أحبائى
اعتذر عن الغياب لمشغوليات كثيرة
انا دخلت المنتدى اطمئن على احوالكم
وجدت طلبات للأخ العزيز عزت شحاتة وانه مزنوق فى حفلة
انا بقدر الإمكان كتبت لك نوتة والله لسه بدرى
اتمنى تحل معاك مشكلة
وربنا يسهل لو الحق اكتب حاجة تانية لأنى مش عارف الأمسية بتاعتك امتى مع اطيب تحياتى
السلام عليكم ورحمة الله وبركاته تحية طيبة لكافة الاخوان و الاخوات بمنتدى سماعي ورمضان مبارك على كافة الاحباب والاصدقاء. اما بعد فلي طلب للاخ الفنان وسام اكرم وهو اول طلب لي و يتمثل في اعادة كتابة هده الاغنيات بصيغة واضحة لان هده النسخ ليست واضحة بالمرة و هي اغنية مستنياك لعزيزة جلال و 5 اغنيات قصيرة للسيد مكاوي بلاش معاندة و اغنية عطار و اغنية انا هنا يا ابن الحلال واغنية اسال مرة علي و اغنية وحياتك يا حبيبي و اخيرا اغنية على بابك سعاد محمد و لك مني كل الاحترام والمحبة و مشكور اخي العزيز وبارك الله فيك وفي اعمالك مع اطيب و ارق تحياتي القلبية اخوك هيثم الصالحي
---------------------------------------------------------
الاخ العزيز هيثم المحترم
تحية طيبة و ارجوا ان تكون بألف خير انشاء الله. مرفق مع هذه المشاركة مقدمة اغنية (مستنياك) و قد دونتها الى الاخ العزيز د هشام خلف لاعادة كتابتها على شكل (هارموني) و قد ابدع الاخ د هشام في عمل الهارمني لها. يمكن اعادة كتابتها اما بالكامل او الكوبلية الاول و لكن بصراحة احتاج الى بعض الوقت,, انا اريد تدوينها منذ زمن بعيد. سوف اقدر بكل امتنان صبرك معايا. ارجوا ان تستمتع بالمقدمة و الملف الصوتي بصيغة RM و تحتاج الى Real Player ليمكنك الاستماع اليه
مع اطيب الامنيات..
وسام
التعديل الأخير تم بواسطة : وسام اكرم بتاريخ 31/08/2010 الساعة 10h02
اقدم لكم نوتة
ليه خليتنى احبك
بناء على طلب اخى العزيز وائل وانا دونتها بسرعة لأنى حافظها طبعا
مع اطيب تحياتى
وانا اعتذر للطلبات القديمة لأن كتير منها انا مش حافظها يعنى بتحتاج جو معين عشان اسمعها كويس واستوعبها
والجو الكويس محتاج وقت فراغ وده غير متوفر حاليا
مع اطيب تحياتى
مستر عادل فية مقطوعة موسيقية قديمة قوى لكن صعبة بشكل اللى يعزفها يبقى فعلا بقى موسيقار شفتها فيديو عند خالى وهو من عشاق نجوى فؤاد لانة لبنانى مش مصرى قالى الموسيقى دى اسمها ست الحسن تعرف تعزفها انا هاقول نفس السؤال لاستاذ اديب ابو رومان تعرف تعزفها انا اقول يعرف بس ها يتعب جامد انا مش بطلب من حضرتك يا مستر تكتبها لكن لوكنت سمعتها قولى رئيك فيها ومين ملحن بتعها
الاخ العزيز سامي أمين
مقطوعة ست الحسن من ألحان محمود الشريف ، من مقام عجم الجهاركاه ، و هي مش صعبة ، و أنا كنت بأعزفها و بأعزف سولو الكمان من حوالي 30 سنة ، و أنا كتبت لك بدايتها من الذاكرة و الجزء الثاني مش فاكره و لا حتي فاكر مقامه ايه، لكن الجزء الثالث فاكر منه شوية و مقامه حجاز كار و ممكن اكتبه حسب ما اتذكرو أعذرني لو فيه بعض الاختلاف عن الاصل ، مرفق نوتة الجزء الأول و ملف صوتي ، مع ملاحظة أن السينو كان بيتم الرجوع إليه لاعادته بين الاجزاء الثالثة.
خالص تحياتي
__________________ ______________________ د.هشام خلف استشاري طب و جراحة العيون
صديقى المؤرخاوى/ عاصم الشناوى
اله يبارك فيك .. تأخيرى كنت بس مشغول حبه ..فى بدايات المدارس والخناقات على الجدول والحصص والفتره الصباحيه والمسائيه ..( وكفايه كده - ندخل فى المهم )
..بعد موسيقى التتر ..والتى تتسم بالغموض والتربص .. اقدم اولى النوت التى اخترتها وادخلتها على الاسكنار .. وهى رائعه العملاق محمد فوزى (تملى فى قلبى يا حبيبى ).. وهى من احدى اعداد المجله الموسيقيه التى كانت تصدر زماااااان
واقتنيت بعض منها من سور الازبكيه زمااااااااااااان لما كانوا البياعين بيفرشوا على الارض -.. والبياع اللى كان عنده الاعداد دى من المجله كان يصر انه يبيع العدد ب جنيه.. يا جبروته ( اللى كان ممكن اشترى بيه من عنده اربع كتب ).. اليكم النوته ..لحظه ..ارجع بالكاميرا تانى ..
اعتذار واجب النوته بهتانه شويه .. وانا كنت مستنى اعيد كتابتها .. لكن اعمل ايه فى حبيب قلبى ابو منشاوى واسلوبه اللى فعلا حرام ما يكونشى ليه سكه ف الصحافه..
