موسيقى الشعر - دروس في علم العَروض

[منال]

أسطورة الكلمه المعلم : كمال عبد الرحمن

سلمت الأنامل على التصحيح والتصويب

لقد افرحتني كلماتك ,,إذن نحن في إنتظار

تلك القصيده قربيا أن شاء الله

دمت معلماً

[منال]

المشاركة الأصلية كتبت بواسطة غازي الضبع

يا جماعة ..
أنا زعلان منكم كلكم
إزاي تكون المدرسة دي موجودة
وماحدش يديني خبر ، ولا يبعتلي حد يندهلي من ع القهوة
***
لأ .. لأ .. لأ
أنا زعلان جدا
***
وكمان لقيت فيه أرانب وملوخية ، و رُز وتقلـية
دا غير الفطير ، وحاجات بتطـير
لأ . لأ .
أنا مخاصمكم

أخي الغالي : غازي

كنت أفتقد وجودك في الدروس,,وكنت أقول في نفسي (قد لا يحب العروض ) ولكن ارد واقول (لكنه يعشق كل شيء من الأستاذ كمال) ,, ولم أكن اعلم أنك لا تدري؟؟

طيب تزعل منا وتخاصمنا بعد؟؟
لا..مايهون عليك ,,,لأن قلبك كبير
سامحنا ..الكل كان يعتقد أن عندك خبر
امسحها بوجهي,,,وبعدين الدروس في بدايتها..
استاذ غازي (بيني وبينك) انت زعلان على الدروس؟
ولا على الأكلات اللذيذه اللي راحت عليك؟؟؟

ننتظر إطلالتك معنا في هذه القافله العروضيه الزاخرة.

دمت بخير...

[unicorn]

المشاركة الأصلية كتبت بواسطة سمعجى

الله يشفيه ،،
مش ده اللي كان كاتب في وصيته ، يدفنوا معاه عشر تِرغِفة من الخبز المُدَعم المخصص لمفتشي الصحة و التموين ، و اللي كان فاكر إن البسطرمة حيوان منقرض

إنت عارف المُدَرس ده ،، مَرَّة بَعَت ابنه يشتري له برُبع جنيه جبنة بيضا من عند البقال ،،
البقال قال للولد :
خللي أبوك ييجي يـِلحَس السّكـِّينة

عجبتنى قوى حكاية البقّال دى يا مولانا
باقول ايه:
أبويا بيسلِّم عليك و باعتلك معايا باكوين دخان خصوصى و دفتر ورق بفرة , و قرطاس شاى و قمع سكر
و بيقولَّك افتح صندوق الرسايل الخاص عشان الوِد يتِّصل يا مولانا
يا ذوق انت يا أمييير

[غازي الضبع]

المشاركة الأصلية كتبت بواسطة unicorn

لا مؤاخذة يا غازىيا خويا
احنا قولنا بعد ما خدنا المسامحة من المدرسة
نقعد مع مولانا الشيخ كمال
أهو نسمع لنا كلمتين من بتوع العروض
انت على العموم عرفت السكة ,
بس خد بالك مولانا له طلبات و احتمال كمان قارئة المج تكون لها طلبات للأسياد ( يجعل كلامنا خفيف عليهم)
انت حاول تخش على سيدنا بحاجة كدة من طلبات الأسياد : زر ورد أحمر مزنهر , حمامة بيضة مشأشأة , بخور و حنة جاوى , و ريالين فضة

و بنا يجعلهم بالرضا و السماح

خلاص ..
هاتنزل المرة دي
انما اعمل حسابك المرة الجاية
لا ممكن تنزل أبدا
***
أوكيه يا بو مندور
أنا كده فهمت المصاريف عبارة عن إيه ؟
واديني جبت معايا فرختين بدارا عذارى
عشان مولانا الشيخ كمال يقبلني معاه في الفصل ..
ويجعله عامر

[غازي الضبع]

المشاركة الأصلية كتبت بواسطة manal99

أخي الغالي : غازي

كنت أفتقد وجودك في الدروس,,وكنت أقول في نفسي (قد لا يحب العروض ) ولكن ارد واقول (لكنه يعشق كل شيء من الأستاذ كمال) ,, ولم أكن اعلم أنك لا تدري؟؟

طيب تزعل منا وتخاصمنا بعد؟؟
لا..مايهون عليك ,,,لأن قلبك كبير
سامحنا ..الكل كان يعتقد أن عندك خبر
امسحها بوجهي,,,وبعدين الدروس في بدايتها..
استاذ غازي (بيني وبينك) انت زعلان على الدروس؟
ولا على الأكلات اللذيذه اللي راحت عليك؟؟؟

ننتظر إطلالتك معنا في هذه القافله العروضيه الزاخرة.

دمت بخير...

