عازفى فرقة أم كلثوم

[معتز محمدي]

المشاركة الأصلية كتبت بواسطة سيادة الرئيس

عم محمد الحمد تغزيلة عم سيد آهه

الله عليك يا عم محمد

الحتة دي سمعتها لك الناس اللي اعرفهم .... بس تعرف معرفتش أسميها ايه

فعلا تغزيلة

[أبو زيد]

والله موضوع هايل وجميل، وتوثيقي لأهم فرقة عزفت خلف مطرب
Posted via Mobile Device

[سيادة الرئيس]

كنت بدور على مكان أحط فيه الملف فقلت أدور الأول في محرك البحث

كتبت ( سيد سالم ) لاقيت واحد سبقني من زمان و علق على التغزيله دي أخونا
( محمد الحمد )

إن كانت تدل فهى تدل على براعة عازف و حضور جمهور و سلطنه من الست

بعيد عنك

موسيقى كوبليه ( لا نوم و لا دمع ) السولو بتاع الموسيقى في منتهى البساطة ( نغمه و يزحلق على ما قبلها و ترد الفرقه و بعدين نغمه و يزحلق على ما قبلها و ترد الفرقة و تسلم للغناء )

لكن لا يا عم بليغ ما يسكتش عمنا ( سيد سالم ) و يثور على السهوله دي ( الدقيقة 0.46 ) يقوم إبن اللئيمة مغزل تغزيله تولع عباد الله في الصاله

تقوم الست ما تلاقيش كلمة تقولها على الحلاوه دي غير ( إيه ده ) ( الدقيقة 0.51 ) عشان عباد الله تولع مره تانيه

و يرجع يعيدها لكن بشكل تاني ( الدقيقة 1.29 ) و عباد الله تولع أكتر و أكتر

الله يرحم ده عازف

الله يرحم دي ست

الله يرحم ده جمهور

تغزيلة سيد
بعيد عنك - سينما قصر النيل - الوصلة الثالثة - 2 - 6 - 1966

[NAHID 76]

بسم الله الرحمن الرحيم
سيادة الرئيس
لو كنا فى جلسة تجمع الاصدقاء ومحبى السيدة ام كلثوم لكنا استطعنا ان نزيد ونفيض فى التعبير عن عذة الطلعة الثانية التى اشعلت الجمهور
ولكن ماذا ونحن نكتب على صفحات النات ما قل ودل وكيف نعبر ونحن يعتصرنا الخجل
اشجيتنا سيدى الفاضل واى اذن مرهفة تمتلكها سيادتك لقطت هذة الروعة
يا ريت كل موسيقى الاغنية بالكامل
الله يرحم الست والجمهور والوسيقين
ويرحمنا جميعا

[صالح الحرباوي]

سلام و احترام،
أحسنت والله ... يا أستاذ صلاح.
لم يسبق لي أن سمعت هذه التحفة....وأرجو لمن يستطيع أن يخبرنا عن الحفل الذي وقعت فيه هذه التغزيلة...
و أنا أتذكر موقف طريف لعازف الناي، العبقري السيد سالم، في الحفل الأول لأم كلثوم في تونس عندما نسيت الست بعض الكلمات من فكروني و كان السيد سالم يصرخ من وراءها ليفكيرها بها، لكن صخب ال 10.000 متفرج كان من الظاهر يمنع الست من سماعه و هو يستمر في الصراخ في انفعال شديد.
تحياتي

[صلاح السويفي]

والله كم جميـل ولفتـة رائــعة ياريس..ياسميّي العزيز..

ومن بعد إذنك . . .دي الحاجات اللي تشرح القلب

وتنعنش الوجدان ..وتسمو بالروح ...

ياريت ترفع من روحنا المعنوية بمثل هذه الدرر..

