طلبات نوتة - الصفحة 25

**وسام اكرم** · #1 22/07/2010, 07h29

اقتباس:

المشاركة الأصلية كتبت بواسطة وليد100

السلام عليكم ورحمه الله وبركاته
اسف لانقطاعي مده ولكن عذرا كنت علي سفر والحمد لله وصلت بلدي مصر الحبيبه وكمان اشتركت في بيت العود وماشي الحال الحمد لله .
كل امتناني وتقديري للاستاذ / وسام اكرم علي كتابه عطشان ياصبايه وغيرها من الاغاني الرائعه . اما الاخوه ارمندو واحمد سنايم ووائل وهيثم وعمرو هنداوي والاستاذ عاصم المنشاوي فلكم مني كل الاحترام والود الخالص وعذرا اذا نسيت احدا فكلكم اخوه افاضل وسعيد بانضمامي الي هذا المنتدي المفيد والرائع .
وختامه مسك طبعا سلامي وتقديري الي الاستاذ / عادل صموئيل ولو اني عاتب عليه عدم النظر في طلباتي الخاصه بنوت ياتري يانسمه وراحت ليالي والدوامه ولكن التمس لك العذر لانشغالك واخيرا استودعكم الله الذي لاتضيع ودائعه

-----------------------------------------------------------
الاخ العزيز وليد
اشكرك جدا على كلماتك الطيبة. اذا كنت من محبي نوتات الاغاني القصيرة ,, مرفق مع هذه المشاركة نوتة و ملف صوتي لاغنية ( اوراق الورد) للفنانة القديرة وردة الجزائرية و ارجوا ان تستمتع بها. سلامي الى كل الاحبة ارمندو, نور الصباح, هيثم , عمرو, استاذ عاصم..........
مع خالص امنياتي
وسام

**عادل صموئيل** · #2 22/07/2010, 10h20

احبائى
اقدم لكم نوتة
من روائع ام كلثوم ومحمد الموجى
للصبر حدود
وفى هذه الاغنية ملحوظة مهمة كان فيها جزء بيقول واهى غلطة ومش حاتعود
هذا الجزء من المستحيل تدوينها كما تقولها ام كلثوم
لكن انا فكرت واخترعت لها طريقة بحيث اخضعها للتدوين بدون طبعا الإخلال بشىء فى الجملة لكن محتاجة ممنكم حساسية فى الأداء , ودى كانت مشكلة عند ام كلثوم بالذات يعنى انا حضرت تلحين وإعداد كل الأغانى الكبيرة اللى من 1970 وطالع لاحظت ان الملحن لما بيلحن لأم كلثوم ( وطان التحفيظ والبروفات عند ام كلثوم سماعى ولا نستعما النوتة ) كان الملحن بيعمل كل اللى فى نفسه بدون حواجز ولا قيود طبعا فرقة رائعة وام كلثوم يعنى مفيش عندهم موانع فى اى شىء وبينى وبينكم ما كانوش عاملين حسابهم ان ف يوم حا ييجى حد ويكتب الاغانى دى نوتة لأن اساسها انها طلعت سماعى واللى ينفذها بعد كده بيعزفوها سماعى لذلك كانت احيانا اجزاء كتير فيها من المستحيل تدوينها وده كان من اهم المشاغل عندى انى احل المشاكل دى طالما ان ابتديت ادون الاغانى الصعبة دى ولاحظتم طبعا انى بدون الاغنية من اولها لآخرها مش بترك منها فتفوتة , يعنى فيه ناس ممكن تدونجزء من الأغنية وتسيب الجزء الصعب ده
لكن فى الفرقة الماسية لما كنت بدون اى لحدن جديد لأى ملحن ما كانش فيه مجال انه يعمل جزء لايصلح للتدوين لأننا كنا اثناء التدوين بنحل المشكلة دى والملحن لازم يعمل تعديل عشان ما يحصلش مشاكل فى البروفات
ختاما اشكركم وانا طبعا بسبب مشغولياتى االكثيرة مش برد على طلباتكم لكن الحمد الله فيه فرسان جدد بيكملوا المسيرة
يعنى انا اليومين دول بحاول اعمل الاشياء العويصة اللى بصمتى الخاصة مفيدة جدا فيها واللى بتفيد عدد كبير من الأعضاء
مع اطيب تحياتى

