أحلام رمضانيه - الصفحة 2

**سمير حسين** · #1 12/08/2010, 05h54

.. شاعرنا الكبير / سعد الشرقاوى .. كل عام وأنتم بخير ..
كان لى شرف المرور على توتة عم سعد وقرأت أحلام رمضانية .. سيمفونية جميلة .. أحلام رقيقة مملؤة بالحب للجميع .. كلمات نابعة من قلب عاشق للأرض والصُحبة .. ياعم سعد أنت شاعر جميل وقرأت كثيرا من أشعارك وأستفيد منها
لم لا وأنت تكتب تحت التوتة التى تـُظلل على الأحباب وأوراقها تحجُب لسعة الشمس .. أشعر تحت التوتة بنسمة الهواء وطيبة القلب .. كل سنة وأنت طيب يا صاحب القلب الطيب ..

**بلقيس الجنابي** · #2 13/08/2010, 20h41

طيب عمنا سعد يا الشرقاوي

أعمل لنا عزومة مراكبي وبلغ وحينا بجمال رمضانياتك الحلوة

كل سنة وانت طيب يا طيب رمضان كريم

شكرا لهديتك الحلوة بارك الله فيك
والان أختكم بلقيس ستهديكم رباعيات بلقيس الرمضانيــة

**سعدالشرقاوى** · #3 21/08/2010, 10h22

اقتباس:

المشاركة الأصلية كتبت بواسطة رضوان حسن عبد ا

يارب ماتنسناش فى السحور مع الأمّه دى ياه لو يتحقق الحلم ونقابل كل السمعجيه دول يبقى هوه ده الأفطار اللى ماحصلش يارب نتقابل فى الجنه على حوض المصطفى

رضوان حسن

الاخ الكريم
الاستاذ/رضوان حسن
تقبل الله منكم صالح الدعاء
وكل عام وانتم بخير

**سعدالشرقاوى** · #4 15/08/2009, 16h02

اقتباس:

المشاركة الأصلية كتبت بواسطة Tarek Elemary

عم سعد
يا لون لوحدك يا عبقرى يا نسخة واحدة و مش تكرار لحد يا مبدع حقيقى
هذه تحفة نادرة تتضاءل امامها محاولتى فى أهل المنتدى عن جد كما يقولون
و كمان جمعتلك كل خلقاتك و فاسك و زمبيلك و جميع أدواتك و لوازمك فى الرابط ده

حكايات تحت التوتة (الراوى سعد الشرقاوى)

أستاذى ومعلمى/طارق العمرى
هذا قليل مما عندكم أيها الشاعر والاديب
صاحب الذوق الرفيع
والشهامه والأصاله
أصبحت تعلمنا دروسا فى مكارم الاخلاق
من خلال أعمالك العظيمه
كل عام وأنت والاسره بكل الخير

**سعدالشرقاوى** · #5 15/08/2009, 15h37

اقتباس:

المشاركة الأصلية كتبت بواسطة NAHID 76

بسم الله الرحمن الرحيم
يا صباحك النادى يا خال
أنا سعيده إنى أول واحده ادخل وأكتب
برافو مع ساعه من التصفيق الحار وإيماءة انحناء تحيه لجمال كتاباتك يا خال
هو إيه انت من اللي أحلامهم بتتفسر
جميله جميله جميله وتنم عن حب كبير لسماعى اللي أصبح حلم حياتنا
كل سنه والمنتدى بمن فيه وزواره ومريديه بألف صحه وسعاده
برضه البهارات مانستهاش
وبرضه ناهد ماورهاش غير المطبخ
الله يخليك يا خالى سعد يا شرقاوى
تحياتى

السيده الفاضله أمنا/مدام ناهد
اذا كنا لانملك غير الاحلام فدعونا نحلم
ربنا سبحانه وتعالى يعيد هذه الايام
على كل أهل سماعى بكل خير يارب