مش(....) مع احترامي لجميع الأذواق طبعا

[ايهاب عامر]

السلام عليكم ورحمه الله وبركاته
اخونا وعمنا السميع استاذ صلاح علام
بجد رائعه وفيها جمال كبير جدا
تخيل مع اهات الجمهور احسست بقشعريره من جمالها والله
كما ذكرت هى مفاجئه للفرقه وللست ام كلثوم والجمهور ايضا
بس لو سمحت ليه سؤال
هل تعتقد انها مرتبه من العازف
ولو انى اعتقد انها وليده اللحظه او وليده السلطنه
ايه راى حضرتك انت ؟
شكرا يا غالى على تلك اللمحه الرائعه
تقبل خالص تحياتى

[ايهاب عامر]

المشاركة الأصلية كتبت بواسطة ص الحرباوي

سلام و احترام،
أحسنت والله ... يا أستاذ صلاح.
لم يسبق لي أن سمعت هذه التحفة....وأرجو لمن يستطيع أن يخبرنا عن الحفل الذي وقعت فيه هذه التغزيلة...
و أنا أتذكر موقف طريف لعازف الناي، العبقري السيد سالم، في الحفل الأول لأم كلثوم في تونس عندما نسيت الست بعض الكلمات من فكروني و كان السيد سالم يصرخ من وراءها ليفكيرها بها، لكن صخب ال 10.000 متفرج كان من الظاهر يمنع الست من سماعه و هو يستمر في الصراخ في انفعال شديد.
تحياتي

السلام عليكم ورحمه الله وبركاته
اخونا العزيز صالح الحرباوى
فعلا نسيت ام كلثوم باقى الكوبليه
ولكن كانت فى اغنيه
انت عمرى
وليست فكرونى
اسمح لى ان ارفع هذا المسمع ويبدوا فيها واضحا نسيان ام كلثوم وصوت العازف سيد سالم وهو يذكرها بما نسيته
تقبلوا جميعا خالص تحياتى

[صلاح السويفي]

المشاركة الأصلية كتبت بواسطة ص الحرباوي

سلام و احترام،
أحسنت والله ... يا أستاذ صلاح.
لم يسبق لي أن سمعت هذه التحفة....وأرجو لمن يستطيع أن يخبرنا عن الحفل الذي وقعت فيه هذه التغزيلة...
و أنا أتذكر موقف طريف لعازف الناي، العبقري السيد سالم، في الحفل الأول لأم كلثوم في تونس عندما نسيت الست بعض الكلمات من فكروني و كان السيد سالم يصرخ من وراءها ليفكيرها بها، لكن صخب ال 10.000 متفرج كان من الظاهر يمنع الست من سماعه و هو يستمر في الصراخ في انفعال شديد.
تحياتي

أخي الستاذ صالح الحرباوي

لقد ذكرها الأستاذ صلاح

بعيد عنك - سينما قصر النيل - الوصلة الثالثة - 2 - 6 - 1966

[Egy_LoveR]

الست...
وكمان بعيد عنك!


سيد سالم؟....مممممم أولا اهتمامك يا اساذ صلاح بحاجة زي دي يدل انك بتسمع بمزاج...بتذاكر مش بتسمع! وعامة هو ده الحال مع الست...الواحد مش قاعد بيسمع..لأ الواحد متنح ومستمتع وبيسمع

طبعا التغزيلة جامدة وفي مكانها مع اني كنت فاكر ان حد عاشق لآلة الناي زيي أو عازف بس هو اللي هياخد باه منها...لكن واضح انك صاحب مزاج عالي يا أستاذنا...لأ وايه الجمهور ده؟؟ ناس مصحصحة مش ناس مهيسة ومهيبرة ومش عارفين أصلا العود من البزق! ...خير

أظن انها مرتجلة وغير مقصودة بس حلوة...بس مكنتش اعرف ان دي اسمها تغزيلة....شكرا

بالنسبة لواحد مبتديء ناي او حتى اي ناياتي سيد سالم ومحمود وعفت وعبدالله حلمي و كده... دول حاجات أسطورية..

ومع الست برضه مبدعين كمان زي احمد الحفناوي
شكرا عالحاجات الحلوة دي