**عادل صموئيل** · #3 22/07/2010, 12h09

احبائى

لفت نظرى وانا اتصفح طلب اغنية
حتجن ياريت يا اخواننا
بتاعة عمى الشيخ زكريا احمد
والنهاردة عندى نوبة كرم
الاغنية دى انا دونتها فى عشر دقائق
اقدمها لأخى العزيز ارمندو

وعلى فكرة النهاردة عندى على الغذاء جمبرى
اللى يحب يتفضل
وشكرا لأخوتى الأحباء وائل واديب

**عادل صموئيل** · #4 25/07/2010, 13h20

[QUOTE=السماعي;454700]سلام الله علكم لو تتكرموا بتوين هذه المقاطع الموسيقيه سنكون لكمYouTube - ‫ظ…ظˆط³ظٹظ‚ظ‰ طھط±ظƒظٹظ‡ ظ‡ط§ط¯ط¦ظ‡ ظ…ط¹ ط±ظˆظ…ظ†ط³ظٹط§طھ ظƒط§ط¸ظ… ط§ظ„ط³ط§ظ‡ط± ظ‚ظ…ظ‡ ظپظٹ ط§ظ„ط±ظˆظ…ط§ظ†ط³ظٹظ‡‬&lrm; شاكرين

اخوتى الاحباء
اقدم لكم نوتة هذا اللحن الجميل اللى عجبنى انا شخصيا ودونته لكم عشان تستمتعوا بيه معايا
اول شىء لفت نظرى انه حجازكاكورد وانتم بتحبوا المقام ده
ثانيا لو تلاحظوا اللحن سهل جدا لكن بيحتاج لمسة خاصة فى العزف يعنى انت تحط الحليات اللى تحسها
مع اطيب تحياتى

**عادل صموئيل** · #5 22/07/2010, 16h50

عزيزىنور الصباح
انا دونت لك اغنية
اتوب كما وعدتك
بس انا مقدرتش اكتب غير نصها
لأن الميزان ملخفن شوية فى الكتابة بيحتاج اداء صريح محدد زى بتاع الموسيقى العربية
ولكن عم الشيخ الظاهر اندمج وسخن وابتدا يغنى على مزاجه يعنى ابتدا يكسر الواحدة وطبعا من المستحيل كتابة الكلام ده
يعنى معاك نص الاغنية احسن من بلاش مع اطيب تحياتى

**عادل صموئيل** · #6 27/07/2010, 02h01

احبائى
افخر بان اقدم اليكم اغنية من العيار الثقيل جدا
الأغنية دى من اول ما طلعت انا عزفتها سماعى اكثر من 7000 مرة وانا دونتها من الذاكرة من غير الرجوع للشريط عشان اكتبها بمزاج عالى
انا كنت متخيلها سهلة بسبب انى عازف شاطر شوية يعنى ما صادفتش مشاكل من اى نوع لما كنت بعزفها لكن عند التدوين اكتشفت انها اصعب من ما تخيلت كتير
وكان دورى كما عهدتم انى حاولت ابسطها على قد ماقدرت
وان شاء الله ما يكون فيها مشاكل بالنسبة لكم لأن اللحن محفوظ عندكم
اقدم لكم رائعة ام كلثوم وبليغ حمدى
بعيد عنك حياتى عذاب
كاملة
انا كتبتها بطريقة اعتقد حتى لو تم تدوينها من قبل بتاعتى اسهل كتير
مع اطيب تحياتى وهيا سمعونا

**عادل صموئيل** · #7 28/07/2010, 14h07

احبائى
اقدم لكم وللأخت العزيزة انيتا
نوتة
منتش اد الحب يا قلبى
لسعاد حسنى من فيلم صغيرة على الحب
مع اطيب تحياتى

