرى الصرح العظيم ... مع ان ظروف عملى كمدير للمشروعات لا تسمح لى بالكثير من الوقت للإستمتاع فى هذا الصرح العظيم و لكن وجب شكر كل الأساتذة العظام القائمين على هذا الصرح العظيم على ما يبذلوه من جهد لإمتاع العالم العربى كله بدون أدنى مبالغة .. فلكم كثيييييير حبى و إحترامى و تقديرى و عرفانى لكم بالجميل

**صالح 1972** · #5 01/01/2025, 15h41

ممكن النوتة الإيقاعية لهذه التمارين

**الألآتى** · #6 05/06/2007, 12h08

أهلاً وسهلاً بالأخت العزيزة نانسى ..

أنا أيضاً سعيد بوجودك معنا .. وأتمنى أن تستفيدى من الدروس .. والمنتدى عموماً .. طالما أنت تحبين الموسيقى والغناء الشرقى القديم .. فستجدين مكانك معنا .. ومرحباً بك ..

**أمين صدقي** · #7 11/06/2007, 09h31

دائما على الانترنت يصدمنى الفرامل على غفلة .. كل فنان فى مجاله يبدأ دروس فى منتهى الجمال و فجأة يسف الشريط ..
يا عمنا محمد الآلاتى .. يا ابو حسام الغالى ..
و النبى يا شيخ تكمل ..
و ياريت تحقق طلب اخونا MMS2006AA اللى من فصيلتى فى حكاية الملفات الصوتية المرافقة .. و بلاش حكاية الشرح بالكلام لو هاتبقى متعبة و نمشيها نماذج ..
و حسنة قليلة تمنع بلاوى كتيرة و هنيالك يا فاعل الخير .. لان حكاية البحث عن محترف يعلمنا دى..
لامؤاخذة يعنى الحصاوى اللى من فصيلتى ما ينفعوش محترف و خليها مستورة اللى يسترك ..
و اصبروا علينا و على طلبات المعوقين اللى زينا ..
ده احنا ماصدقنا لقيناكم ..
والا يعنى الفرصة راحت خلاص و يبقى الحب من غير امل احسن معانى الغرام ..
فى انتظار التكملة و حتى النهاية يا استاذى العزيز ..

تحياتى
امير المصرى

**unicorn** · #8 21/06/2007, 08h07

اخونا الاكبر و استاذنا الجليل ا / محمد الالاتى
دروس حضرتك ممتازة فعلا و مبسطة جدا و مفيدة و يعلم الله اننا بدأنا نفهم طلاسم النوتة جزاك الله كل خير على هذا المجهود الكبير.
حضرتك عارف ان الموضوع كله مش سهل و خصوصا انه بالتعلم عن بعد , لذا اقترح على حضرتك اعطاء امثلة موسيقية سواء من اغنيات او مقطوعات موسيقية اثناء الشرح و دى حاتفرق معانا كتير اوى.
يعنى مثلا فى موضوع الازمنة فى الدروس الاولى لو ممكن اعطاء امثلة لتصور زمن كل نوتة و لتثبيت فهمنا بمعرفة ازمنة النوتات بمعنى ان تتفضل بمثال كما فى المقطع الفلانى من غنوة كذا او مقطوعة كذا
كذلك مع باقى الدروس يا ا/ محمد لو مثال موسيقى صغير مع كل درس حانفهم اسرع حبتين و متابعتنا حاتكون اكثر تفاعلا مع الدرس.
اسفين على التثاقل عليك يا استاذنا ربنا يخليك لينا و سماعى دايما عامر بأساتذته امثال حضرتك و استاذ احمد الديب.

**الألآتى** · #9 21/06/2007, 23h22

أخى العزيز ..

لقد أجبت على هذه الجزئية من قبل .. وأكرر هنا أننى سأحاول بمشيئة الله تحضير مجموعة من الدروس مدعمة بالملفات الصوتية لتقريب الدروس للأذهان ..

والكلام موجه لأخى العزيز أمير المصرى أيضاً ..

تقبلوا جميعاً تحياتى ..

**سامى امين** · #10 04/04/2010, 07h00

مستر محمد بليز اغنية ياواد ياتقيل حجاز ولا نهاوند ولا نهاوند حجازى انا عارف انك اتخنقت منى لكن اكيد حضرتك مابتفضش لحد مش هاسئل تانى غير بعد امتحانات الثانوية العامة