طلبات نوتة

[وائل علوي]

اخواني واحبائي الغاليين
وحشتوني كلكم
اقدم لكم اليوم من عزفي البسيط رائعة الموجي وحليم قارئة الفنجان
واعذروني الملف حجمه كبير لاني بسجل باستخدام صيغة mp4 وبعدين بحوله الى mp3 وانا بستخدم جهاز موبايلي في التسجيل وهو لا يشغل الا mp4 وهي اجود وانقى وافضل من mp3 ده كلام اخصائي اكترونيات كنت رايح من فترة اشتري منه mp3 لما عرف اني بسجل ب mp4 قالي انصحك خليك عليها لانها مطورة واجهزة الموبايلات الجديدة مطورة ومعظمها بيشغل mp4 المهم لو حد يعرف برنامج ممكن نضغط بيه الملف بس مع الحفاظ على نفس الجودة يا ريت يدلني عليه
عشان كده انا رفعت الملف على موقعين واليكم الرابطين واتمنى ان تنال قارئة الفنجان اعجابكم
مع اطيب تحياتي
اخوكم وائل
ملاحظة: هنا ايضا اضيف رابط موعود على الفور شيرد لان الميديا فاير احيانا بيخرف وميرضاش يفتح

[سامى امين]

حضرتك يا مستر شرحت للGENIUS عمرو هنداوى اذاى بتكتب النوتة وكان فعلا سؤال مهم اشرح لنا يا مستر اذاى بستعمال برنامج كول ايديت بتقدر تاخد جزء من موسيقى معصلجة فى الحفظ تكررها منفصلة عن باقى الاغنية لحد ما تقدر تحفظها ودا كان فى اجابتك لعمرو هنداوى لما عملت مقارنة بين الكاسيت زمان وكول ايديت حاليا

اخى العزيز
مرفق شرح توضيحى اتمنى ان تفهم منه ما طلبت
مع اطيب تحياتى عادل صموئيل

[عادل صموئيل]

احبائى
اقدم لكم نوتة من العيار التقيل
عش انت
لفريد الاطرش كاملة
مع اطيب تحياتى

[نور الصباح]

الأخ العزيـــــــــــــــزوالصديــــــــــــــــــق الفاضـــــــــل الأســــتاذ /
عـــــــــــــــــــــــــــزت شـــــــــــــــــــــــــــــــــــــــــــــــــ ـــحاتة
سلام الله عليكم ورحمته وبركاته
وبعـــــــــــــــــــــــــــــــــــــد :
إلى جنابـــــــــــــــــــكم أتقــــــــــــــدم شرفــــــــــــــا بالنوتة الموسيقية
لترنيمة ( يـــــــــــــــــا مريم البـــــــــــــــــــــــــــــــكر ) القديسة الطاهرة
عليــــــها وعلى ابنها نبى الله عيسى وعلى نبينا أزكى السلام وأطهر تحية
من تدوين
الأســـــــتاذ الفنان الفـــــــــــــــــذ الموسيقار الكبير والبروفيســـــــــــر
(( عــــــــــــــــــــادل بـــــــــــــــــاشــــــــــــــــا صموئـــــــــــــيل ))
وقد حاولت رفع النوتة الموسيقية لترنيمة ( وسط البحر الهايج دون جدوى رغم محاولة تغيير اسم الملف ) وللعلم النوتة موجودة فى صفحة رقم (54 ) بتاريخ 30 / 8 /2009
متمنيا لك كل النجاح
وشكرررررررررررررررررررررررررررررررررررررررررررررا
أخـــــــــوكم / نور الصباح
الاخ العزيز نور الصباح
اولا اشكرك على شعورك ولو عندك نوتة ترنيمة وسط البحر الهايج حاول نزلها ولو على رابط خارجى وانا حتصرف فيها
يعنى طبعا لو موجودة اوفر الوقت اللى اكتبها فيه لحاجة تانى
مع اطيب تحياتى عادل صموئيل

[عاصم المنشاوى]

الأصدقاء
صباح الخير عليكم

انضم لنا صديق جديد....وليد100 مصرى مغترب فى السعودية.....وكان بيطلب نوتة اغنية"سلامات ياحبايب" للراحل محرم فؤاد....وكلمات الرومانسى قوى مرسى جميل عزيز....وتلحين الكتوراة والتخصص فى تلحين اغانى الوداع والسفر والغربة...طبعا عارفينه...بليغ حمدى...حد ينسى الطير المسافر ل نجاة...خلاص مسافرلشادية...وبلاش تفارق وبودعك لوردة....وحبيبى يامتغرب لفايزة......وكنت على وشك انى اقول ل وليد ...روح لموقع بليغ حمدى دوت كوم...حتلاقى نوت جميلة لبليغ وصور وذكرياته .....ولكنى صعقت واندهشت ...لما عرفت ان الموقع معروض للبيع .....the domain balighhamdy .com is for saleآه والله ...بليغ حمدى للبيع.
انا مش فاهم ليه الورثة بيعملوا كده؟؟؟؟؟؟؟؟؟؟
ليه مش بيحافظوا على تاريخ الرموز دى...وليه الجحود والنكران برغم "حق الاداء العلنى"...!!!!
اتحداك لو تلاقى حد من الورثة عمل اى حاجة للرموز العظيمة دى ...سواء كان فنان أوغيره......كله بمجهودات المعجبين..شئ يغيظ.
هل قام "احمد السنباطى "بعمل موقع لوالده على النت اومتحف فيه عوده الشهير وصوره؟؟؟؟؟؟ح يقولولك اصل المتحف ده مسئولية وزارة الثقافة ...ده مش عذر.
ابن كمال الطويل"زياد"وهو ايضا ملحن وفنان ...ماعملشى موقع لوالده ...ماقولناش متحف...حتى الموجى اولاده كلهم فنانيين...عملوا ايه لأبوهم!!!!
قول بليغ ماخلفشى ...لكن معروف انه كان متبنى -الى حد ما- ابن اخوه هيثم...ليه تيبيعوا الموقع ياأستاذ هيثم....وأين الدكتور مرسى اخو بليغ؟؟؟؟
فى القلب حسرة بالمرارة..