**عادل صموئيل** · #8 28/07/2010, 19h02

اخى العزيز وسام اكرم

انا شفت سؤالك عن ايقاع مقدمة رسالة من تحت الماء
احنا فى الفرقة الماسية عزفناها 4/4 مش 6/8 زى ما انت عملت ولما انت سألتنى حبيت آخد رأى الاستاذ محمد الآلاتى لأنه خبير فى الإيقاع
وهو انسان ممتاز جدا يعنى بيسعد لما حد يسأله فرد مش بس بالكلام لكن تعب نفسه وعمل ملف صوتى يشرح الموضوع
ومرفق سطرين انا كتبتهم زى ما كانت مكتوبة امامنا فى الفرقة الماسية ياريت انت تصلح النوتة بتاعتك وتنزلها تانى

http://www.4shared.com/audio/K2bUlw-D/__online.html

ده الملف اللى انزله الاستاذ الآلاتى
ومرفق السطرين

ادارة المنتدى حذفوا الامشاركة الاولى وحايحذفوا المشاركة دى بعد ما تقراها
وانا منتظر تصلح النوتة وتنزلها تانى
مع اطيب تحياتى عادل صموئيل

**وسام اكرم** · #9 29/07/2010, 11h22

اقتباس:

المشاركة الأصلية كتبت بواسطة وسام اكرم

----------------------------------------------
الاستاذ الغالي و الحبيب عادل صموئيل المحترم
اي كلمة شكر حتكون قليلة بحقك بجد. انا بعد مارفعت الملف و النوتة ,, حصلت على نوتة (رسالة من تحت الماء) كاملة من موقع (زرياب) ,, و هي قديمة و مكتوبة بخط اليد. الغريب ان هذا الجزء الذي دونتة كان على تقسيم 4/4 في هذه النوتة؟,, و هذا يعني ان النوتة اللتي كتبنها كلها خاظئة, و هنالك (زوايا) لم انتبه اليها و تحتاج الى تقييم اعمق و اكثر دقة
,, بصراحة لم احب ان ارفع الى المنتدى مشاركة خاطئة,,
ولهذا حذفت الموضوع بالكامل. اشكرك جدا على الملف الصوتي و النوتة المرفقة. سوف اعيد كتابة النوتة بعد الاستماع الى الملف الصوتي و استناذا الى النموذج الذي رفعة مشكورا,,, ومن ثم اعيد رفعها الى المنتدى,, مقارنة مع الملف الاول الخاطيء للمقارنة, و لكن احتاج الى بعظ الوقت لالاطلاع الدقيق و اعادة كتابة النوتة.
اقدم اليك خالص امتناني و شكري و كذالك خالص امتناني الى الاخ العزيز استاذ محمد الالاتي المحترم و اشكركم على تعبكم معاي......
المخلص
وسام اكرم
اخى العزيز وسام
عايز اقول لك ملحوظة انا لمستها ايام الزمن الجميل
زمان كان اهم شىء الحب بين الناس يعنى الاستاذ والتلميذ كان بينهم احترام وحب والاستاذ يحي يعطى تلميذه كل ما يعرفه وكان التلميذ بالتالى يذكر استاذه بالخير فى كل مناسبة ولولا ذلك لم وجدنا اصلا فن الزمن الجميل الذى ازدهر من عبقريات وامتدادها وتطويرها , يعنى استاذ عبقرة يعطى كل ما يعرف لتلميذه والتلميذ يطور ثم يعطى كل ماعنده لتلاميذه ومن هنا ظهر عبد الوهاب والسنباطى وكلهم , اما اليوم الاستاذ يعطى مقابل المال لذلك لن يعطى كل شىء فهو كالطبيب الذى يعالج المريض على قدر نقوده , يعنى ممكن يتركه يموت وفى استطاعته علاجه لكن يريد النقود اولا , ومن هنا اليوم لاتجد نجوما حقيقيين , ومن اهم مزايا منتدانا الحب يعنى كلنا بنستفيد من بعض , فيه كمان ملحوظة مهمة : اعمال العمالقة لابد ان يكون فى كل اغنية شىء مش موجود فى سواها , يعنى فى رسالة من تحت الماء انت لما تسمع المقدمة تعطيط الانطباع انها 6/8 ولكنها فعلا 4 / 4 ولكن معمولة بحرفية عالية تعطيك احساس ال 6/8 , عموما خذ وقتك على راحتك
مع اطيب تحياتى عادل صموئيل