**ناصر دويدار** · #6 13/08/2009, 23h19

سعد سعد تحيا سعد
؛؛؛؛؛
أنت عارف ياعم سعد أجمل شئ
كسبته من علاقتى بالمنتدى
هو ان الناس نضيفة
جـــــــــــــــداً
وعاملين حالة
ونس ببعض
مش عارف ليه حسيت
بعد ما قريت
أحلامك الرمضانية
شميت ريحة طيبة
مصرية
وبنى أدمين
بتدور على بعض
وأنا بحسدك جداً
على ذاكرتك التاريخية
التى تحتفظ بكل هذه الأسامى
وتضفيرها بشكل جميل
كأنك بتربط الناس ببعض
بخيوط حرير
أنا بشكرك جـــداً
على رمضانياتك
اللى دخلتنى فى أجواء
الشهر الكريم وربنا
يعوده علينا جميعاً
بكل خـيـــــــــر
؛؛؛؛؛
سعد سعد تحيا سعد

**علاء طه ياسين** · #7 14/08/2009, 11h59

يا سعد يا شرقاوي

عملتها إزاي دي
يخرب عقلك ياراجل
بصراحة مش لاقي تعليق أكتبه
انت بتطير بعيد واحنا بنحاول نلحقك مش قادرين
بصراحة
انت تستحق كل خير
وبجد
إنت إنسان أصيل
وأنا أتشرف إني صديقك
يا ابو مدحت يا حلو
...
..
.
وطبعا لازم تصحي من الحلم
أكيد مصاريف الفطار تقلت عليك
هتجيب أكل لكل ده منين يابني

علاء ياسين

**سعدالشرقاوى** · #8 15/08/2009, 16h11

اقتباس:

المشاركة الأصلية كتبت بواسطة علاء طه ياسين

يا سعد يا شرقاوي

عملتها إزاي دي
يخرب عقلك ياراجل
بصراحة مش لاقي تعليق أكتبه
انت بتطير بعيد واحنا بنحاول نلحقك مش قادرين
بصراحة
انت تستحق كل خير
وبجد
إنت إنسان أصيل
وأنا أتشرف إني صديقك
يا ابو مدحت يا حلو
...
..
.
وطبعا لازم تصحي من الحلم
أكيد مصاريف الفطار تقلت عليك
هتجيب أكل لكل ده منين يابني

علاء ياسين

الشاعر الغنائى
شقيق الروح/علاء ياسين
مانت عارف يابو علوه اننا لو سرحنا الغيط ومعانا العيش
ح نلاقى هناك كل اللى يحتاجه فطار رمضان
انا اللى صحّانى قبل المنام ما يخلص
انىّ لقيتنى طوّلت على القارئ وخفت يكون زهق
الموضوع مش متظبّط قوى يعنى
وان شاء الله فى السحور ها تتعوّض
عشان باقى الحبايب
من أهل سماعى الكرام
اللى بنحبوهم
وأصبحنا أسره واحده

**سعدالشرقاوى** · #9 15/08/2009, 15h54

اقتباس:

المشاركة الأصلية كتبت بواسطة ناصر دويدار

سعد سعد تحيا سعد

؛؛؛؛؛
أنت عارف ياعم سعد أجمل شئ
كسبته من علاقتى بالمنتدى
هو ان الناس نضيفة
جـــــــــــــــداً
وعاملين حالة
ونس ببعض
مش عارف ليه حسيت
بعد ما قريت
أحلامك الرمضانية
شميت ريحة طيبة
مصرية
وبنى أدمين
بتدور على بعض
وأنا بحسدك جداً
على ذاكرتك التاريخية
التى تحتفظ بكل هذه الأسامى
وتضفيرها بشكل جميل
كأنك بتربط الناس ببعض
بخيوط حرير
أنا بشكرك جـــداً
على رمضانياتك
اللى دخلتنى فى أجواء
الشهر الكريم وربنا
يعوده علينا جميعاً
بكل خـيـــــــــر
؛؛؛؛؛

سعد سعد تحيا سعد

اخى الاستاذ/ناصر دويدار
الشاعر المبدع الاصيل
أشهد الله اننى أحبكم جميعا فى الله
ورغم انقطاع النت عندى منذ أسبوعين تقريبا
ما من يوم يمر الا وأتحمل مشقة السفر
لاحدى القرى المجاورة
لاراكم من خلال نظرتى على الموقع
وربنا يديم علينا المحبه

**امحمد شعبان** · #10 15/08/2009, 16h37

اقتباس:

المشاركة الأصلية كتبت بواسطة سعدالشرقاوى

أحلام رمضانيّه

بعد صلاة العصر بساعه
وتحت التوته بيحلى الصّوم
يومها لقيت الجوّ طراوه
وجه فى دماغى شويّة نوم
,,
فجأه سرحت ف حلم جميل
عوزت الليل يدخل وانا صايم
ولا فكـّرت ساعتها ف مغرب
واتمنـّيت انىّ افضل نايم
,,
شوفت اللهمّ اجعله خير
إنىّ مروّح ومانيش دارى
كأنىّ فتحت الموقع يعنى
وكل الناس داخلين على دارى
,,
رحت منادى ..ياعمّ أمين
يا حاج سلومه ..ياواد ياسباعى
قولوا لكلّ حبايب التوته
عندى ضيوف من أهل سماعى
,,
شفت ساعتها الاستاذ غازى
وعمّ سمعجى مع الدكتور
كانوا واقفين بيقابلوا ضيوفى
وخلوّا حياتى فرح وسرور
,,
وانا فى سعاده وكلّ شويّه
ب ابصّ بعينى على الزراعيّه
شفت كأن مراكب جايّه
وخلق كتير راكبين عربيّه
,,
سامع صوت فى الجوّ احلوّ
لاهو كلاكس ولاهو صفـّاره
وألمح مدحت إبنى بيجرى
عليّه يقول لى شوف الطيّاره
,,
نازل عمّى زمنطر منها
معاه أبو زهده ويوسف سالم
وم الشبّاك بلقيس بتشاور
مين ويّاها ؟ ياربّ ياعالم
,,
وانا فى الفرحه ومبسوط خالص
عايش أجمل يوم من عمرى
شفت علاء قدرى مع رائد
جاىّ معاهم طارق العمرى
,,
فاضل وقت بسيط ع المغرب
والقرآن كان لسّه بيقرا
وكلّ الناس من أهل سماعى
اللىّ بيسمع واللىّ بيقرا
,,
وجت ملاّكى نمرها بحيره
فيها إسلام مع أبو مندور
واللى سايقها ناصر دويدار
لمّا قابلهم فى دمنهور
,,
وفاتت خالتى رغد على منـّه
بنت عطيّه جابتها معاها
وزاد السّعد بعمّى ريحانى
ويسرى عطيّه وعلاء طه
,,
قلت يا مدحت روح قول لامّك
عندك وجبه تكفىّ ضيوفى؟
قالت الصّايم رزقه على الله
وحط ف قلبك بطيخه صيفى
,,
قلت اتطرّف يمّ المطبخ
قصدى أطـّمّن يعنى عليها
لقيت عمّتهاناهد ويّاها
وخير الدنيا ياناس حواليها
,,
والمبلول مصبوب فى كاساته
وفيه أصناف ماتجيش فى البال
وعندها ثومه وعمّتى هامو
وأختى عفاف والحاجّه منال
,,
ومحمود سعد باعت لها دينا
تساعد وتصبّ الشربات
ورايا بتعمل أجمل سلطه
وأم حسام جايبه البوهارات
,,
وعمّو فؤاد يسمع فايزه احمد
ع التليفون لو حدّ ينادى
عامل نغمه تقول (ومعايا)
تردّ على احمد عبدالهادى
,,
ولقيت أبو يحيى وعادل سيّد
خدوا بالحضن عمر زهران
وحيّوا معايا سويفى وكشك
وشيخ الليله أبو شعبان
,,
رحت أقول لسيادة الريّس
أهلا بيك نوّرت الدّار
ومعاه شاكر والسلامونى
ويحيى ابو زكى وسامى نوّار
,,
وفجأه لقيت القرآن خلـّص
والحرباوى يطلّ علينا
وأحمد عزمى مع عماد جمعه
والعقاد بقوا تحت عنينا
,,
وأنا ما زعلتش م اللى اتأخـّر
أو كان بينّا جبال وبحور
واللىّ ما جاش فى فطارنا الليله
ح يشرّفنا ف أىّ سحور
,,
واتقلـّبت يمين وشمال
على صوت مدفع عامل غاره
أتارينى كنت ف حلم جميل
وصحيت منـّه يا ألف خساره
,,

يا سعد :
حيّاك الله كما حيّيتني وأسعد أيامك ولياليك الرّمضانية بكل الخير والبركة .
ودمت لنا خفيفا ظريفا .