طلبات نوتة - الصفحة 22

**عمرو الهنداوي** · #1 03/04/2010, 00h21

اقتباس:

المشاركة الأصلية كتبت بواسطة Anitta

الاخ عمرو الهنداوى
اتمنى من حضرتك انك تجيبلي نسخة البرنامج pdf to music pro كاملة لاني منزلها بس مش كاملة بيقول ان لازم ال pdf يكون مكتوب بصوت او بطريقة معينة يعنى لازم استاذ عادل يدونها بطرية الاخ وسام لان طريقة استاذ عادل مختلفة لانو كدة عادية مش متحولة انا التانى على ما اظن انو لازم تكزن معمولها تحويل او save بطريقة الاخ وسام
وشكرا
وارجو سرعة الاجابة

اولا اهلاا وسهلاا بحضرتك معانا
البرنامج اللى حضرتك بتكلمى عنه كبير فى الحجم
وفيه مشاكل زى ايه؟
مثلاا انه مش قوى كفاية علشان يقرا كل انواع
البى دى اف وكل النوتات وبالذات العربية فهو لا يفهم علامات
الموسيقا الشرقية فى النوتة والتى كتيرا يستخدامها استاذ عادل
البرنامج حلو فى القراءة لكن كفاءته ليست كويسه

طيب الحل ايه؟؟
هناك برنامج افضل منه بمراحل وصغير فى الحجم شوية
ومن مميزاته انه يقدر يقرا جميع النوتات
وجميع ملفات الموسيقا البى دى
وكمان يقدر يقرا نوتات مكتوبة بخط اليد
وحفظها بشكل صور او ميدى
ويمكن التعديل على النوتات وكذلك قراءة الادوليب
عن طريق ميزان 31 على 4
واسم البرنامج فوتو سكور Photo Score

حاولى تجربى البرنامج ده
وراح تحسى بقرق كبير عن البرنامج اللى
حضرتك بتكلمى عليه

مرفق ملف ورد فيه شرح البرنامج
وكيفية التحميل وهو كامل
وفى الملف كود التسجيل وكمان البرنامج
معه الباتش الخاص به واسمه اكتفيتور

بعد ما تسطبى البرنامج سواء من خلال كود التسجيل
او الباتش افتحى عليه اى نوتة
وانتظرى ثوانى حتى يقراءها
ما تنسى لو راح تستخدمى الباش انك تحطى الباتش
فى ملف البرنامج على السى
وتشغلى الباتش وتدوسى باتش
كل التحية

**armendo** · #2 11/05/2010, 07h32

اقتباس:

المشاركة الأصلية كتبت بواسطة Eng.fawzy

السلام عليكم و رحمة الله

انا لسه مبتدئ فى تلعم الة الكمان و عايز اى نوتات اتدرب عليها تكون سهله
و لكم جزيل الشكر مقدما

اخى مهندس فوزى صباح الخير لماذا لا تبدأ بالنشيد الوطنى وهى نوتة سهلة جدا تدرب عليها جيدا ثم نتبعها بنوتات اخرى ان شاء اللة اليك نوتة بلادى بلادى مع تحياتى ......ارمندو

**عادل صموئيل** · #3 11/05/2010, 20h14

احبائى
اقدم لكم نوتة
افرش منديلك ع الرملة
مع اطيب تحياتى

وانتهز الفرصة واسأل على الاخ العزيز وائل هو فين من كام يوم ؟

**salhi_haithem** · #4 12/05/2010, 07h23

السلام عليكم ورحمة الله وبركاته
وديه نوتة انت عمري كاملة للست ام كلثوم مدونة كرد على درجة الصول
مع اطيب تحياتى اخوكم هيثم

**نور الصباح** · #5 14/05/2010, 02h50

إلى الإخــــــــــــوة الأحـــــــــــــباء
إلى الأصدقــــــــــــــاء الأعـــــــــزاء
إلى الأخ والحبيب الغــــــــــــــــــــالى
أرمانـــــــــــــــــــــــــــــــــــــــــــدو
إلى الأستاذ مزيكا عـــــــــــــــــــــــود
سلام الله عليكم ورحمته وبركاته
وبعـــــــــــــــــــــــــــــــــــــد :
إليكم النوتة الموسيقية لأغنية موسيقار الأجيال
محمد عبد الوهاب ( يــا مسافـــر وحـــــــدك )
من تدوين ( مارد التدوين الموسيقى العربى )
عـــــــــــــــــــــادل بــــــــاشـــــــــــــا صموئــــــيل
وشكرررررررررررررررررررررررررررررررررررا
أخوكــــــــم / نور الصباح