----------------------------------------------------
حبيبي و أستاذي الغالي عادل صموئيل المحترم
اشكرك جدا على سرعة الرد و التعب الذي عملته معايا و من الاستاذ محمد ايضا. و لكن للعلم فقط انا طبيب بسيط مع كل الناس و لا اترك مريض يموت و انا اتفرج؟
عزيزي استاذ عادل
رفعت اليك النوتة الاولى على مقياس 6/8 مرفقة مع الملف الصوتي,, و النوتة الثانية اللتي كتبنها حظرتك اليوم صباحاعلى مقياس 4/4 و اللتي تشبهة النوتة الموجودة في موقع زرياب, و ايضا مع الملف الصوتي. بصراحة بعد الاستماع الى كلا النموذجين انا اصبت بحيرة شديدة و ذهول تام. يعنى اذا احد ما سمعني النموذج الاول,, اقول انه صحيح,, و بعد فترة اسمعني شخص اخر النموذج الثاني اقول انه صحيح ايضا؟ بصراحة انا لم افهم اين الخطاء الذي وقعت فيه و على الارجح انا و بدون قصد (حورت) النوتة لكي تلائم ايقاع (فالتس) 3/4 و اذى ذالك الى كتابة نوتة خاطئة, و الله اعلم. اول خطاء في التدوين هوا اني لم استطيع تمميز الميزان الايقاعي في المقدمة, على الرغم من ان هذه الاغنية اسمعها و بشكل منتظم منذ اكثر من 30 سنة. الخطاء الثاني اني لم استطيع تمييز تقسيم الثلثية في المعزوفة.
على اي حال انا سوف يسعدني جدا سماع رائيكم الكريم حول النموذجين , و كيقية تجنب الاخطاء اللتي حدثت وكيفية تفاديها مستقبلا و انا تحت امرك في اي طلب .... مع ارق امنياتي
وسام

**وسام اكرم** · #10 29/07/2010, 17h26

اقتباس:

المشاركة الأصلية كتبت بواسطة نقولا رفيق

أعزائي وسام أكرم والأستاذ عادل صموئيل
سلام المحبة والعطاء لكما وللجميع
إسمحوا لي أن أبدي رأيا ثالثا حول وزن مقدّمة رسالة من تحت الماء .
ألوزن الإيقاعي عند سماعي أنا للمقدمة الموسيقية هو حتما 8/6 وهو وزن غربي ليس له تعريف بالإسم ضمن الإيقاعات الشرقية , وهو ليس لإيقاع 4/4 البتة , والتدوين المرفق على وزن 4/4 هو خطأ من أساسه , لأن النغمة الأولى هي ثلاثية (نوار منقوط) وليست زوجية (نوار فقط) , وأنا شخصيا أدوّن تدويناتي على أساس الإيقاع وليس على أساس الموسيقى نفسها .
كامل محبتي لكم جميعا .
أخوكم
نقولا مرجية

-------------------------------------------------------
الاخ العزيز و الرقيق استاذ نقولا المحترم
اشكرك جدا على رائيك و مشاركتك في النقاش. مرفق مع هذا الرد نوتة قديمة ( بخط اليد ) حصلت عليها امس مساء من موقع زرياب. اذا دققت في المقدمة فهي مكتوبة على ميزان 4/4 . بصراحة انا لا اعرف من كتبها و لكن التدوين مطابق للنموذج الذي رفعة الينا الاستاذ القدير عادل صموئيل, و لهذا السبب انا حذفت المشاركة الاصلية حيث دونت المقدمة اطول من المرفوعة اعلاه. على اي حال ارجوا منك الاطلاع عليها ( المقدمة فقط ) و تعطينا رائيك الكريم مرة ثانية...
مع ارق و اطيب امنياتي
المخلص
وسام