الحاج محمد العنقى - الصفحة 2

**ridha26** · #1 03/01/2008, 00h28

سهرة أندلسية مع الحاج

1- يا ليالي مضت - إنصراف حسين
2- خذ روحي مني - إنصراف راست
3- بين الأباريق (إن كنت عاشق) - إنصراف رمل المايا
4- بين الضلوع - إنصراف رمل المايا
5- يا بديع الحسن - إنصراف رمل المايا
6- أحباب قلبي - إنصراف رمل المايا
7- زمان الخلاعة - إنصراف رمل المايا
8- عشية - خلاص رمل المايا

**ridha26** · #2 08/01/2008, 23h22

مالو بطا عليا

**ridha26** · #3 08/01/2008, 23h30

هاجو بالفكر اشواقي

**بريكسي فريد** · #4 27/03/2008, 01h05

السلام على الجميع
الاخ محمد
سبحان الله يا لطيف هي قصيدة الزغلول للشاعر مصطفى تومي الذي كتبها للمغني العنقا سنة 1970.
القصيدة فيها خمسة أقسام, إليك القسم الأول منها على أن أكمل كتابتها في الأيام المقبلة بحول الله.

زغلول لطيف يا عريف * نحكي لك و افهم * في سن الورد و الزهر باهي الأوصاف
مغرور بريشه الظريف * ماجي متخاصم * سل سيفه قال لي عندي خلاف
أوقف إذا أنت شريف * من أهل الخاتم * وري لي وين وصلاتك قوة الأكتاف
جاوبت أنا وقلت كيف * ماجي تتكلم * بكلام الغيظ واش هذا الغضبة و زعاف
ما هيشي جابها النيف * كي جيت محزم * هذي غيرة مرزمة و حسودي بزاف
ضنيتك صاحبي حليف * بي تتزعم * و ترن هقيت لي مطامر تدي للكاف
حتى و إذا أنت سخيف * من حقك تحشم * تعرفني قاطع البحور جايل الأرياف
عساك أنت اللي قصيف * للدنيا قادم * مثلك ما عاش ما زهى أش اللي شاف
اللي زغلول ما ينيف * ورشان معلم * قادر يرحيه في حروف ألها لام و كاف
مرقوم الريش يا رهيف * أرجع لا تندم * عندك منقار ما يحارب و جناح ضعاف
أترك الحديث العنيف * ما هوش موالم * أترك عليك لغة الغتبة و التشناف
يا ذا الزغلول يا نحيف * أرجع للمرسم * و اللي بعتوك قول لهم ما همش ظراف

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زضم * و اللي يبقى مع التوال يقولوا زحاف

**بريكسي فريد** · #5 27/03/2008, 10h09

السلام على الجميع
القسم 2 و 3 من قصيدة الزغلول

قسم 2

كاين اللي يجي بسيف * يبدأ يتزعم * و يقول أنا غير أنا ما كان خلاف
خصوص إذا أنت سعيف * تسكت و تسلم * ترجع في حينها حلاسة و إلا نشاف
كاين اللي يجي تقيف * يعرف يتكلم * بالكتوب و الرسول و السادات الأشراف
يخدعك غير بالحليف * يقسم و يعظم * و السبحة راه من وراها عامل زرناف
كاين اللي يجي لهيف * بنيابه يهضم * ما رواته ميات صحفة و ألف غراف
يبغي كرسي من الصديف * و كنوز العالم * اللويز و الماس و الفضاضي من كل أصناف
كاين اللي يجيك ضيف * بالقش مرزم * في يوم البرد و الشتا و الريح الزفزاف
فاتت الأمطار و الخريف * ما زال مرسم * يرجع هو مول دارك و أنت جحراف
كاين اللي يجيك عفيف * ما زاله يحلم * ذقنه ما زال ما عرف موس الحفاف
يرجع ضربان لا تصيف * زقطي متشلغم * باعك و شراك في دقيقة عند الحراف

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زضم * و اللي يبقى مع التوال يقولوا زحاف