**عادل صموئيل** · #6 15/05/2010, 21h08

احبائى
اقدم لكم نوتة
كل الناس بيقولوا يارب
واهديها للجميع وخصوصا اخى العزيز وائل قول يارب
واهديها لكل المدرسين حيث انها تصلح للمدارس ومش مستهلكة
مع اطب تحياتى
ومن ضمن الحركات الذكية اللى احب تلاميذى يتعلموها منى انا عارف ان كتير بيحبوا يعزفوا الكرد على حجاز كاركرد فعملت منها نسخة بالمرة , والدرس هنا انك تبقى مع الوقت فاهم طلبات او احتياج الناس اللى بتتعامل معاهم وتنفذها قبل ما يطلبوها ودى انا شخصيا بحبها فى القهوة او المطاعم احب اكون زبون منتظم فى قهوة او مطعم والجرسون بيكون حافظ طلبى المحدد وينزله من غير ما اطلبه

**عادل صموئيل** · #7 17/05/2010, 20h02

احبائى
اقدم لكم نوتة من العيار التقيل
خدنى معاك لياسمين الخيام كاملة
وتلحين محمد عبد الوهاب
هى انطلبت بإسم ابعد عنى عيونك
وللأغنية دى عندى ذكريات اول مرة عزفناها فى النادى الاهلى فى الحفل السنوى وكانت كل عام اعتادت احياء هذا الحفل الفنانة نجاة الصغيرة وكانت كل سنة بتلبس فستان احمر , وتلك السنة اعتذرت نجاة فأحيت ياسمين الخيام الحفل وطبعا لبست فستان احمر وقبل الغناء طلع جميع لاعبى النادى الاهلى على المسرح الخطيب ومصطفى عبه واكرامى وكلهم وكانوا لابسين بدل وكرافتات وكان طبعا شكلهم بيبقى مختلف عن شكلهم فى الملعب .
هنا فيه ملحوظة لو سمعتم الصولو العبقرى لاحسن عازف ناى فى العالم محمود عفت تجد العبقرية فى الجمال مع البساطة واستخدام الاربيجات لأول مرة مع انها مش من طبيعة صولو الناى .
من النوادر المضحكة فى هذا اللحن اننا عزفناه فى العريش فى اول حفل بعد اكتمال تحرير سيناء وكان فى مسرح مكشوف بنى خصيصا للحفلة فجذبت الاضواء حشرة كبيرة ممكن تكون جرادة وحامت حول ياسمين الخيام وهى تغنى عند ( سيبنى ف حالى سيبنى ) فخاطبت الجرادة لتبعد عنها
مع اطيب تحياتى

**adib aburuman** · #8 18/05/2010, 04h23

الاخوة والاصدقاء الاعزاء
تحية محبة
اولا اشكر الاستاذ عادل رهيف المشاعر والإحساس على تدوينه لأغنية (خدني معاك) أكيد الليلة سهرتني راح اتكون طويلة عليها وشكرا على المعلومات الحلوة خليتنا نضحك عليها!!!
أقدم للجميع تسجل متواضع تجريبي لأغنية (حب إيه)، أرجوك أستاذ عادل لقد سجلتها mono بصراحة اشعر انه يمكن للتسجيل أن يكون أفضل، إذا توفر لك الوقت وسمعتها أرجو أن تخبرني كيفية تعديل الصوت (عندي مشكلة في ضبط حساسية الميكرفون)، في كندا كنت أسجل كان التسجيل يكون صافي أكثر من هيك أرجو افادتي شو القصة، وشكرا معلش اتحملنا.
أخي وصديقي الغالي السنباطي شكرا كتير على تعليقاتك وكلماتك الجميلة (كلنا طلاب بنتعلم ويا ريت اتسمعنا حاجة من عزفك كن جريئ في العزف ولا يهمك ) انتظار حاجة منك.
اذا عندك اتصال مع وائل ارجو ان تسلم علية كثير وتطمنا علية واحشنا كثير.
يوم سعيد للجميع
اخوكم
اديب