أذن لولا منتدى زى "سماعى " كانت الناس دى راحت فى دائرة النسيان...
لأن لاحكومة بتهتم ....ولاوزارة ولاثقافة ولا تاريخ ولارموز...
وروح اوروربا وشوف المانيا ولا النمسا ولا ايطاليا بتعمل ايه فى الفنانين بتوعها
مفيش تهريج ولا سخافة قميئة....زى اللى عملوه ورثة ام كلثوم ...لما باعوا فيلتها وحطوا الملايين فى جيوبهم...وتتهد الفيلا ويطلع مطرحها فندق...وآل ايه اشترطوا
على ادارة الفندق انهم يعملوا متحف...وطبعا لافيه متحف ولايحزنون....

ولولا الجندى المجهول "عادل صمويل" اللى واهب روحه وعينيه وفكره لكتابة هذه النوت للتاريخ...كأحد النساك فى محراب الفن ....لأنتهى الفن الجميل.

ولولاكم ياأصدقائى-هواة ومحترفين-لاندثرت قيم جميلة من حياتنا لا يقدرها الورثة حق قدرها.
آسف للأطالة وهاهى نوتة "سلامات ياحبايب" لبليغ.
طبعا مافيهاش رشاقة ولاسهولة نوت عمنا المعلم....لكن آهى حاجة توريك السكة
وخلاص...
عمنا النيجيرى سابقا المغاغى حاليا"عزت شحاتة" انت كنت فين ياراجل من زمان؟
اهلا بيك معانا وماتنساش لقاءنا الجميل يوم 8 شهر 8 فى القاهرة .والأستاذ وليد 100
...وطبعا الكل معزوم.
باسم كل الفنانين الراحلين ....اشكر ادارة منتدى "سماعى"

[وائل علوي]

المشاركة الأصلية كتبت بواسطة أ.عبير

السلام عليكم ورحمة الله وبركاته
أرجو مساعدتي سريعا من فضلكم
عايزة نوتة (طلعت يا محلى نورها)
ونوتة ( بحيرة البجع)
وأشكركم جزيل الشكر على تعاونكم معي
تحياتي،،،،،
الاخت العزيزة
اهلا بكى فى المنتدى , وانا بحب اهتم بالاعضاء الجدد واشجعهم على الاستمرار والتواصل فى منتدانا ان شاء الله ادون لك طلبك قريبا
مع اطيب تحياتى عادل صموئيل

الاخت الجديدة تفضلي نوتة سيد درويش طلعت يا محلى نورها وهي واضحة
تحياتي
وائل

[وائل علوي]

المشاركة الأصلية كتبت بواسطة OuDsOuL

في البداية اعرف جيداً ان طلبي يستحق العناء والتعب في تحقيقه ولكن اسمح لي اخي الكريم تلبية هذا الطلب
النوتة الموسيقية الكاملة لاغنية رق الحبيب للراحلة ام كلثوم
بتوضيح كل كلمة في النوتة الموسيقية لانني ضعيف في قراءة النوتة بعد
ولك مني استاذي الفاضل كل التحية
شكرا لك ولمنتدي سماعي

تفضل اخي نوتة رق الحبيب من تدوين استاذ عادل وهي كاملة
تحياتي
وائل

[bishara88]

سلام الله عليكم جميعا
هاكم نوتة أهيم شوقا من تدويني الشخصي , وأود جدا أن أسمع رأي الأستاذ عادل صموئيل بعملي هذا

بوركتم جميعا
أخوكم نقولا مرجية

اهلا وسهلا اخى العزيز
طبعا العمل الجيد ما اقدرش اقول عليه حاجة يعنى تدوين جيد وسهل واهم شىء انك تستخدم برامج اكتابة حتى يستطيع الجميع قراءة النوتة بسهولة
ولكن لى ملحوظة واحدة خلى اسم الملف بالعربى عشان يبقى سهل فى القراءة وواضح فى الحفظ عند الاعضاء
مع اطيب تحياتى واهلا بك عادل صموئيل

[bishara88]

أعزائي سلام الله عليكم
أهديكم وبكل محبة نوتة "سماعي هزام" للأستاذ محمد عبد الوهاب , من تدويني الشخصي , وآمل سماع رأيكم الصّريح

بوركتم جميعا أخوكم نقولا مرجية

[bishara88]

أخي الستاذ عادل صموئيل
تحية عطرة لك وبعد

بكل محبة أقدم لك ولجميع الإخوة نوتة غنيلي شوية شوية من تلحين الشيخ زكريا أحمد , ومن تدويني الشخصي , وكلي أمل أن تنال إعجابكم

أخوكم بشارة بشارات