قسم 3

لحمام إذا نسى الولفة * من بعد الحب و الشغاف
خلاني في الأحزان و جفى * من دون دواس لا خلاف
هذا تحقيق به شوفة * شكيت داروا له الثقاف
الباز إذا غاب صدفة * يهجر و يروح للتلاف
خلاها خالية الغرفة * من ذاك اليوم ما أنشاف
ضنيته صاحبي و يشفا * و ترن ثعبان في الاجواف
عيب عليكم عار كشفة * يا أهل بلادي يا سخاف
درتوها مرتبة و حرفة * نكرتوا الخير و الصناف
سومتكم ما سوات علفة * في سوق السبت و الجياف
ما هي صحبة و لا معرفة * ما هي نسبة و لا حلاف
كيفاش القلب عاد يصفى * كي قطعتوه بالاطراف
من يتبعكم راح في الفا * و الرا المسبقة بقاف
يا ضيف الله جوز تدفى * رد سلامي لا تخاف
ياك جينا نايضين شرفا * و الله ما نخيبوا الضياف
اجلس هنا بغير كلفة * انزع عليك ذا اللحاف

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زضم * و اللي يبقى مع التوال يقولوا زحاف

**بريكسي فريد** · #6 28/03/2008, 08h05

السلام على الجميع
نهاية لصيدة الزغلول

قسم 4

يحسبوا الشيخ ما يفيد * عدوه يخرف * ما بين الصبح و العشية و الناس تشوف
يحسبوا الشيخ ما يفيد * عدوه يهترف * قالوا سيفه رشى حفى

و الشيخ أ سامع القصيد * ما زاله يهدف * سيفه براق فالثنية ديما معروف
يحسبوا الشيخ ما يفيد * كالثور الشارف * ارحاوا الموس في الخقا

و الشيخ أ سامع القصيد * ما هوش مكتف * ما هوش غنيمة الضحية ما هوش خروف
يحسبوا الشيخ ما يزيد * شملاله يوقف * كيف ما عملوا ما كفى

و الشيخ أ سامع القصيد * يسكت و يساعف * راهي ما خفات له خفية كل شي مخلوف
ماني محساد لا جحيد * عمري ما نسخف * نمشي و نعيش بالصفا

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زضم * و اللي يبقى مع التوال يقولوا زحاف
قسم 5

غنيت شحال من قصيد * منظوم مستف * و الناس جميع عارفة
فني ما هوش مالمسيد * مانيش مثقف * قراني الجوع و الحفا
خبزي مصنوع من سميد * ماهوش مسلف * داري ماهيش تالفة
يشهد القريب و البعيد * ما نيش موالف * نهدر و نقول في القفا
عظمي ماهوش للكديد * مانيش محشلف * أرضي ماهيش ناشفة
الصيد يموت ياك صيد * و لو كي يشرف * منه الذياب خايفة
اللي مقيود ما يقيد * يشد المقذف * في وسط رياح عاصفة
مول المنظوم و القصيد * ما هوش مطرف * من أهل الصدق و الوفا
ولد باب جديد بالوكيد * ببير جبح نحلف * التومي قال مصطفى
و اللي غناها عميد * فيها يتصرف * شيخ العنقا اذا كفى
عام السبعين لا تزيد * من بعد الالف * و البسع ميا مردفة
الجزاير عهدها جديد * سنجاق يرفرف * تميم و قلت بالشفا

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زضم * و اللي يبقى مع التوال يقولوا زحاف

**بريكسي فريد** · #7 30/03/2008, 21h11

الجزاير عهدها جديد * سنجاق يرفرف * تميم و قلت بالشفا

السلام على الجميع
اصلاح الجطأ في قصيدة الزغلول في اخر بيت بدلا من تميم يقرأ تميت
الجزاير عهدها جديد* سنجاق يرفرف * تميت و قلت بالشفا

**mokhtar haider** · #8 22/05/2008, 21h45

أنا صغير ما نعرف
لو كان نعرف ...ما نعشق... و أنا صغير

سجلها الفنان الشيخ محمد العنقا سنة 1927
و من جمالها غناها بعده العشرات من مطربي اللون الشعبي العاصمي إلى يومنا هذا

**soumine1991** · #9 07/02/2011, 06h44

آسف حقا فقد كنتُ على عجل ولم ألحظ أن الملف لم ينزل..على كل حال هذه أغنية يا ضيف الله كاملة بصوت الحاج العنقى

**idriss** · #10 16/02/2011, 11h43

السلام عليكم ورحمة الله

يالطالب طيري علا