عزيزى اديب
انا استمعت لعزفك وهو جميل جدا واهم شىء الزمن عندك مضبوط جدا
انا قمت بعملية اصلاح للتسجيل يعنى شلت جزء كبير من الشوشرة وكان عندك بداية اللحن ناقصة حرفين صلحتها
العيب اللى كان عندك فى التسجيل الاول ان كان الصوت منخفض جدا , ولكن الميكروفون الجديد اقوى كتير عشان كده التسجيل مستواه اعلى من المفروض وهنا المفروض تبعد شوية عن الميكروفون يعنى المفروض الاشارة تكون فى ثلاث ارباع النافذة مش ااكتر , ايضا انا قمت بانقاص حجم الملف من 4 ميجا الى 2 ميجا مع الاحتفاظ بنفس كفاءة التسجيل وده مهم جدا من اجل سعة سيرفر المنتدى , انا ارفقت الملف اللى انا عملته عشان تعرف الفرق كما ارفقت لك وللجميع صورة تبين كيف تزيل الشوشرة مع اطيب تحياتى عادل صموئيل

**نور الصباح** · #9 22/05/2010, 20h41

الأخ العزيـــــــــز والصديـــــــــــــــــق الفاضل الأســــــــــــــــــتاذ /
نجـــــــــــــــــــــــــــــــــــيب مـــــــــــــــــــــــــــــــــــــــــــــــــ ـراد
سلام الله عليكم ورحمته وبركاته
وبعــــــــــــــــــــــــــــــــــــــد :
إليكم وإلى كل الأخــــــــــــــــــــــــــــوة الأحــــــــــــــــــــــــــــــــــباء
النوتة الموسيقية لرائعــــــــــــــة الموســــــــــــــيقار محمد عبد الوهــــاب
( هـــــــــــــــــــــــــــــــــــــــــــــــان الـــــــــــــــــــــــــــــــــــــــــود )
وهى من تدوين عملاق ومارد التدوين الموسيقيى الشرقى بلا منازع الفنان الكبير
( عــــــــــــــــــادل بـــــــــــاشـــــــــــــــــــــــا صموئـــــــــــــــــــــــــيل )
مع خالص حبى وتقديرى
وشكررررررررررررررررررررررررررررررررررا
أخوكـــــــــــم / نور الصباح

