أعمال من تنفيذ الفنان محمد الآلاتي - الصفحة 24

**الألآتى** · #1 02/04/2009, 02h23

اقتباس:

المشاركة الأصلية كتبت بواسطة سيادة الرئيس

تسلم يا عمنا و يسلم أستاذنا عادل

حلو الإختيار و حلو التنفيذ

أهو إنت إللى ستين تسلم ياعمى صلاح ..

من بعض ماعندكم ياأستااااذ ..

**الألآتى** · #2 02/04/2009, 02h22

اقتباس:

المشاركة الأصلية كتبت بواسطة رائد عبد السلام

فنان + محترف + حساس = محمد الآلاتي

أنا شفتك وإنت بتشتغل .....فعلاً فنان

شكر كبير للفنان المخضرم : أ/ عادل صموئيل

ميرسيه ياأستاذ رائد على حاصل الجمع .. ربنا يكرمك بحق جاه النبى ..

بس أنا أعرف إنك مدرس عربى .. مش حساب ..

**الألآتى** · #3 15/04/2009, 13h25

إخوانى الأعزاء

أغنية : عاليادى

كلمات : حسين السيد

ألحان : محمد عبد الوهاب

عزف وتنفيذ ومكساج والذى منه : العبد لله

وستجدون أيضاً موسيقى الأغنية بدون صوت المطرب ..

علشان أى واحد عايز يهبهب مايقوليش فين المزيكا ..

مش حارمكم من حاجة أهو ..

**ahmed noor** · #4 15/04/2009, 14h50

اقتباس:

المشاركة الأصلية كتبت بواسطة الألآتى

علشان أى واحد عايز يهبهب مايقوليش فين المزيكا ..

مش حارمكم من حاجة أهو ..

مفيش كلام فى الجمال ده كله يا حبيب الملايين ربنا ما يحرمنا منك

وبالنسبه للهبهبه : انا اول واحد برشح نفسى اهبهب

**star man** · #5 15/04/2009, 15h32

انا بقى اتفتحت نفسي على الهبهبه بعد اللي سمعته

شكلنا اتنينا حا نهيهب يا احمد

ههههه

بس الصراحة انا لسا مش حافظ الكلمات والاغنية فيها مجال للتنويع في الغناء بجد وشكلي مش حاعرف اهبهب واجود في الهبهبة الا بعد حين

**ahmed noor** · #6 15/04/2009, 15h56

ردى الاول كان على سبيل انى سمعت المزيكا بس

لكن يا ريتنى كنت سمعت الغنوه بصوت البلبل استاذى

والله ..جمال.. وحلا.. ونغم.. وحنان ..وحب.. وحرمان..

وكل لغة الفن الجميل فى صوتك يا فـــــــــــــنـــــــــــــانـــ

ربنا يخليك دايما بكل اللى يمتع سمعنا
......................................
انا بقه مستنى اسمع رد حبيبك وصديقك استاذ محمود سعد

**رائد عبد السلام** · #7 15/04/2009, 16h50

خلاص يا أبو حسام......كده بقي
أنا ح أعمل أكلاشيه اسمه:
الله ينور

ماهو كل عمل أحلي من اللي قبله ..!!

الله ينور ياعمي
محمد
يافنان يا متمكن من فنك
علي فكرة أنا اتعلمت منك حكاية
الصوت المستعار
وبقيت أعرف أكتشفه بنفسي ..
بالمناسبة كانوا عاملين برنامج عن جدك
الشيخ حسن الآلاتي
في البرنامج العام

الظاهر العبقرية وراثة

**كمال عواد** · #8 15/04/2009, 17h09

الاستاذ الالاتى................كل اللى اقدر اقوله بدون ماكثر فى الكلام والله صوت واحد عنده 20 سنه رقه وبراءة
مفيش بعد كده

اخوك الصغير كمال

**محمودسعد** · #9 17/04/2009, 07h08

بدايه
السلام علي من اتبع الهدي
السلام علي اهل البلد دي سماعي واللي منه سلام كبير لكل الناس اللي شرفونا ونورونا في فرح الالاتي ابو خالد اللي بيمسي علي كل المهبهبين اللي بيهبهبهم الالاتي وانا كواحد من المهبهبين الاوائل بمسي علي فصل تالته تالت وبصبح وامسي علي كل الاداره التعليميه الالاتيه المهبهبيه وعاش مولانا ومزازيك مولانا ويحيا محمد حسن الالاتي ويحيي ابوها وشنبو اللي ماحدش ضربو وعاش الزعيم المفدي محمد بك افندي خديوي الالاتي راعي شئون الموسيقي والتوزيع والتدريب والتعليم والتثقيف والتحليل والمو نتاج والمكساج والتهبيب
عاش مولانا ومزازيك مولانا حامي حمي الموسيقي العالميه الذهبيه التاريخيه الاصليه اللي مالهاش في المهلبيه عاش مولانا وتوزيع مولانا عاش سيدنا اللي بياخد ايدنا عاش عمنا اللي منا ومننا عاش الفقير الغني عاش الحنون ابو صدر يسيع العالم عاش مولانا وجنان مولانا عاش مولانا وجنان مولانا وعاش السيد محمد حسن الالاتي ابو خالد ابو محمد ابو حسام ابو الاصاله ابو الجدعنه وعاش مولانا وتعليم مولانا وعاش مولانا وشاي مولانا وسيجاره مولانا اللي بيشربهم وهو بيطبخ طبخه مولانا
عاش مولانا وطبيخ مولانا
عاش مولانا وتاريخ مولانا
عاش مولانا وتأريخ مولانا عاش مولانا ومزازيك مولانا ودماغ مولانا وعنين مولانا وايد مولانا والهوا اللي بيشموا ويستنشقوا مولانا
عاش محمد الالاتي
وربنا يديلك علي قد نيتك

يوعدك بزياره الحبيب النبي

**الألآتى** · #10 16/04/2009, 04h11

إخوانى الأعزاء

بناءً على طلب خاص من أخى وصديقى الأستاذ رائد المصرى

أقدم لكم وله اليوم نشيد : حى على الفلاح

كلمات : الأخوان رحبانى
وهناك معلومة تقول أنها من كلمات الشاعر عبد الوهاب محمد

ألحان : محمد عبد الوهاب

عزف وتنفيذ ومكساج والذى منه : العبد لله