حكايات تحت التوته (المقدمه)سعدالشرقاوى

[سمعجى]

المشاركة الأصلية كتبت بواسطة فؤاد عبد الحميد

ولا تحلفني

ياأستاذ سعد
نفسي نقعد انا وانت في هالضليله
بس علي شرط .......
يكون معانا الأستاذ
كمال
( سمعجي )
والشرط الثاني
أن يكون عندك تسجيل
علشان نسمع

فايزه

ياااا سلام يا فؤاد يا حبيبي

إنها " غاية المُراد مِن رَبِّ العِباد "

و نغني " مع حبيبتنا فايزة " :

يامّة يا هَوايا ،، يامّة يا هوايا يا مّة
الهوا بعتـَر ضفايري ،، إيه قصدُه معايا يامّة
إيه قصدُه مَعاااااايا

( )

[سمعجى]

المشاركة الأصلية كتبت بواسطة Tarek Elemary

عم سعد ... الجميل
المستغرق فى المحلية و العاشق لبيئته المحلية المحلاة بطعم الريف و رائحة الطمى عند رى الشراقى فى حر الصيف
أنا صحيح إسكندرانى لكن أصل و جذور العائلة من فلاحين إيتاى البارود بحيرة و بهم أشرف و أرفع رأسى أن اصلى فلاح
و فى عرفى الخاص أن المصرى الذى لا أصل يربطه بالصعيد او الفلاحين فهو مسكين أبتر من موروث ثقافى و جذور اصالة ممتدة عبر الزمن

إيتاى !

مِنوَّر يا بـِلد ،،
آدينا طلِعنــا بحراوِيّة زىّ بعض
و لي أصدقاء أعزاء مِن جماعِة " الحِنــّاوي " في نِكلة العنب

دلوقت بس عرِفت سِر جَمَــال و حيوية أشعارَك يا فنـــّان

[فؤاد]

المشاركة الأصلية كتبت بواسطة سمعجى

و نغني " مع حبيبتنا فايزة " :

يامّة يا هَوايا ،، يامّة يا هوايا يا مّة
الهوا بعتـَر ضفايري ،، إيه قصدُه معايا يامّة
إيه قصدُه مَعاااااايا

( )

والهوي بتاع التوته خدني ........ورماني .....
وأحنا ماشين بين الغيطانِ

(( معلش أنا كترت أوي في المشاركه بس هنعمل أيه في الأستاذ سعد خلاني أطلع كل اللي عندي ))

[Tarek Elemary]

إنت لسة عارف دلوقت؟
أنا قلت لعم سيد أبو زهدة الكلام ده من زمان
إنك بلدياتى و هاتتبنانى يعنى هاتتبنانى
أما عيلة الحناوى فهم من أفاضل الناس فى كفر عوانة و نكلا العنب
و أنت لا تقل عنهم يا زعيم البحاروة

[سعدالشرقاوى]

اخى الفاضلا/الاستاذ فؤاد
نوّرت المكان وازدادت التوته حسنا وجمالا
وخاصة انها كانت تحلم باستضافة العمالقه
عمى الحاج/سمعجى
واخى الكبير/طارق
وياحبذا لو كان بصحبتكم
عمّى /ابو زهده
وخالى /ابو صلاح
واستاذنا د/انس
وكل الحبايب
لكن معزرة لا يتاح لى الان شرايط فايزه احمد المطلوبه
غير انها تغنى تحت التوته الان فى محاولة خباثه
مع امّها المتعطرصه فاضطرت ان تدخل عليها بكل الحيل
لاقناعها (باين عليه غلبان وحدّ م الجيران وصف له قليّتنه
اسقيه ينوبنا ثواب والاّ ارد الباب والا اناديله يامّه)فوجب علينا التدخل
الفورى لحل هذه المشكله

[عفاف سليمان]

مساء الخير على حضرتك يا استاذ سعد
الله على حضرتك والله كلمات جميله
وفكرتنا بايام جميله كنت ازور بلد زوجى
وعندهم ماشاء الله غيطان جميله بلد اهل ابيه وكنا نجلس فى النجيله للغيط
ونشوى ذره وشفت عيدان الملوخيه الجميله والباميه
والخضراوات
وذكرتنى وانا عمرى 14 عام سافرت بلد ابى رحمة الله عليه
واخذتنى اختى لابى الى الغيط التى تملكه او الارض التى تملكها والمزروعات من الخضر كل شىء من الارض
مفيش حاجه بيشتروها من بره
والله كانت ايام جميله واوقات اجمل
حضرتك ذكرتنا بيها
ياريت يوم واحد بس يعود منها
لك وللجميع خالص تحياتى
وننتظر المشاركات التى جمعتك بحكايات اهل البلده
تحت
التوته
اختكم عفاف

[رائد عبد السلام]

المشاركة الأصلية كتبت بواسطة سعدالشرقاوى

حكايات تحت التوته

مجموعة حكايات من اعداد/سعدالشرقاوى

تحت التوته تلا قوا معايه

ميت حدّوته والف حكايه

وكلّ واحد عـــنده روايه

لمّا بنـــــقعد تحت التوته

,,,,,,,,,

وانا باوعـدكم بعد يومين

تقروا حكاية عمّى امين

واحد م النـّاس القاعـدين

دايما عـندى تحت التوته

,,,,,,,,

والى لقاء مع الحكايه
( رقم1)
بعنوان
(عمّى امين)

الله عليك يا
عمدة
إحنا بقي مستنيين أول حكاية

والصورة دي تحت التوتة
علشان القعدة تحلــوّ

[سعدالشرقاوى]

اختنا الكريمه مدام/عفاف
شكرا على مرورك الكريم
وان كان تاخر عليّه بعض الوقت
لكنى اعزرك شامم ريحة نجاح ايمن
معرفش هوّاحساس ومضطرلتوزيع
الفاكهه و الشربات والتوت الابيض
تحت التوته
ان كان فالف مليون مبروك

[أحمد محمد امين]

توتة توتة ياريت ما تخلص الحدوتة
عن عنبة تكتب ولا نخلة ولا عن توتة
وراك ياشرقاوى لو هتكتب ميت نوتة

[سعدالشرقاوى]

اخى الاستاذ/رائدعبدالسلام
من قلب قلبى اشكر هذا الجهد
وماتقوم به انت من اعمال
اكبر بكثير من هذا العمل المتواضع
واجمل مافى النخله انك اخترتها مثمره
وهذا يدل على عمق احاسيسك
ربنا يخليك لنا اخ واستاذ وموجه