**وسام اكرم** · #10 19/05/2010, 19h56

الاخ العزيز و الاستاذ الغالي على قلوبنا جميعا: عادل صموئيل المحترم
اولا اقدم لك خالص امتناني و شكري مرة ثانية على نوتة (خذني معاك) الرائعة و اللتي رفعتها الينا مع أطيب الامنيات.
في الحقيقة انا بعد ان درست اكثر من 200 نوتة موسيقية قمت برفعها الى منتدانتا الحبيب , لم اجد الجواب الشافي حول سوال مهم طالما حيرني؟ و هوا كيف ندون النوتات التي يعاد عزفها اما على اوكتاف اعلى او ادنى؟
و لكي لا اطيل عليم الموضوع انا رفعت اليك جزء من توتة خذني معاك و تحديدا الجزء الذي يعزف على المكان( الفرقة) مرتين, مرة على اوكتاف اعلى و المرة الثانية على اوكتاف ادنى, و لكني لا حظت انك كتبتها مرة واحدة فقط دون الاشارة الى هذه النقطة المهمة كما في الصورة المرفقة ( النوتة الاصلية) و اللتي اختها من تدوينك!
في الحقيق قمت اولا باعادة كتابتها على برنامج سيبليس و بدون اي تحوير كما في الملف الصوتي ( الملف الاصلي) و النوتة المرفقة ( الملف الاصلي) ايضا!
و لكي اعلرف كيف تعزف هذه المازورات مرة اخرى و لكن على او كتاف اعلى ا ستعملت طريقتين و هما
1- استعملت (مفتاح الصول) المرفوع اوكتاف واحد و يكتب الرقم 8 فوقه كما في الملف المرفق( الطريقة الاولى) و مرفق مع الملف الصوتي( الملف الصوتي - اوكتاف اعلى)
2- استعملت طريقة الخطوط كما مع الملف المرفق (طريقة رقم 2) حيث استعملت الخط الذي يبداء بالرقم 8 و المقطع(Dash line) و ايضا يعاد العزف تماما على اوكتاف اعلى!
انا في الحقيقة كلما اريد معرفته هوا كيف تدون هذه الاتقالات في الاوكتاف في التدوين الشرقي و خصوصا اني لاحظت انك لاتستعمل مثل هذه العلامات ابدا؟
سوف اكون في غاية الامتنان و التقدير اذا اوضحت لنا مشكورا هذه النقطة بالتحديد. ارجوا المعذرة لاني أطلت عليك و لكن حقيقة ان جوابك على هذا الموضوع سوف يكون درس قيم لكل الاعضاء مع خالص حبي و امتناني
عاشق الفرقة الماسية
وسام اكرم
اخى العزيز وسام
اشكرك على سؤالك وانا احب الاسئلة لأن هدفى اولا التعليم وان اوصل معلوماتى وخبراتى الى الجميع
السؤال الذى سألته ابسط بكثير واسمح لى ان اوضح اولا انا ادون نوتاتى بطريقة تدوين الفرقة الماسية وهى مدرسة التدوين بلا منازع اولا لوجود الاستاذ الكبير نصر عبد المنصف وهو الذى اخترع عدد كبير من المصطلحات فى تدوين الموسيقا الشرقية ثم الاستاذ الكبير ميشيل المصرى ثم الاستاذ مختار السيد ثم العبد الفقير الى الله عادل صموئيل وفى الفرقة الماسية كنا ندون الجملة من مكانها ونكتب فوقها ( ثانى مرة جواب ) او ثانى مرة قرار ولم نستعمل ابدا العلامات الغربية التى قلت انت عليها لذلك تجدنى حسب التعود ادون بنفس الطريقة
ثانيا لو جملة مكتوبة من الاوكتاف الاوسط ( كجملتنا هذه ) المعروف او البديهى اننا كنا نعزفها اول مرة من مكانها وثانى مرة من الجواب بدون علامات ولا كتابة إلا لو قصد الملحن شىء آخر يعنى مثلا المرتين من نفس المكان او المرة الثانية 2 اوكتلف جواب , ولاحظ انى قلت كلمة المعروف او البديهى واكرر انت عندما تسمع ام كلثوم او الفرقة الماسية ( واكرر انهما كانا نفس طاقم الكمنجات يعنى نفس نوعية العزف )
تلاحظ انهما الفرقتين الوحيدتين تجد بهما توحيد فى العزف يعنى كل الكمنجات من نفس الاوكتاف مع بعض يعنى الجملة لو عزفناها 3 مرات تكون مرة قرار ومرة جوااب ثم مرة قرار بعكس الفرق الاخرى تجد كا كمنجاتى يعزف كما يحلو له وهذا يعطى تسلخا وضعفا وانقاصا لعدد الكمنجات لأن الاتحاد قوة , كذلك من الخبرة احيانا كنا فى البروفات جملة تنطق انها محتاجة ان تكون جواب كنا نعزفها كلنا جواب بدون اوامر او تلقين وهكذا , وبغختصار حتى اللزمات الصغيرة التى ترد على الغناء تجد لازمة مخلوقة لتعزف جواب او جواب الجواب واخرى مخلوقة لتعزف قرار كنا كلنا نعوفها من المكان الصحيح بدون كتابة فوقها , وانت اليوم عندما تسمع معزوفات الفرقة الماسية او ام كلثوم تجد فيها مدرسة يعنى نوعية االجملة الموسيقية او اللزمة الصغيرة من اى مكان نعزفها اتمنى ان تكون رسالتى وصلت بدون اطالة
وهنا توجد ملحوظة خطيرة فى التدوين على سبيليوس علامة النصف بيمول المقلوبة على شكل d انا لا اكتب على سبيليوس لعشرة اسباب اولهم تلك العلامة لأن العزفين فى السوق غير معتادين عليها ( لا انكر اننا درسناها فى الكلية ولكن الكلية شىء والسوق شىء ) انا اتعامل مع علامة النصف بيمول بشكلها الطبيعى الذى تجده فى كتاباتى اولا لأن شكلها فى الدليل مالوف لكل العازفين وايضا كعلامة عارضة
مع اطيب تحياتى عادل صموئيل
--------------------------------------------------
الاستاذ الغالي على قلبي عادل صموئيل المحترم
اولا اشكرك جدا على سرعة الرد. سوف ادرس كل كلمة قلتها و كتبتها بدقة متناهية علما ان اني كنت ادرك سلفا و لوا بشكل فطري ان تدوينك هوا ( تدوين مدرسة الفلاقة الماسية) و هذا ما اريد تعلمة بالضبط. احتاج على الاقل 24 ساعة من القرائة المتواصلة لردك الكريم لكي استوعبه و افهمه بالشكل الدقيق. و بالمناسبة انا اتفق معك ان علامة ال b المقلوبة غير محبذه لدي ايضا و لكن ما من حل, حيث انها برامجيات الشركة و انا مجبر على استعمالها. أشكرك من أعماق قلبي و اتمنى لك دوام التوفيق و النجاح انشاء الله.
المخلص
وسام اكرم