اعتذار تانى ليكم .. نسيت اعذمكم على عرض فنى قمت بتقديمه يوم الخميس الماضى على مسرح قاعة منف بالعجوزه فى افتتاح وكان عرض الافتتاح لمهرجان نوادى المسرح( لقصور الثقافه) باسم (غناوينا) لفرقة قصر ثقافة مغاغه وحضره احمد مجاهد وهدى وصفى وحشد كبير من النقاد والمهتمين بالمسرح وكان العرض نتاج ورشه (الظواهر الشعبيه )مهتمه بجمع التراث الشعبى فقدمنا عرض ( مجموعه من الاغانى الشعبيه الخاصه بمجتمعنا المغاغاوى .. وايضا بعض الانشاد الدينى والترانيم والالحان القبطيه فى اشكال منفرده وفى تداخل وتضافر جميل ..وايضا بعض الحكاوى الخاصه بنا ..) والحمد لله خطفنا الاضواء وكان توفيق كبير .. وسوكسيه عالى جدا من الحاضريين .. ولقاءات صحفيه بقى .. ومقتطفات من العرض فى صباح الخير يا مصر .. ودريم والحياه و...
...
طولت عليكم - خدوا النوته وبعدين ..نزل ياابنى موسيقى التتر بتاع نهاية البرنامج
صديقى المؤرخاوى/ عاصم الشناوى
اله يبارك فيك .. تأخيرى كنت بس مشغول حبه ..فى بدايات المدارس والخناقات على الجدول والحصص والفتره الصباحيه والمسائيه ..( وكفايه كده - ندخل فى المهم )
..بعد موسيقى التتر ..والتى تتسم بالغموض والتربص .. اقدم اولى النوت التى اخترتها وادخلتها على الاسكنار .. وهى رائعه العملاق محمد فوزى (تملى فى قلبى يا حبيبى ).. وهى من احدى اعداد المجله الموسيقيه التى كانت تصدر زماااااان
واقتنيت بعض منها من سور الازبكيه زمااااااااااااان لما كانوا البياعين بيفرشوا على الارض -.. والبياع اللى كان عنده الاعداد دى من المجله كان يصر انه يبيع العدد ب جنيه.. يا جبروته ( اللى كان ممكن اشترى بيه من عنده اربع كتب ).. اليكم النوته ..لحظه ..ارجع بالكاميرا تانى ..
اعتذار واجب النوته بهتانه شويه .. وانا كنت مستنى اعيد كتابتها .. لكن اعمل ايه فى حبيب قلبى ابو منشاوى واسلوبه اللى فعلا حرام ما يكونشى ليه سكه ف الصحافه..
اعتذار تانى ليكم .. نسيت اعذمكم على عرض فنى قمت بتقديمه يوم الخميس الماضى على مسرح قاعة منف بالعجوزه فى افتتاح وكان عرض الافتتاح لمهرجان نوادى المسرح( لقصور الثقافه) باسم (غناوينا) لفرقة قصر ثقافة مغاغه وحضره احمد مجاهد وهدى وصفى وحشد كبير من النقاد والمهتمين بالمسرح وكان العرض نتاج ورشه (الظواهر الشعبيه )مهتمه بجمع التراث الشعبى فقدمنا عرض ( مجموعه من الاغانى الشعبيه الخاصه بمجتمعنا المغاغاوى .. وايضا بعض الانشاد الدينى والترانيم والالحان القبطيه فى اشكال منفرده وفى تداخل وتضافر جميل ..وايضا بعض الحكاوى الخاصه بنا ..) والحمد لله خطفنا الاضواء وكان توفيق كبير .. وسوكسيه عالى جدا من الحاضريين .. ولقاءات صحفيه بقى .. ومقتطفات من العرض فى صباح الخير يا مصر .. ودريم والحياه و...
...
طولت عليكم - خدوا النوته وبعدين ..نزل ياابنى موسيقى التتر بتاع نهاية البرنامج
صديقى العزيز ابو دم خفيف عزت شحاتة..الف مبروك على الأسكانر وايضا على العرض وكنت اتمنى منك ان تعطينا ميعاد عرضة فى صباح الخير يا مصر وعلى كل انا متأكد انك قمت بالواجب تماما..نوتة تمللى فى قلبى فعلا غير واضحة واسمحلى ان اهديك نسخة اوضح واسهل وتقبل منى كل التحية والأحترام اخوك......ارمندو
اخوتى الأحباء
كيف احوالكم جميعا
اقدم لكم نوتة طبعا احباب
انا دونت المقدمة والمذهب لأنها اغنية صعبة جدا يعنى انا اعتبرها تمرين تكنيكى مش اغنية طربية لأن من أهم مواصفات الاغنية الطربية استقرار المقامات لفترة حتى يحس بها المستمع , ناهيك عن اللازمات السريعة فى الرد على الغناء وهذا ما لا يستوعبه المستمعين العاديين , بعكس زمان ايام الفن الجميل كانت تلك اللزمات صغيرة او واضحة وغير معقدة يعنى ممكن اى مستمع حتى لو لا يكون دارساً للموسيقى او عازفاً يستطيع ان يستوعبها ويدندنها صح عندما يدندن الاغنية
المهم اتمنى ان تستطيعوا عزفها انا حاولت ابسطها بقدر الإمكان , لأنها معمولة لبيان الإحترافية العالية فى العزف
مع اطيب تمنياتى
رد: طلبات نوتة
العرض المتطور
