طلبات نوتة - الصفحة 28

**وائل** · #**271** 21/03/2010, 01h57

اقتباس:

المشاركة الأصلية كتبت بواسطة عادل صموئيل

احبائى
اقدم لكم بناء على الطلب الجماهيرى
تحفة فريد الطرش
جميل جمال
مع اطيب تحياتى

تحياتي لك على هذه النوتة الرائعة واود ان الفت انتباه حضرتك ان اللازمة الي بعد جملة جميل جمال هي دو سي (ناتورال) دو وليست دو ري دو-- انا سمعتها كتيررررر ومتاكد منها
وباقي النوتة زي الفل
وتسلم ايدك

تفضلو جميل جمال من عزفي المتواضع جدا-- تصدقوني لو قلت لكم ان اول مرة اعزفها كانت امس؟؟؟؟ لما شفت النوتة من اخونا عادل امبارح في وقت متاخر لم اتمالك نفسي لانني بحبها اوي بس من زمان مسمعتهاش فرحت اسمعهاقبل ماعزفها عشان اخذ احساسها وانا بحب النهاوند كتيرررررررر-فطبعتها وتمرنت عليها شوية وكنت سهران للصبح لما نزلتها يعني كنت بعزفها وانا شبه نايم قلت لازم اسمعهلكم زي ماتطلع معايا- اعذروني الجايات احسن انشالله
تحياتي

**وائل** · #**272** 21/03/2010, 18h38

اقتباس:

المشاركة الأصلية كتبت بواسطة وائل

اخي وعزيزي عادل ازيك يا زعيم؟
كان في طلب ليا قديم ياريت تكون فاكره وهو انا بعشقك للعبقري بليغ و ميادة اتمنى متكنش ناسيه وانا عندي كوبليه واحد فقط مع المقدمة وهو الموجود في المنتدى لكن باقي الاغنية ناقصة
انتظر ردك يا غالي
وتحياتي لك ولجميع الاخوة
اخوكم وائل
اخى العزيز
ممكن تنزل لى النوتة اللى بتقول عليها وتسجيل الاغنية
اشوف النوتة واقول لك وانا كان ممكن اكملها
مع تحياتى عادل صموئيل

اخي عادل والله انت راجل سكرررررررررررررررره الواحد مابيلحقش يطلب منك حاجة الا وترد عليه في اسرع وقت لك كل الشكر والامتنان والتقدير على هذا الاهتمام البالغ يا زعيم
تفضل النوتة- انا بعشقك-- والله انا اللي بعشقك
تحياتي لك - وابقى اتسلى كده وانت بتسمع جميل جمال وادينا رايك
اخي عادل ياريت تنوت انا بعشقك كاملة لانها ناقصة حتى بعد ان اضاف الاخ سليمان كوبليه الصبا مازالت النوتة ناقصة
وحضرتك عارف الروائع الي زي دي مينفعش تكون ناقصة وانت سيدي العريفين بقيمة الاعمال دي-- عشان كده ياريت يا استاذي تنوتها كاملة
بشكرو وتحياتي-- وائل

**slimanaa** · #**273** 21/03/2010, 19h02

اخي وائل ولكل الاخوه الي طلبو نوته انا بعشقك.اخواني انا زيكوم طلبت النوته منذ فتره وخاصة كوبليه الصبا ومحدش قدر يساعدني اما بفضل الفنان فادي تمورعازف الكمان من قسم المبدعون لقد قام بتدوين كوبليه الصبا خصيصا لي عندما طلبت النوته من حضرتوا وانا بوجه تحياتي للاستاذ فادي والله يديمك حبيبي.وانا اليوم راح ارفع النوته كوبليه الصبا من اغنية انا بعشقك تدوين الاخ فادي تمور وهي مزبوطه100/100 وسهله للعزف تفضلوا.....

**ملحن مصري** · #**274** 22/03/2010, 20h42

وآدي نوتة ودع هواك تدوين الأستاذ عادل صمويل

أخوك تامر عامر
ملحن مصري

**عادل صموئيل** · #**275** 23/03/2010, 19h12

اخوتى الأحباء
طبعا انا اشكر اخى العزيز الاستاذ عاصم المنشاوى على شعوره الجميل وان شاء الله ربنا يكرمنا كلنا وانا طبعا اتمنى اشوفكم كلكم واجيب معايا كمنجتى اسمعكم شوية من كمنجة الزمن الجميل اللى مع الاسف ابتدت تنتهى يعنى زمننا كنت لما تسمع ام كلثوم او اى عملاق تحس ان الكمنجات هى كل اللحن عشان كده بتسمع طرب لكن النهاردة اولا فى الفرق دور الكمنجة تقريبا ضاع وثانيا فى الصولو بقى العازف مش بيسمعك طرب ولكن بيستعرض مهارته وتكنيكه على حساب الطرب , إن شاء الله .
واشكركم كلكم على شعوركم الجميل
واقدم لكم رائعة عبد الوهاب
هان الود
اتمنى تعجبكم هى كانت انطلبت من مدة وده برضه يؤكد لكم انى مش بنسى طلبات حد منكم
مع اطيب تحياتى