أختي العزيزة الغالية / منال
بقى أنا برضه يفوتني كلمة من كلمات عمي الأستاذ كمال
أول مرة أعرف إن هذه الدروس موجودة
ويا خسارة .. أن فاتتني عدة حصص ماضية
لكن ملحوقة ..
أديني أهوه دفعت المصاريف إمبارح
وانضممت إليكم ..
وبعد إذنكم .. أنا هاقعد جنب الأستاذ عصفور طاير عشان التدخين
هو إنت قاعد فين يا أ. عصفور
إوعى تكون ورا الدكتور محمود رزق
لحسن كده مش هانشوف حاجة من على الســبّورة ( هي بالسين ولا بالصاد ؟ )
**
أشكرك بشدة يا أ.منال على كلماتك الرقيقة ، وترحيبك بي في الفصل
وبالنسبة لزعلي على دروس موسيقى الشعر ولا على الأكل
هو طبعا الموسيقى غذاء الروح
بس مافيش مانع من غذاء البطن برضه
***
لكم جميعا خالص تحياتي ومحبتي

[غازي الضبع]

بالمناسبة يا جماعة
وجدت مشاركة في بداية الموضوع للأخت تقى المرسي
وكنت أحب أعرّفكم أن الأخت تقى
كانت مشرفة قسم الأدباتية
وبعدها أشرف على القسم الدكتور أنس
وبعدهما كان النابغة كمال عبد الرحمن
وهي شاعرة متميزة مرهفة الحس ، ورقيقة الكلمات
وكما قلت من قبل ..
أن قسم الأدباتية دائما محظوظ بمشرفيه .
تحياتي

[هاله]

ويا خسارة .. أن فاتتني عدة حصص ماضية
لكن ملحوقة ..
أديني أهوه دفعت المصاريف إمبارح
وانضممت إليكم ..

وبما انك دفعت المصروفات ياغازىيبقى المفروض تحل الواجب بتاع المرتين اللى فاتوا ولا ايه؟
وبعدين ياغازى نصيحه اخويه............ بلاش تقعد جنب عصفور اصله بينى وبينك "مش بيحل الواجب بيتفرج ويضحك على حلولى وبس "فمش هتستفيد بالقعده جنبه اللهم الا اذا كنت هتستفيد بالتدخين
نسيت اقولك نورت الدروس ياغازى
ياللا ورينا شطارتك

[رائد عبد السلام]

عمنا الكبير وأستاذنا الجليل : عم سمعجي
اااااااااااالله.....علي خفة دمك ياعمنا ...ده أنا قعدت أضحك من لحس السكينة أبو ربع جنيه ..لحد ما لساني شقّق..
تصور يا أستاذنا إن حلقة العلم الجميلة دي صورة مصغرة من طفولتنا فعلا ....يعني مثلا :
1-محمد أبو مندور هو اللي تسبب في فتح هذا الموضوع الجليل....وبعدين راح الحوش يلعب...وسابها تضرب تقلب وكل شوية يخش لواحد قافية .
2- كل البنات : لولي ، منال ..منتظمين في الفهم وخايفين علي مستقبلهم وبيعملوا الواجب بينما الصبيان فاقدين .
3: أنت تحوط الكل برعايتك يا أستاذنا وبقلبك الكبير ....ربنا يديك الصحة .

[غازي الضبع]

المشاركة الأصلية كتبت بواسطة لولى76

ويا خسارة .. أن فاتتني عدة حصص ماضية
لكن ملحوقة ..
أديني أهوه دفعت المصاريف إمبارح
وانضممت إليكم ..

وبما انك دفعت المصروفات ياغازىيبقى المفروض تحل الواجب بتاع المرتين اللى فاتوا ولا ايه؟
وبعدين ياغازى نصيحه اخويه............ بلاش تقعد جنب عصفور اصله بينى وبينك "مش بيحل الواجب بيتفرج ويضحك على حلولى وبس "فمش هتستفيد بالقعده جنبه اللهم الا اذا كنت هتستفيد بالتدخين
نسيت اقولك نورت الدروس يا غازى

ياللا ورينا شطارتك

أختي لولي
بالنسبة للواجب
المفروض أتحاسب عليه من أول ما دفعت المصاريف
ولا هاتحاسبوني عليه بأثر رجعي
أما بالنسبة للأستاذ عصفور
فأنا اخترت أقعد جنبه بالذات عشان طبعا هو حبيبي وأستاذي
ولما أميـّـل عليه في سيجارة مش هايكسفني
بالإضافة إلى كوّنه شاطر في المادة دي
وأكيد رقم جلوسي هاييجي جنب رقم جلوسه
ونبدل الورق
يوه
بس بقى يا لولي
لحسن سمعجي يكون سامعني
ويقوّمنا من جنب بعض في الامتحان
**
إنت اللي منوّرة والله يا لولي ، وكل الأخوة الأحـبّة منورين في فكرة حبيبنا أبو مندور ، وحضرة أستاذنا الجليل كمال عبد الرحمن .

[عصفور طاير]

المشاركة الأصلية كتبت بواسطة غازي الضبع

وبعد إذنكم .. أنا هاقعد جنب الأستاذ عصفور طاير عشان التدخين
هو إنت قاعد فين يا أ. عصفور
إوعى تكون ورا الدكتور محمود رزق
لحسن كده مش هانشوف حاجة من على الســبّورة ( هي بالسين ولا بالصاد ؟ )
**
أشكرك بشدة يا أ.منال على كلماتك الرقيقة، وترحيبك بي في الفصل
وبالنسبة لزعلي على دروس موسيقى الشعر ولا على الأكل
هو طبعا الموسيقى غذاء الروح
بس مافيش مانع من غذاء البطن برضه
***
لكم جميعا خالص تحياتي ومحبتي

تعالى يا عم غازي أنا أهه

جنب الشباك ورا

داحنا هانرش وهانسجر وهاتبقى حكاية


باقول لك.. إنت ليك في المعسل؟؟؟