**عادل صموئيل** · #**276** 24/03/2010, 13h58

اخوتى الأحباء
مش عارف ارد على حبكم ده اقول ايه لسببين
اولا لأنى بتكسف
وثانيا لأنى عادة اعمل فى صمت ولا انتظر مقابل عملى يعنى احب اعمل حاجة تفيد الناس يعنى احس بس انها بتفيدهم دلوقتى وبعدين حاجة زى الصدقة الجارية كده .
ويسعدنى ان اقدم لكم
مقدمة مسلسل ارابيسك
دى بالذات تعبتنى جدا لعدة اسباب يعنى عشان اكتب سطر فيها زى ما اكتب صفحتين فى اغنية لأم كلثوم بس انا تحديتها لحسن حد ممكن يقول ماعرفتش ادونها
ومشكلتها مشكلة الأغانى الحديثة يعنى تتسمع بس ولو سمعتهم التسجيل اول مشكلة فيه صولو القانون انا كاتبه هنا بسرعة 180 بس هو سرعته توصل ل 200 يعنى اى عازف ان ماكانش على نفس قوة اللى عوزفه فى الشريط مش حايقدر يعزفه
ونيجى للغناء تلاحظ فزلكة وكلكعة يعنى لو قارنته بأم كلثوم مثلا تلاحظ الجملة الموسيقية مهما كانت صعبة لكن صريحة ولما بقول ام كلثوم مش معناها ام كلثوم بس ولكن اغانى ام كلثوم لو كانت مليانة فزلكة ماكانت عاشت ام كلثوم لأن اهم شىء اتعلمته انا من عمالقة الزمن الجميل انك تعمل شغل 95% على مستوى الشعب عشان الشعب يفهمه وخمسة % تتفزلك لو حبيت ( عشان يعنى تعقد الموسيقيين ) وطبعا كان كل الاجبال من 1940 لحد انهايار زمن الفن الجميل بيعملوا كده يعنى قارن بين موسيقى وغناء مسلسل ارابيسك وبين حيرت قلبى او حب ايه او امل حياتى تلاقى الجملة عند ام كلثوم لو عادتها 3 مرات وانت بتسمعها اول مرة تكفى انك تتفهم الجملة 100% وتغنيها او تعزفها , لكن طريقة التلحين الحديثة انك ممكن تسمع الجملة 100 مرة وماتوصلش
طبعا انا حاولت ابسطها على قد ماقدرت عشان تقدروا تعزفوها وربنا يستر .
فيه ملحوظة تانية الحان الحديثة مليانة توزيع احيانا بيكون اكتر من الازم بس اصلهم بياخدوا فلوس على كتر او زحمة التوزيع وده بيخليك لما تحاول تعزف اللحن على آلة واحدة بيبقى ففقير اوى لأنك بتعزف جزء من حاجات كتير بعكس حيرت قلبى وحب ايه ممن بالعود فقط تعزف اللحن كله وتوصله 100%
مع اطيب تحياتى عادل صموئيل

**عادل صموئيل** · #**277** 25/03/2010, 14h25

احبائى
اقدم لكم رائعة فريد الطرش
قالت لى بكره
من طابور الطلبات
بس خلوا بالكم لأن معظمها ادليب
اتمنى ان تسعدكم

**وائل** · #**278** 25/03/2010, 17h26

تحياتي للجميع
دي اغنية وحشتني من عزفي المتواضع على العود
بتمنى تعجبكم

**عمرو الهنداوي** · #**279** 25/03/2010, 17h36

يا وائل اهى النوتة بس اعزفها وقولى هى ما تقصد ولا لا

**عادل صموئيل** · #**280** 25/03/2010, 18h31

تخيل ياوائل
انى مع انى شاكك انى دونتها زمان دونتها تانى بسرعة والسبب ان دى من اللاغانى اللى انا بحب ادونها
بس هى فيه ملحوظة ان الاغنية دى لها اسمين مشهورين
رايداك
يامسافر وناسى هواك
انا نفسى كل واحد منكم يعمل لنفسه ارشيف يعنى من اول صفحة فى طلبات النوت يكتب اسم النوتة ورقم الصفحة
مع اطيب تحياتى عادل صموئيل